MELC MISSIONARY DAY
- Rev Kamminthang, Director of Missions & Evangelism, MELC
Amasa’n MELC Missionary Day hing pien dan thu tomkim giel thei ding a damna hing pia Pasian kung ah kipahthu gen kom in Hattuom miseingthou te zouise na bon un MELC Missionary day chibai ka hing buh hi. JCA apat a ipetou uh kum 31 ichin kum un Mangpa nasep theipen Missionary nasep pantu ding in Board Member mi 6 ana guat ua, amaute khu:Missionary Board Members:
i) Pastor T. Khamthang – Chairman
ii) Pa Kaikhohau – Secretary
iii) Pa T. Ngulkhohen – Treasurer
iv) Dr. T. Tongkhokai – Member
v) Pa Kapzagou – Member
vi) Pa Theukham – Member
Tam atung a lamkai teng in Burma/Myanmar, Moreh mun pansan in Rev. Ginzapau in April 27, 1986 ni’n hakhat a Rs. 500/- maimai law in ana koi uhi. Moreh mun pansan a Missionary nasep Burma/Myanmar gam a Pasian nasep lemchang zoulou in ana khawlsan kia ta uhi.
Rev. Hauzalian (B.A., B.D) leh lamkai masate’n pan ahing la a Missionary nasep na mun ding in 1st July, 1991 ni’n Chairel, Thoubal District, Manipur mun Rev. P.K. Khama (Director of Ministries) in Manipur Mission Field honkhietna leh latna anei a, Pu Thuamkai leh a innkuante amun a koi lut ana hita ua.
Tuami ni khu “MELC MISSIONARY DAY” a tunitan a ina man uh ahita hi. Tukum khu a kum 34 na MELC in Mission Field nei a Pasian nna inasep uh ahing hita hi.
Pu (L) Thuamkai toh Meitei lah a sem ding in Evan. E. Chaothoi zong Missionary mun a teng ding in ana kisiem khie hi. Tunita’n in Evan. E. Chaothoi pen a Pension haloh kipe den nalai hi. Chairel Mission Field khu Headquarter a kinei in Tentha Tuwabal ah Hattuom hing ding khie a, Haiyang Meitei Church Moreh mun ah zong Hattuom hing ding khie kia hi, Sagol Lambi, Laingoubi te ah zong Fellowship kinei thei hi. Ahin, vangsiet huai tah in Manipur Mission Field apeisa 3rd May, 2023 in Chairel, Tenta Tuwabal, Haiyang Meitei Church, Moreh, Sagol Lambi Fellowship, Laingoubi Fellowship Chuh Building teng abon in Arambai Tenggol/Volunteer te’n hing suhsiet sah in, i Biehinn teng hing haltum sah ta uhi. Manipur Mission field a i Missionary semtute a haloh uh 3rd May, 2023 apat in December, 2023 (8 months) sung teng itna toh a pay uh ana kipie in, ahinlah 2024 apat in khawlsah ahi ta hi.
TRIPURA MISSION FIELD
Manipur Mission Field ban ah Field tha ding in lamkai masate’n Kanchandpur, North Tripura mun khu Field tha ding in ana ngaituo ua, 5th June, 2018 ni’n Tv. Manglianlam, Kanchandpur, Tripura mun a Missionary ding in ana koi uhi. Kanchandpur mun apat Missionary pa pen Kangrai kho ten kou kung a Pasian thu hing hil un chi’n ana chiel ua, tu in Kangrai, North Tripura mun khu i Mission Headquarter hing hita hi.
MELC MISSIONARY TE LEHA UMNA MUNTE UH
KANGRAI
i) Mr. Manglianlam – Field In charge.
ii) Mr. Pitha Ram Reang – Missionary
iii) Elder Daharam Reang – Missionary
DANGAPARA:
i) Mr. Haugoulal – Missionary
ii) Elder Lilendra Reang – Missionary
COLONYPARA:
i) Mr. Jangkholen Mate – Missionary
LUTHERAN PUBLIC SCHOOL, KANGRAI –MISSIONARY SANGSYETE:
i) Mr. P. Dongminthang – Headmaster
ii) Mr. James Kaikhogin – Missionary Teacher
iii) Mr. Thonggoulen – Missionary Teacher
iv) Mr. Nongsakrai Reang – Missionary Teacher
v) Mr. Lamenjoy Reang – Missionary Teacher
vi) Miss Jubilee Reang – Missionary Teacher
vii) Miss Rongsamaiti Reang – Missionary Teacher
viii) Mrs. Laxmita Reang – Missionary Teacher
ix) Mrs. Saijonti Reang – Caretaker
VARANASI, UTTAR PRADESH MISSIONARIES:
i) Mr. Surya Prakash Gautam – Field In charge.
ii) Mr. Shyamnarayan Pyare – Missionary
iii) Mrs. Saroj Kumari – Missionary
iv) Miss Rinu Jyoti Kumari – Missionary
v) Miss Pooja Kumari – Missionary
MANIPUR MISSION FIELD:
i) Miss Mercy Neitham – Missionary, Gospel for India (GFI)
ii) Evan. Ginminlun Tawtah – Missionary, Lamka Area Relief Camps
Pasian in ma hing puitou zel in mailam sawtlou in India Church Growth Mission (ICGM), Chennai leh National Missionary Society of India (NMSI), Chennai tungtawn in Church of South India (CSI) te toh zong Mission Field Tripura leh Varanasi Mission Field ah Partnership in Pasian nasep hing um thei ding in ka gingta hi. Mission Field te a ding in theitop in pan la semsem vai.
Source: Gospel Tangkou | July 2025 | Page 2-5
