JANGKHOLEN MATE, MISSIONARY COMMISSIONING
Apeisa Date 20/1/2025 Nitalam nai 1: 30pm in Martin Luther Hall ah Rev Suanboi Tungdim, Director of Ministries MELC in Pa JANGKHOLEN MATE khu Colonypara, Kangrai, Tripura a Missionary ding in “Sawlkhietna” (Commission) vaiguon Mission Boardte saina toh Moderator, Dy. Moderator, Director of Ministries, Director of Mission leh Office Staff te leh Upa leh Pastor khen khat toh kipahtah in vaiguon zatpi uhi.
Vaiguon tangpite:
1. Hunkem: Rev Kamminthang, Director of Mission/MELC
2. Hunpat thumna: Upa Daikhanthang, member MD/MELC
3. Vaidawn thugenna: Upa T. Kamdou, Vice Chairman, MD/ MELC
4. Commissioning service: Rev Suanboi Tungdim, Director of Ministries MELC
5. Houlimna: i) Pa Jangkholen Mate ii) Upa S. Zamzalam, Moderator MELC
LYF GENERAL HEADQUARTER IN A 68 VEI VAIHAWMNA LEH 2025-2027 SUNG VAIPAW DING TEELNA NEI
Lutheran Youth Fellowship General Headquarter in January 24, 2025 in Headquarters Church, Zomi Colony ah A 68 VEI VAIHAWMNA LEH KITEELNA nei hi. Rev. Suonboi Tungdim, Director of Ministries i/c Youth leh Rev. Kamminthang, Director of Mission and Evangelism te saina nuoi ah 2025-2027 sung Vaipaw ding tam anuai a bangin teel khiet ahi.
- Chairman: Pa P Khamminlun
- Vice Chairman: Upa T Pumminlal
- General Secretary: Pa Khamkhanmung @ KK Manlun
- Joint Secretary Tv. Paukhochin
- Secretary (Moral & Religion) : Evan. Ginminlun
- Secretary (Music): Tv. Kamkhanlal
- Secretary (Talent): Nh. Mangmuanching
- Secretary (Industry): Nh. Nianghoichiin
- Secretary (Education): Pa M Hauminthang
- Secretary (Information): Tv. P Khamsuanpau
Kiteelna jou in Rev. Suonboi Tungdim, Director of Ministries i/c Youth in Lamkai teeltha te Thumsahna anei hi. Mangpa Pasian in Lamkai thate zang a LYF sung Hagau leh tahsa lam a khantouna leh masawnna hing tun tahen chi ithuumna uh ahi.
VONDEI SAULIIM INN THA HONNA KINEI
Apeisa 15th December, Nai 1: 30Pm vel in Pu M. Haukholian leh innsung mite, Phamsa Upa Khupkhanhau Munluo @ MK Thomas, chief of Singngat thei zigna ding a ahing lamsah uh “Vondei Sauliim, Building Tha” honna Pa Hauchinkhup s/o Pu Haukholian in Ribbon Cutting anei a, Bishop in Pasian kungah latna anei hi.
Vaiguon tangpi
• Hunkem : Rev Suanboi Tungdim, DM/MELC
• Hunpat thumna : Rev Dr S.K Manlun, DS/ LWD
• Houlimna : Pa Hauchinkhup & Innsung mite
• Nuomthu genna : Upa S. Zamzalam, Moderator MELC
• Tawpna & Singpi latna : Rev Nengkhanlal Milun, DS/ LED
BISHOP IN LAIBU THA HONNA NEI
Apeisa 14th December 2024, Khawmpi Vaiguon laitah in Pastorpi Mannuamching IAS in agel laibu tha “Theituoh Numei te Tanchin” kichi The Rt Rev Khup Do Khen, Bishop in ahonna nei hi. Tami laibu a Sum kimu teng khu Vondei Sauliimte kithuohpi nadin laibu giel nun agen hi. Koi tobang VDS panpi na ding in tami Laibu leichiet din iki chiel uhi.
