BUNG – 1
KIPUIHUOINA LEH DANBU

Khil – 1
PREAMBLE

Khrist sisan a huoikhawm – Manipur, India leh leitung mun tuomtuom a hattuom umte’n lung kituoh tah in Apostolic Creed, Nicean Creed leh thugin pomte leh hattuom mipi vaihawmna toh pei akihi dan Manipur Evangelical Lutheran Church (MELC) chia ki min vaw in, Pasian a ginna zal in tam Kipuihuoina Laibu Hattuom Pawlpite kivaihawmna ding in Pa Pasian, Tapa Pasian leh Hagau Siengthou Pasian min in tuni 1st January, 2015 in MELC Headquarters Church, Zomi Colony mun ah ki pomta hi. Tualeh 1st January, 2015 a zat pat ahita.

Khil – 2

LAIBU MIN LEH KIZAHNA

1. Min: Manipur Evangelical Lutheran Church ( a tom in MELC)
2. Laibu Min: Tami Laibu min Manipur Evangelical Lutheran Church Kipuihuoina leh ‘Danbu’ a kichi ding hi.
3. A kizahna:
A kisahna sung: Tami Laibu pen Manipur Evangelical Lutheran Church Thuginpi leh Kipuihuoina leh Danbu dungzui a zui leh kivaihawmna nuoi a Pasian bekhawm leh nasemkhawmte, tualeh MELC in a theipi hattuomte sung a zah ahi ding hi.
4. Registered Address: Manipur Evangelical Lutheran Church Office pi a nuoi a mun ah a um ding hi.
MELC HEADQUARTERS
P.O. BOX – 10
ZOMI COLONY, CHURACHANDPUR
MANIPUR 795128, INDIA

Khil – 3
TUP LEH NGIM

India leh mun tuomtuom a um Manipur Evangelical Lutheran Church te’n tam anuoi a siltupte kitutuoh tah a Jesu Khrist itna lungtang vom kawm leh Hagau Siengthou kithuopina toh tangtun sah ding tup-le-ngim ahi. Tuate khu:-

a) Mangpa Jesu Khrist thupieh bang a India leh leitung mun tuomtuom a khantanhoi thupa tunjoulouna mun leh gam a hagau mangthaite sui a, Jesu Khrist khantanhoi genna; Hattuom phut ding, theipitu hiding leh a gingtate hindan siengthou ding a sinsah leh kep ding (Mat. 28:18-20).

b) Jesu Khrist gingtate (Khristiante) hagau hinkhuo suh hoi leh a pichin theina ding ua kep leh hatsah ding, tualeh a gingtate khat-le-khat kipanpituo a, kipawlkhawmna siengthou a kipawl a, ki ittuo chiet ding (Nas. 2:42-47).

c) Pasian itna khu miteng tung a itna nasep a suhlat ding. Tualeh, Jesu Khrist nasep ban – tahsa leh hagau a khantouna nahoi sem ding leh umna mun chiet a Chi leh Meivah bang a al leh vah ding a pankhawm ding (Matt. 5:13-16).

d) Ginna kibahpi hattuom-pawlpi tuomtuomte toh hagau lam leh tahsa lam a kipawl a, Pasian biehkhawm ding leh kipanpituo ding (Phil 4:14-20).

e) Pawlpi sung a siemzilna (Secular leh Theological) khantouna dia pan lah ding (1Tim 4:11-13).

BUNG – II
KHRISTIAN THUGINPI (Statement of Faith)

Manipur Evangelical Lutheran Church a member te’n mimal leh hattuom pumpi in tam thuginpi – Laisiengthou toh kituoh ginna ahi chi in ka gingta ua, ka phuongkhie uhi. Tuate:-

Khil 4 (Thuginte)

1. Laisiengthou toh kisai: Laisiengthou pumpi Siemchilbu apat Kihilna (Genesis to Revelation) tan Thuhun lui bu 39, Thuhun tha bu 27, a kigawm in bu 66-te khu Pasian huhakhum, a kikhel theilou, Pasian Hagau siengthou in nidang lai a misiengthoute kung a ana pieh, Pasian kihilna bukim, adihlou umlou, ginna leh nasepna ding a kibulphuna, doh ding thutop leh zui ding um sun ahia; tualeh lamkai lienpen leh tungnungpen ahi chi’n ka pom uhi (2Tim. 3:16,17; 2Pet. 1:21; 1Kor. 2:13; Kih. 22:18,19; Mat. 5:18; 24:35; Jn. 5:39; 10:35; 17:17; Isai 8:20).

2. Pasian toh kisai: Pasian Hing, Dih leh Siengthou, kumtawn a um zing, kipat hun leh top hun neilou, kikhel ngailou, bangkim bawlthei Pasian a Mi thum (Trinity), kipum khat leh kikhen ngailou, sep-le-bawl a pangkhawm zing, kumtawn a umkhawm zing, chi’n ka gingta uhi (Gen. 1:1; Diut 6:4; Isai 45:21; Ex. 3:14; 34:6; Jer. 10:10; Job 11:7; Sam 90:2; 147:5; Mat. 28:19; Jn. 4:23,24; Rom. 9:5; Nas. 5:3,4; Jn. 14:26; 15:26;17:3; 1:17; Kih. 4:8; 15:4). 

a) Pa Pasian toh kisai: Sil zousie siemtu, a silsiemte hepina toh enkoltu, itna Pasian ahi. Bangkim a abul, hinna nei zousie kung a hinna petu, a Tapa leh Hagau Siengthou leitung a hing sawl in, mikhielte hundamna ding a Tapa in lampi a hing bawlsah hi, chi’n ka gingta uhi (1 Kor. 8:6; Eph. 3:9; Job. 1:6; Heb. 12:9; Joh. 3:16; 14:26; 16:26; 1:12; 3:1-7; 14:23-24; 2Pet. 1:4; 1Jn. 3:9; 1:9; Jn. 16:23).

b) Tapa Pasian toh kisai: Jesu Khrist, Pasian Tangpatang neisun ahia, Hagau Siengthou silbawltheina in nungah siengthou Mari sung ah vop in a hing um a, mihing in ahing pieng a, mi zousie Mangpa leh Hundampa hiding in mi zousie sih-le-tang in Kross tung ah, igitlounate uh sil siengna ding in a sisan leh tui pawt in ahing thuoh in shi hi. Hankhuh sung ah vui in a um a, siem itanna ding un nit hum ni in mishi lah apat Pasian thupina tahsa toh kaithaw in a um a, van ah katou in, tu in Pasian zietlam ah tou in, a gingta mite genpiehpa ahia, mihing leh mishite thukhenpieh ding in, muthei in, silbawl theina thupi tah toh ahing peikia ding hi, chi ka gingta uhi (Mat. 16:13-16; Jn. 10:36; 1:14; Phil. 2:6-8; Isai 7:14; Mat. 1:18-25; Isai 53:1-12; 1Pet. 3:18; 2Kor. 5:21; Mat. 28:5-7; Lk. 24:26; 1Kor. 15:3-4; Mk. 16:19; Lk 24:51; Heb. 7:14-16; 1Jn. 2:1-2; Heb. 1:3; Kih. 3:21; Isai 9:6; Mat. 20:28).

c) Hagau Siengthou Pasian toh kisai:Hagau Siengthou Pasian khu Mihina nei leh hinna petu ahia, mite mikhiel ahina uh kiphawhsah a, Jesu Khrist Hundampa leh Mangpa ahidan theichien sahtu ahi. Gingtute chiemte leh hamuanpa ahia, gingtute sungteen khum a, gingtute hinkhuo susiengthou in, gingtute Jesu Khrist a akipieh zawna bangbang ua thoptu, biehna leh khantanhoi phuonzahna leh nasepna a mit vahsah, guolzawna hinkhuo a gingtute pui a, leitung top dong a umpitu ahi, chi ka gingta uhi (Jn. 14:16-17; 16:7-15; 1 Kor. 6:19; 12:13; Eph. 4:30; Rom 12:1-2; 2Kor. 3:18; Eph. 5:18-20; 1Jn. 2:20,27).

3. Silsiemna toh kisai: Pasian in vahzah dang neilou in bangkim asiem hi. Leitung pilna zangh a sil neunou khat a kipat a, ama leh ama hing piengkhia (evolutionary theory) ahi chia gente ngaidan toh kikal, Genesis laibu sung a sil siemthu kigen khu adih ahi, chin ka gingta ua, ka pom uhi (Gen. 1-3; Sam 33:6,9; 19:1-6; Isai 40:28; Kol. 1:15-17; Heb. 11:3; Kih. 4:9-11).

4. Vansawltahte toh kisai: Pasian in mihing a siem masang in Vansawltah kichi (Angelie) tampi ana siem zouta a, amaute lah a thupi in a sienthouna dinmun uh tudet in Pasian bia in Pasian nna asem ua, leitung a Pasian mite nna asem uhi (Job 1:6-12; 2:1-7; Eze. 28:12-18; Is. 14:12-14; 1Tim. 3:6; Kih. 12:3-4).

5. Setan toh kisai: Setan khu Pasian in a siem chil in Lucifer (Phalva’h tapa) ahia, Pasian in Ama ban a lal leh thunei dia asiem ahi. Vansawltahte lah a lienpen leh tungnungpen ahi. Hinanleh kiletsahna lungsim leh siemtu Pasian sang a thupizaw a a mangtoupha dopsang ding lungsim a nei zieh in, van apat leitung a paikhiet (tot khieh) in a um a, khumi apat in a min khu Setan chia minvaw ahita hi. Tuachin Setan nuazui vansawltah tampite zong dawite ahing hita uhi. Setan khu khelna bulpi ahia, leitung a khelna umsahpa ahia, mihingte suongtu Adam leh Evi na sol in, leitung pumpi khu a khutnuoi a nakoi/pua in, Pasian silguon khat poupou suhsiet sawm zing, Pasian melmapa ahi. Setan khu Mangpa Jesu Khrist in Kross tung ah a mawpaita a, tuhun in gingtute sugenthei in ksalel mama nanleh a tuna mun ding khu guotsa – Meidil (Lake of fire) ahi a, kum sang bei chieng a, khumi mun a selut ahi ding hi, chi ka gingta uhi (2Kor. 11:3; Gen. 3; Kih. 12:10; 1Pet 5:8; Kih 20:2, 10; Mt. 4:11).

6. Mihing toh kisai: Mihing khu Pasian in Ama lim leh mel sun a ana siem ahia, hinanleh khelna a apua tah zieh in, Pasian thupina atangjou nonsih a, tahsa shina bep hilou in, hagau shina leitung ah ahing lut a, mi jousie a jelsuoh a, Pasian toh kikhenna a tuohta hi. Tuachi’n mihing jousie khelna neisa (khielsa) in a pieng a, tuozieh in Hundampa leh Tanpa a poimaw tahi, chi ka gingta uhi (Gen. 1:27; 2:16-17; 3:1-7; 1Tim. 2:14; Sam 51:5; Jer. 17:9; Is. 53:6; Rom. 5:12; 6:23; Eph. 2:1-3; 1Jn 1:8).

7. Hundamna toh kisai: Pasian leh mihingte khu khelna zieh a akikhen tah zieh in Pasian leh mihingte kilem a a um kia theina ding un Pasian in A Tapa Jesu Khrist shina leh thawkiana in hundamna abawl hi. Tami jal a Pasian hepina a hundamna ahi. Tami khu mi khat in Jesu Khrist khu a hundampa a apomna tungtawn a um ahi. Tam hundamna khu Khristian innkuon sung leh Pasian gingtate lah a a um zieh a tanthei ahisih hi. Hundamna khu Pasian Hagau in eima hagau toh Pasian tate ihidan ahing theisah hi. Hundamna khu tam leitung damlai a nei ding leh kitheichet ding ahi, Pasian in a Hagau Siengthou a a chiemte ahi (Eph. 2:8; Tita. 3:5-6; Rom 6:23; Nas. 16:31; Kol. 1:14; Jn. 10:27-29; 15:26; 16:7-11; Rom 8:1-2, 16; Eph. 4:30).

8. Hattuom toh kisai: Hattuom ichi chieng in sil ni agenkha a, tuate khu:-

a) Mutheilou: Mutheilou (invisible or universal church hattuom khu Jesu Khrist gingta tahtah a piengtha jousie kigawmkhawmna khu ahi.

b) Muthei: Muthei (visible church) hattuom khu tam leitung a muthei a iki pawlkhawmna uh ahia, tami hattuom ah a tahtah leh a lem um khawm hi.
Hattuom khu Mangpa Jesu Khrist sisan a tatdoh mite ahia, tam leitung a khantanhoi phuongzah ding a ngansie a umte ahi uhi. Jesu Khrist sepban sem dia mawpuohna nei ahia, Ama’n a misiengthoute Ama kung a um dia apuitou masang a Khantanhoi genna mawpuohna khu hattuom khut a um ahi. Hattuom luting khu Khrist ahia, gingtute jousie khu a pumpi (body) ahia, tualeh Jesu Khrist mou (bride) zong ahi (Mat. 16:18; Eph. 1:19-23; 2:11-12; Kol. 1:18; Nas. 2:41-47; Jn. 4:23-24; Nas. 20:17,28; Phi. 1:1; Tita 1:5-7; 1Tim. 3:1-13).

9. Thawkiana (Resurrection): Midihte leh midihloute tahsa pumpi thawkiana amau hun tuom tuoh ah a um ding hi. Khrist a shite hagau khu Khrist umna ah a um ua, khunah khawphawhna, nopsahna nei in, thupina tahsa toh thawkiana ngah in a um uhi. Khumi thawkiana khu hattuom lahtou hun leh gimthuohna hun bei chieng leh kum sang bei hun chieng in a um ding hi. Khrist neilou a shite (unrighteous) ahilevang, a hagau uh mishikhuo (sheol) ah gimthuoh in a um pai ua, Mangtoupha Vaam Thupi masang a thukhenna-tangtawn mawpaina hun ngah in a um tadi uhi. Khum thukhenna a tan bang ua, hagau leh tahsa pumpi kizom kia a thoukhiate khu Meidil (Gawtmun) a selut ahi ding uhi. Tam Gawtmun Meidil khu manthai kengkengna ahisih ding a, khawphawhna hoitah nei a tangtawn gawtna thuohna mun ahizaw hi. Tami khu tangtawn shina, shi nina akichi hi.
Midihte tangtawn hinna tang a thoukia ding uh; mi dihloute tangtawn gimthuohna, mai zumna leh simmawna dia thoukia ding uh. Tam thukhenna nukhie pen jou chieng in, Leitha leh Vantha hing um ding a, khuna’h Pasian ngel khu a mite lah a tangtawn a teng zing ta ding hi, chi ka gingta uhi (Jn 5:25-29; Lk. 16:19-31; 2Kor 5:1-8; 1Kor. 15:12-58; Phil. 3:20-21; Job. 19:25-27; Dan. 12:1-3; Mat. 25:31-33; Kih. 7:9-14; 1Thes. 4:13-17; Kih. 20:4-6; 21:1-3; 20:11-15).

Khil – 5: Sacrament (Thugousie)

Manipur Evangelical Lutheran Church in Thugousie 2 a kinei hi. Tuate khu – Baptisma leh Mangpa Nitah ann ahi. Tam Baptismal eh Mangpa Nitah ann pen hattuomte kung a thugousie siengthou leh zah/chiin ding a thupieh ahia, Laisiengthou dungzui a bawljel ding ahi. Baptismal eh Mangpa nitah ann pen namdetsa Pastorte’n a saithei giap ding uhi.

1. Baptistma:

a) Tam Baptistma in Manpa Jesu Khrist shina leh thawkiana a ensah hi. Piengtha mite’n Mangpa Jesu shina leh thawkiana leh hagau siengthou toh hinkhawmna etsahna a tan ahi. Baptistma in pienthana a pethei sia, piengtha sate sie-le-pha theina siengthou toh thuchiemna ahia, guolzawlna tan theina dia Pasian se leh vanzah khat ahi.

b) Baptistma tan chieng in tui zah ahi. Mangpa Jesu thupieh leh nuazui te’n a na zui uleh zah uh ahi (Mt. 28:19; Mk. 16:15, 16; Nas. 2:41; 8:36; 10:47, 48). Baptistma pen tui a phuum ahia, amun leh a hun zil in tui buohthaw zong ahithei hi. Hinanleh, hahsatna talua a umlou leh tui a phuumthaw khu deitel dan ahi.

c) Baptistma pen piengthasa mite’n a sie-le-pha theina utoh a tan uh ahizieh in Baptistma pen takia zelzel lam et thei ahisih hi.

d) Sie-le-pha theilou naungeh leh naupanglai a ana tangkha te’n sie-le-pha a theinua ua (a letnua ua) hing piengtha a, a tan ut kia uleh a tangthei kia ding uhi. Tuaziehin, sie-le0pha thei nailou leh ama deitelna a Jesu Khrist Mangpa leh Hundampa ding a pomthei nailoute Baptisma tansahlou ahoi ding hi.

2. Mangpa Nitah Ann:

a) Mangpa Nitah Ann (Kipawlkhawmna siengthou) leh Wine pen Mangpa jesu hingpei kia masang, a shina leh a thawkiana theizingna leh puonzahna ding a bbawl ahia, tuachi’n Mangpa toh Hagau a thahsuoh zel na leh a guolzawlna tanna zong ahi hi.

b) Tam Mangpa Nitah Ann a tanghou pen in Mangpa Jesu tahsa pumpi migiloute leh khielte ding a liem leh kisegawp a ensah a; tualeh, Wine in Mangpa Jesu sisan migiloute leh khielte ngaidamna leh sawpsiengna ding a hing luongkhie thuhun sisan etsahna ahi.

c) Mangpa Nitah Ann pen Mangpa Jesu thupieh bang a Khristiante kipawl khawmna siengthou leh dan zui kimna ahia, Khristian innkuon annkuong ahi hi (Lk. 22:19-20;1Kor 1:23-25). Baptisma tangsa, Dan zoukim te’n tam annkuong a im thei ding uhi. Thununna nuoi a um mite’n a im theisih ding uhi.

d) Annsieng toh kisai a Baptistma tang nanleh piching[ Piching a pomlut kichi pen Kum 15 ching china ahi] a pomlut ahisih leh/ ahi masang sia sacrament a nethei sih ding hi. 

e) Mangpa Nitah Ann a kizang Tanghou leh Wine in Mangpa Jesu tahsa leh sisan eite tang a pieh – I hinna leh damna ahi chi etsahna ahia, I hagau damna ann leh guolzawlna ahi (Jn. 6:48; 1Kor. 10:15-17; 11:26).

f) Tam Mangpa Annsieng Siempi tungtawn a Pasian kung a latkhietna anei toh kiton in ane-adawn jousie khu Mangpa Pasian in Hagau in pawl/impi jel hi.

BUNG – III
HATTUOM

Khil – 6: Hattuom Peidan

i) Tualsung Hattuom (Local Church): Tami Kipuihuoina Dan nuoi ah, Hattuom in a bawl, azah kizilsahnate leh kithununna leh gamtatna dante nuai a kipawlkhawm ut a, Hattuom leh nasepte gum a, sum-leh-pai, tha-leh-zung pie a, mawpuohna a kilawm leh kikhomte pua-ut Khristian koizong Manipur Evangelical Lutheran Church nuai a Tualsung Hattuom in aki phuonthei ding a, a umsate ah member a suo thei ding hi. Tualsung Hattuom a member hina neite mai Manipur Evangelical Lutheran Church member ahi hi.

ii) Tualsung Hattuom Member Suohna:

a) Member ngiempen (Primary membership): Manipur Evangelical Lutheran Church thugin zilsahna sangthei, Baptisma tang nailou leh Mangpa Nitah Annkuong im nailoute leh Hattuom memberte tate, a piching nailoute zousie hattuom member ngiempen (Primary member) in a kikhum thei ding hi.

b) Member pichinglou (Junior communicant): Manipur Evangelical Lutheran Church Thugin leh zilsahna sangthei a, Baptisma tangjousa, Mangpa Nitah Annkuong ne leh dawn thei nailoute, tahsa upat kum 15 nuailamte zousie khu member pichinglou (Junior communicant member) in aki khumthei ding hi. Hattuom kitelna ah vote aneithei naisih ding uhi.

c) Member piching: Manipur Evangelical Lutheran Church Thugin leh kizilsahnate sangthei, Baptisma tangjousa, Mangpa Nitah Annkuong im jousa, tahsa kum 15 apat a tunglam mite zousie khu Member Piching (full communicant member) in aki khum thei ding hi. Member ngiempen leh member pichinglou apat member piching dinmun tan ah mi ahina bangbang in aki suontou ding hi. Tambang mite maimai in Hattuom Vaihawmna ah deitelna (vote) pethei in, dinmun neithei ding hi.

d) Tami member piching a pom a dingte khu a Local Church Committee te’n piching hta ding a aphuon sate ahi ding uhi.

e) Tam member piching a phuon a um dingte khu Baptisma tangsa, kum 15 tunglamte LYF/LCF te’n a min list uh LCC kung ah ape ding ua, LCC te’n a ngaituo ding ua, pha asah bang un mipite mai ah, member piching hi ding a phuonna anei ding uhi. Tambang a piching a lahlut te’n vote a nei ding uhi.

Khil – 7: Khualtam (Associate) Member

1. Koizong MELC hattuom mi a khualtamna a MELC hattuom khat a kipiehlut/um utna, sepkhawm utna, kipawlkhawm utna anei a ahileh a kipiehlut/um utna hattuom ah associate member a guonthei ahi ding hi. Khumbang associate member te’n mun ni (two) ah Vote anei theisih ding ua, associate member ahina pen ah vote a nei theisih ding hi.

2. Koizong MELC hattuom heima sung a member hina ana neilou, hinanleh member ahina hattuom thugin leh kizilsahna Manipur Evangelical Lutheran Church a pomthei ahipouleh ava khualtamna mun a MELC hattuom a tel utna, kipawlkhawm utna leh sepkhawm utna anei leh phalsah thei ahi ding hi. Ama hina Primary/Junior member piching or ahina bangbang a pom ahi ding hi.

3. Koizong Associate member hi utte’n ahing kipatna hattuom apat ahina dihtah genna lai ahing tawi ding uh ahi.

Khil – 8: Member Min Khumna

Member minkumna: Tualsung hattuom ah member minkhumna laibu kizentah leh kituptah khat nei ahi ding a, khumi laibu sung ah memberte min, ahina dinmun uh, zi leh pasal aneina uh, pianni leh shini, pemlutni leh pemkhieh nite kituptah a gielkhieh dimdiam ahi ding hi. 

Khil – 9: Pemna
Pemna: Manipur Evangelical Lutheran Church tualsung member koi inzong a umna mun kisuonna pemkhiehna anei chieng in akipatna tualsung hattuom apat Local Secretary in a pieh pemna lai tawi in Manipur Evangelical Lutheran Church tualsung hattuom dang khat poupou ah a pemlut/kisuonlut thei ding hi.

Koi tobang hattuom dang a pat hing pemlut ut a um leh a umnalui hattuom Local Secretary apat lai ahing tawi ding hi.

Khil – 10: Local Church Committee

1. Manipur Evangelical Lutheran Church sung ah Bieh Inn khat sung a vaihawmna ngiempen khu Local Church Committee (LCC) ahi. Hattuom kibulphuna ahizieh in hattuom hatna ding leh hoina ding in LCC memberte hoina leh gin-umna a poimaw hi. Upate panpitu ding in Local Church Committee khu tam a nuoi a bang a bawl ahi ding hi (Nas. 6:1-7).

2. Kumchin in hattuom sung ah member piching (full communicant member) te’n Local Church Committee member ding a tel ding uhi. A local sung a Upa namdetsate, Pastor, Pro-Pastor leh Evangelistte leh Upa leh Pastor Pension um khate a umna local hattuom a Local Church Committee Member hisa ahi uhi.

3. Hattuom kibulphu theina ding in hattuom mimal 50 tan umnate ah Local Church Committee member 5 a tel thei ding ua, 51-100 chieng member umna te’n LCC member 7 tan, member 101 – 500 umna te’n LCC member 9 a tel thei ding ua, member 500 tunglam te’n LCC member 11 a tel thei ding ua, tualeh member 1000 sang a tamzaw umna te’n LCC member 15 tan a tel thei ding uhi.

4. Hattuom Local Church Committee kitel chieng in Local Pastor lamkaina a tel ahi ding hi. Local Pastor umlouna te’n Biel Pastor ahilou leh Divisional Superintendent chiel in a tel ding uhi. Tualeh a teltu Pastor um sung ngei in Chairman, Secretary leh Office bearer dangte zong a guot/tel ding hi. Tam kitelna khu Secret Ballot a tel ahi ding a, candidate min zong Alphabetical order a giel ahi ding hi.

5. Local Church Committee member ding in mi piching, kum 21 tunglam, sawm-a-khat pezom zing, zu-le-sa, khamthei leh kimawlna thanghuoi a kimawllou mi ahi ban ah ginna leh tahsa a mi pichingsa ahi ding ahi.

6. Local chin a LCC toukhawm hun chieng in Local ELWA Chairperson leh Secretary ban ah LYF Chairman leh Secretary te a poimaw leh kul dungjui in chiel thei ahi ding uhi.

7. Local ELWA, LYF leh LCF te phiet theina leh guontheina thuneina LCC in anei hi.

Khil – 11: Local Church Committee nasep dingte

1. Khosung hattuom tahsa leh hagau lam a a pichin theina ding in tahsa leh hagau a kisinsahna, hagau mangthaite sui a hundamna nasep, Pasian sumpi leh tuohkhawmte gin umtah a kep leh a zahna ding bangtah a zah leh etkolna nasep leh hagau lam thu toh kisai-kisailou hinanleh Local Church Committee in a sai ding hi.

2. Hagau lam thu leh vaihawmna toh kisai in a kul-le-poimaw dungzui in Local Pastor/Biel Pastor/ Divisional Superintendent in Local Church Committee-te khawm in Chairman hina la in, thu a ngaituo thei ding hi.

3. Pastor/Semtu khat poupou a nasepna toh kisai in demna ahiei thu-le-la gen ding sah ding a um leh Local Church Committee in a sai ding ua, Division tungtawn in akisaipi department/committee kung ah atut ding ua, Kipuihuaina leh Dan bu dungjui in thupuasahna bawl ahi jel ding hi.

4. Local Church Committee member koi hitaleh sum-le-pai thu a a muonhuoi sih leh Local Church Committee ma in a heng thei ding hi.

5. Local Church Committee a member khat in hattuom sung a shina, hitheinawnlouna leh umlouna anei leh Local Church Committee in hattuom sung a mi khat kithutuoh tah in a guongthei/tel doh thei ding uhi.

6. Local Church Committee thuneina in a zawlou thu-le-late Division a tut ahi ding hi.

7. Local Church kivaihawmna ah MELC Kipuihuaina leh Danbu dungjui a kivaihawm ahi ding a, tualeh hattuom etkolna nasep zong a sem ding uhi.

8. Lai poimaw tuomtuom membership register, Cash Book, Ledger leh Stock register bawl in a kem ding hi.

9. Committee tuomtuom umte Missions, ELWA, LYF, LCF leh a dangdangte a makai in a enzui ding hi. Local Pastor umlouna/Pastor station mun ahilou leh adviser ding a guot ding hi.

10. Poimawna a um dungzui in committee tuomtuom a bawldoh/guong thei ding a, a phiet thei ding hi.

11. Sum muna leh zahna enkaitu ahi ding a, hattuom nei-le-lam, gou-le-gam enkaitu ahi ban ah thunei sangpen ahi ding hi.

12. Hattuam dan siangthou a kitenna ngen a um chieng in a thu a ngaituo ding a, MELC Kipuihuoina leh Danbu toh kituoh in a bawzui ding hi.

13. Gindan kibanglou mi koi ahei in Hattuam a member hi utna a nei leh Pastor (a umna ah)/Local Chairman toh MELC thugin leh paidante hilchien in member suohna toh kisai houlimpina nei in, khum report dungzui in member hina toh kisai thutanna a bawl ding hi.

14. Member min khum tha a um chieng in amaute vaidawnna leh pulahna nei in, kipathu genna, thumsahna leh vangbuoh ngetsahna toh Pasian kung ah alan ding hi.

Khil – 12: Local Mission Committee

Khochin hattuom sung ah Mission Committee a um ding a, amaute zong kum teng a guon ahi ding uhi. Khochin Hattuom a Mission Committee member ding in mi 5 tan tel/guon ahi ding hi. Chairman, Secretary, Finance Secretary leh Treasurer leh a dang poimaw asahte uh Local Church Committee-te theipina in a tel/guong thei ding uhi. Tualeh a nuoi a bang in nna asem ding uhi.

1. Local Mission Committee in Head Office/Mission Department leh LCC apat Missionary nasep ding toh kisai a thupiehte a semkhe ding ua, tualeh Pawlpi in a sep ding ua a guonpieh vaiguonte a supiching ding uhi.

2. Missionary toh kisai nasepna leh hagau mangthai sui leh matna nasepna ding in Missionary tuohkhawmte lakhawm in, mission fund pe ding mite a sui ding a, tualeh sum suina tuomtuom a nei thei in a zangthei ding uhi. Hinanleh tuate’n Pasian sumpi a sukha theisih ding a, tualeh hagau mangthaite lainatna toh a sem ding uhi. 

3. Missionary nasepna toh kisai in hattuomte hantawh in a suthathou ding a, Missionary-te hanthawnna ding in lam tuomtuom ah panla in, LCC toh kithuo in hattuom sung ah vaiguon bawl in kikhopna zong a bawl zelzel ding uhi.

Khil – 13: Local Numei Pawl - Evangelical Lutheran Women Association

Khochin hattuom ah Numei Pawl Committee (Evangelical Lutheran Women Association) a um ding a, Committee member ding in mi 13 tan kum teng in a tel ding uhi. Amau te’n Chairperson, Vice-Chairperson, Secretary, Jt. Secretary, Finance Secretary, Treasurer leh Information Secretary ban ah Departmental Secretaries – Target, Veipung, Industries, Vondei Saulim, Anntangham ban ah Moral and Religion enkai ding mi a guot ding uhi. Pastor umlouna munte ah Local Church Committee lah a khat Numei pawlte adviser ding a guon ngeingei ding ahi.

Nasep ding: 

1. Local Numei Pawl/ ELWA in numei lam toh kisai nasepna leh kisinsahna tuomtuom leh taga-meithai kepna lam a nahoi sem ding leh ELWA Headquarters, Division ELWA leh LCC vaiguonte pichinsahna ding in nna asem ding hi. 

2. Numei kikhop zong a nei zing ding hi. 

3. Numeite dinmun dopkangna toh kisai nasepna leh hagau mangthai sui leh matna nasepna ding  in sum suina tuomtuom a nei thei in a zangthei ding uhi. Hinanleh tuate’n Pasian sumpi a sukha theisih ding a, tualeh hagau mangthaite lainatna toh a sem ding uhi. 

4. Tamteng ban ah ELWA Hqtrs Bye law dungzui in aki vaihawm ding uhi.

Khil – 14: Local Khanglai Pawl (Lutheran Youth Fellowship)

Khochin hattuom ah Khanglai Pawl Committee zong a um ding hi. Committee member ding in mi 7 tan kum teng in LCC theipina toh a tel ding uhi. Amau te’n Chairperson/Chairman, Secretary leh a dangdang poimaw asahte uh a guong ding uhi. Pastor umlou nate ah Local Church Committee lah a member khat Khanglai pawlte adviser ding a guon ngeingei ding ahi.

Nasep ding:

1. Khanglai Pawl Committee (LYF) in khanglaite leh Naupang Sunday School (Lutheran Children Fellowship, LCF) toh kisai kisinsahna leh subject-te tualeh tahsa leh hagau lam a kisuhhalna leh kipawlkhawmna tuomtuom a semkhe ding hi.

2. Lutheran Youth Fellowship Headquarter, Division LYF leh LCF in a guot vaiguonte a supiching ding uhi.

3. Khanglaite leh Sunday School naupangte dinmun dopkangna toh kisai nasepna leh hagau mangthai sui leh matna nasepna, hattuam tup-le-ngimte toh kisai Hagaulam, salam leh lungsim lamtouna ding a nnahoi tuomtuom sepkhietna ding  in pan ala ding a, a semsuo ding hi.

4. Tuabanah Khanglai (LYF) leh Naupang (LCF) kizopna hoitah zong a nei ding uhi.

5. Tamteng ban ah LYF Hqtrs Bye-law dungzui in aki vaihawm ding uhi.

Khil – 15: Local Committee tuomtuom

1. Hattuom member kichinna ah tam a tung a committee tuomtuom genlou committee dangzong a poimaw leh kul dungzui a bawlkhiet thei ahi ding hi. Tambang committee akibawl ding leh Local Church Committee kithukimna toh bawl ahithei giap ding hi. Tualeh, tambang committee akibawl ding leh Member 7 sang a tawmzaw a kiguong theisih ding hi. Tualeh, hattuom neu leh member kichinlouna munte ah a tung a kigen committee pen Local Church Committee in a kop thei ding hi.

2. Local sung a committee tuomtuom ELWA, LYF, Mission Board, LCF leh a dangdang teng in nasep silbawl hi in kivaihawmna lam hitaleh LCC theipina toh bangkim a sepsuo ding ahi.

Local hattuam toh Division leh Headquarters kisaina

Division sung a Local hattuom te’n Division level leh tunglam a thuzah ding a um leh Divisional Superintendent tungtawn in a thot/theisah ding hi. Nnasepna tuomtuom leh hagau lam toh kisai a vaiguon tuom deu zahna ding a umleh Local Pastor/Local Chairman toh kithuzah in a enkai ding hi. Vaiguon na a hun neiding(te) MELC mi hilou chialna ding a um leh Divisional Superintendent thuzah masah teitei ding ahi.

Khopi hattuam leh Headquarters toh kisai:
Khopi sung a MELC hattuam te’n Pasian nnasepna leh Hagaulam vai a vaiguon tuom deu zahna dingte ah Local Pastor toh kithuzahna hoitah anei masa zel ding hi. MELC mi hilou, MELC in semtu zong hilou, hunzang ding a chielna ding a um leh Pastor ban ah concerned Director a thuzah zel ding uhi.

Local hattuam kiphietna:
Manipur Evangelical Lutheran Church in Local hattuam khat a hawlpawt ahei, a member-te pembei ahei, pawl dang a lut bei ahei, ahilou leh sildang zieh a Local hattuam nei-le-lam kem ding um nonlou (hattuam mi koima um nonlou) na khat a um leh nei-le-lam (properties & assets) jousie MELC pawlpi in a la bei sieng ding hi.

BUNG – IV: DIVISION

Hattuom sung kikepna ding leh nasepna ding in MELC Annual Session/Khawmpi in Local Church bangza ahiei gawmkhawm in, Geographical Location/ gamkai umdan dungzui in Division a bawl ding hi. Tam Division te’n MELC tup-le-ngimte tangtunna ding leh a dan bawlte dungzui a local hattuom a kikepna leh MELC nuoi a hattuomte pankhawmna nasepte a hatsah ding chi a tup leh mawpuohna ahi.

Khil 16: Division vaipaw dingte chitna

1.Division Chairman/Vice Chairman dingte chitna:
a)Upa ordained ahi ding
b)Division Standing Committee a member a ana pangsa mi ahi ding.
c)Jesu leh a hattuom a ding a Upa gin-um leh tawmngai mi ahi ding ahi.

2.Division Secretary leh Asst. Secy. Chitna: 
a)Tami Division Secretary/Assistant Secretary ding in Upate zong a pang thei ding hi.
b)Layman – a umna local a LCC ana pangsa ahi ding ahi.
c)Jesu leh a hattuom a ding a mi gin um leh tawmngai ahi ding ahi.

3.Division Chairman Nasep ding leh thuneina:
a) Division sung vaihawmna ah Chair ala ding hi.
b) Committee ah chair a la ding hi.
c) Palai/Member 2/3 a din khawm khah chieng in a hat masa penpen in thu a gen ding hi.
d) Member/Palai te’n agenda hilou thudang a gen leh a kham in, a khawlsah thei ding hi.
e) Vaihawm hun sung in ham-le-pau kammal zahdan kilawmlou jang a up leh a phoh thop thei ding a, akhoh leh vaihawmna apat a sawlpot thei ding hi.
f) Chairman in manlouna anei leh gelthaw in Vice Chairman kung ah theisahna ape ding hi.
g) Vaihawmna ah member tamzawte deina bang a thupuasah a hi ding hi.
h) Vaihawmna ah thukhenna kichien tah a up theilou leh vote khiehna toh thutanna abawl thei ding hi.
i) Vaihawm hun sung a Chair a nuasie zual ding leh Vice Chairman kung ah a Chair ape ding a, ang tun chieng in ala kia ding hi.
j) Chairman in Agenda kuguolte a banban in a phuongkhe ding a, suhlamdang ding (a nuakhia-masa ding, amasapen nukhia ding) a up leh memberte a dong ding a, memberte theipina toh ahei lamdang thei ding hi.
k) A poimaw dungjui in a Division sung ah Office Bearer tour a sai thei ding hi.
l) Division sung sum-le-pai zong a enkai ding hi.

4.Division Vice Chairman nasep ding leh thuneina: 

a) Chairman in umlouna leh hitheilouna anei leh chairman touna aluo ding a, chairman thaneina teng zong anei ding hi.
b) Committee leh vaihawmna a apan theilou ding leh gelthaw in Chairman kung ah theisahna abawl ding hi.
c) Chairman toh kithumu masalou a thugen-lasah abawllou ding ahi.

5. Division Secretary nasep dingte:
a) Committee ding teng in agenda ding a kaikhawm ding hi.
b) Agenda-te member lah ah a hilchien zel ding hi.
c) Division apat thupuasah a poimaw bang in a semsuo ding a, akisaipite kung ah theisahna abawl ding hi.
d) Committee leh Khawmpina ah hitheilouna anei ding leh Chairman kung ah gelthaw in theisahna ape ding hi.
e) Division Office Bearerte theipina umlou in thupuasahna abawl thei sih ding hi.
f) Silbangkim ah Chairman, Vice Chairman leh Divisional Superintendent toh kithumu zing kawm in nna asem ding hi.

6.Division Assistant Secretary nasep leh thuneina:
a) Secretary in umtheilouna anei chieng in Secretary dinmun a tu ding hi.
b) Committee leh Khawmpi chieng in Recording Secretary in apang ding a, Committee leh Khawmpi jou chieng in Record Bu Secretary kung ah a pekhe ding hi.
c) Secretary in ngansiena leh nasep ding a pieh chieng in a semsuo ding hi.

Khil – 17: Division Nasep dingte:

1. Division Khawmpi: Division in kumteng in kumkai khawmpi abawl jel ding uhi.

2. Divisional Office Bearer: Division chin in Kum 3 dan zel in amau Office Bearer ding telna anei ding uhi. Tami Office Bearer ding a panmun tel dingte khu – Chairman, Vice Chairman, Secretary, Asst. Secretary, Finance Secretary, Treasurer leh Information Secretary ahi ding hi.

3. Division sung a kivaihawmna bangkim ah Divisional Superintendent khu bangkim semsuo/bawzuitu (Divisional Chief functionary) ahi ding hi. Tuazieh in ama khu Division Office bearer member ahi zing ding hi.

4. Bial sung a om Pastorte zong Division Office bearer ahi ding uhi.

5. Khawmpi Palai: Divisional khawmpi palai ding in division sung a hattuom upate, Local Church Committee memberte, semtu umte, Divisional ELWA, LYF leh LCF office bearerte ahi ding hi.

6. Division nasep: 
   a) Division sung a khawmpi leh khawmpi kikal a thu-le-la umte a ngaituo ding hi. 
   b) Standing Committee member ding mi a guong ding ua, Pastorte leh Sawltahte tel in Standing Committee a form ding hi.
   c) Division kumkai khawmpi a dia Divisional Office Bearer Agenda Committee ahi ding hi.
   d) Division ELWA, LYF leh LCF committee leh a dangdangte makai in a enzui ding hi.
   e) Sum muna leh zahna endihtu ahi ding hi.
   f) Division vaihawmna ah hattuom kipuihuoina dungzui in vai a hawm ding hi.

Khil – 18: Division Khawmpi mawpuohna:

1. Division Khawmpi in Division sung a hattuomte apat a thu hinglutte leh MELC Annual Session/Khawmpi leh Executive Committee apat a sep ding leh awl ding a thu kipete leh thu um dangdangte a ngaituo ding hi. Thupuosah a bawltheiloute uh Executive Committee/Annual Session/Khawmpi ah a petou ding uhi.

2. Hattuom upa ngente leh ngetna dangdang Division khawmpi in hoitah a etfelna anei masa ding a, Division Khawmpi thuneina in a zawloute MELC Annual Session/Khawmpi ah recommend a bawl thei ding hi.

3. Division in a poimaw leh kul dungzui in Division fund ding a ngaituo thei ding a, hinanleh tambang sumte’n Pasian sumpi a sukha theisih ding hi.

4. Nna tuomtuom sem ding sub-committee dang poimawna a um leh a nasep ding leh thuneina kichientah pia in poimaw asah dandan a bawl thei ding hi.

5. Division Committee in amau division sung a semtute nasepdan a enkai ding hi.

6. MELC Upa a tenna mun kisuonte a kingetna dungjui a a local in a forwardte Division Khawmpi ah lel ahi ding a, phuonkhietna zong a bawl ding hi. Tualeh Pawl dang apat a hing lut Upate Division in Headquarter a forward a bawlte Ministrial/Executive Committee in lem asah leh Annual Session a phuonkhiet ahi ding hi.

Khil – 19: Divisional Standing Committee

1. Divisional Chairman leh Secretary khu Standing Committee ah zong Chairman leh Secretary ahi ding hi. 

2. Member dingte: Division Office Bearer-te, Pastorte, Evangelist, Pastor Pensionte, Division LYF Chairman leh Secretary, Division ELWA Chairperson/Secretary leh Local Chin a Chairman leh Secretaryte ahi ding hi.

3. Division Standing Committee in khawmpi leh khawmpi kikal a hattuomte, Annual Session/Khawmpi leh Executive Committee apat a thu lute, hattuom masawn ding leh Missionary nasepnate a pichinna ding a ngaituo ding hi.

Khil – 20: Division Numei Pawl

1. MELC Divisional Khawmpi nuoi ah Divisional Numei Pawl a um ding a, tam Numei pawl in zong kumsim in khawmpi anei ding hi. Kum 3 dan in Chairperson, Vice Chairperson, Secretary, Assistant Secretary, Finance Secretary, Treasurer (amau teng Office bearer ahi ding uhi), Departmental Secretaries leh adang a kul leh poimaw asahte uh a tel ding uhi. 

2. Numei pawl in Standing Committee kum khat in a tawmpen in 3 vel tei a neithei ding ua, Member ding in Office Bearer teng, Khochin ELWA Chairperson leh Secretary, Departmental Secretaries teng ahi ding hi. Standing Committee ah Divisional Chairperson leh Secretary in Chair hina ala ding uhi. Office Bearer Committee ah Divisional Superintendent zong member ahi ding a, Standing Committee ah DS, biel pastor, local pastor leh Evangelistte member ahi ding uhi. 

3. Numeipawl khawmpi member ding in Division Office Bearerte, Departmental Secretaries leh Local Hattuom a Office Bearer teng leh semtu teng ahi ding hi. Tualeh Upa um teng, Upanu/Pastornu umteng leh VDS a mawpuohna neite zong member ahi ding uhi.

4. Numei pawlte’n zong Standing Committee, Khawmpi lien leh Office bearer committee apat thu tungte leh Numeilam a kivaihawmna kisinsahna leh itna nasephoi zousie a sem khe ding ua, a nasepte uh Numei khawmpi lien ah a tut ding uhi.

5. ELWA division khawmpi thupuasah teng Division MELC khawmpi leh ELWA Headquarter ah a tuttou ding hi.

6. Nna tuomtuom sem ding sub-committee dang poimawna a um leh a nasep ding leh thuneina kichientah pia in poimaw asah dandan a bawl thei ding hi.

Khil – 21: Divisional Khanglai Pawl (LYF)

1. MELC Division Khawmpi nuoi ah Divisional Khanglai, LYF a um ding hi. Khanglai pawl in zong kum sim in Division Khawmpi a nei ding hi. Kum 3 dan in Divisional Chairman, Vice-Chairman, Secretary, Joint Secretary, Finance Secretary, Treasurer, Information Secretary (amau teng office bearer ahi ding uhi), Departmental Secretaries a tel ding uhi.

2. Division Khanglai Khawmpi palai ding in Office Bearer, Departmental Secretaries, Divisional Standing Committee memberte leh hattuom chin a LYF Office Bearer leh Departmental Secretaries teng, Division sung a MELC semtu um teng, Upa leh MELC Pensioner teng ahi ding hi.

3. Division Khanglai Pawlte’n zong standing committee anei ding ua, member ding in Office Bearer teng, departmental secretaries teng, Khochin LYF Chairman leh Secretary leh Divisional Superintendent, local pastors leh bial pastor teng ahi ding hi. Division Standing Committee ah Chairman in Chair hina a la ding hi.

4. Division Khanglai Pawl in MELC Headquarter apat thu tungte a ngaituo in, a semkhe ding a, tualeh amau division sung a Khanglaite hatsemna ding leh Division khantouna ding in nna a sem ding ua, a supiching ding uhi. A nasep zousie uh LYF Headquarter khawmpi leh MELC Division khawmpi ah a tut ding uhi. 

5. Nna tuomtuom sem ding sub-committee dang poimawna a um leh a nasep ding leh thuneina kichientah pia in poimaw asah dandan a bawl thei ding hi.

Khil – 22: Divisional Naupang Pawl (Lutheran Children Fellowship)

1. MELC Division Khawmpi nuoi ah Division Naupang Pawl a um ding hi. Kum 3 dan in Division Chairman, Vice-Chairman, Secretary, Joint Secretary, Finance Secretary, Treasurer (amau teng office bearer ahi ding uhi), Departmental Secretaries leh a dang poimaw asah teng uh a tel ding uhi. Hinanleh member 15 sang a tamzawlou hi ding hi.

2. Division Naupang Pawlte’n zong Khawmpi a nei thei ding ua, MELC Headquarter, LYF Headquarter leh LCF apat thu hinglut zousie a sai ding uhi. Tualeh naupangte khantouna ding – kisinsahna, kikepna leh kidemna (competition), thu – le – la zousie a sai ding ua, a nasepte uh Division LYF ah a tut ding uhi.

3. A poimaw leh a kul bangzel in Committee tuomtuom a neithei ding ua, committee a kibawl chieng in Division LYF lamkaite theipina toh bawl ahi ding hi.

BUNG – V: DEPARTMENTALS

Khil – 23: Evangelical Lutheran Women Association (ELWA) Department

1. Numeipawl kitup tah a kipuihuoina ding leh pawlpi sing a numei pawlte kankhawm ding in Evangelical Lutheran Women Association (ELWA) Headquarter a um ding hi.

2. Pawlpi peidan bang in kumteng in Annual Session/khawmpi a nei ding ua, kum 3 (three years) ah vaipaw ding Chairperson, Vice Chairperson, General Secretary, Jt. Secretary, Finance Secretary, Treasurer leh a poimaw dan zil in Departmental Secretary tuomtuom ban ah mi 3 tan Standing Member ding in nominate a bawl thei ding hi. Chairperson, Vice-Chairperson, Secretary, Jt. Secretary, Finance Secretary, Treasurer, concerned Director, Women Promoter/Co-ordinator khu ELWA Headquarter Office Bearer Committee member ahi ding uhi.

3. ELWA Headquarter in kum khat sung in a tawmpen in Standing Committee 4 vei tan a nei ding hi. Member ding in Office Bearer teng, Departmental Secretaries teng leh Division a Chairperson leh Secretaryte, Vondei Sauliim Secretary ban ah Annual Session/Khawmpi in nominate abawl mi 3te ahi ding hi.

4. ELWA Hqtr Annual Session member dingte: ELWA Hq Office Bearer teng, Standing Committee member teng, Division Office Bearer teng, Local chin a ELWA Office bearer teng, MELC a semtu teng, Upa a telkha teng ban ah Pastornu leh Upanu teng ahi ding hi.

5. ELWA in nasep-silbawl anei jousie akisaipi Director toh kithuzah in bangkim ah hatsem leh khantou sem na ding in leh MELC thupieh bang in nna asem ding hi.

6. ELWA Headquatter in sum keng ding ding in Anntang ham (Veilam) a neithei ding hi.

7. A poimaw leh kul dungzui in sum-le-pai suina leh zahna a bawl thei ding ua, hinanleh sum zahna pen MELC DDO theipina toh zah thei ahi giap ding hi.

8. ELWA Headquarter Annual Session Thupuasahte MELC Annual Session/Khawmpi ah a tut ding hi. Alou theilou hizal a atut manloute uh MELC Executive Committee ah a tut ding uhi.

9. Vondei Sauliim pen MELC theipina nuai a ELWA HQ mawpuohna a koi ahi.

10. Tamna um khalou ELWA Kivaihawmna dang teng khu ELWA By-law a um bangbang a set ahi.

Khil – 24: Lutheran Youth Fellowship Department

1. Khanglai pawl kitup tah a kipuiuoina ding leh iPawlpi sung a Khanglai pawlte kankhawm ding in Lutheran Youth Fellowship Headquarter, a lamtom in LYF a um ding hi.

2. Pawlpi peidan bang in kum teng in Kumtawp Khawmpi a nei ding ua, kum thum (3 years) china ah Chairman, Vice Chairman, General Secretary, Jt. Secretary, Finance Secretary, Treasurer leh a poimaw dan zil in Departmental Secretary tuomtuom telna a nei ding ua, mi 2 tan Standing Member ding in nominate a bawl thei ding hi. Office Bearer ding in - Chairman, Vice Chairman, General Secretary, Jt. Secretary, Treasurer, Departmental Secretaries teng, Director of ___ i/c Youth, Ex-Officio (Out-going Chairman leh Secretary) leh Youth Pastor/Promotor/Youth Co-ordinator ahi ding hi.

3. LYF in sil bangkim ah Director of Missions toh kithuo in a hatsem nading uleh a khantou sem na ding in nna asem ding hi.

4. LYF Headquarter in kum khat in a poimaw dan zil in Standing Committee 4 vei tan anei thei ding a, member ding in – Chairman, Vice Chairman, General Secretary, Jt. Secretary, Treasurer, Departmental Secretaries teng, Director of ___ i/c Youth, Ex-Officio (Out-going Chairman leh Secretarh), Youth Pastor/Promotor leh Division chin LYF Chairman leh Secretaryte, Divisional Superintendent ban ah Khawmpi in a guot member 2 teng ahi ding hi.

5. LYF Hqtr Session Member dingte – LYF Office Bearer teng, Standing Committee member teng, Local chin LYF a khanglai kum 15 apat a tunglam hattuam (LCC) in piching a aphuan khietsa teng, Semtu teng, ELWA Headquarter leh Mission Department apat Chairperson/Chairman leh Secretaryte ahi ding hi.

6. LYF Headquarter in MELC thupieh bang in nna a sem zel ding hi.

7. Apoimaw leh kul dungzui in sum-le-pai suina leh zahna a bawl thei ding a, hinanleh MELC DDO theipina toh a zang jel ding uhi.

8. LYF Headquarter Annual Session Thupuasahte MELC Annual Session/Khawmpi ah a tut ding hi. Alou theilou hizal a atut manloute uh MELC Executive Committee ah a tut ding uhi.

9. Tamna umlou teng LYF By-Law a um banbbang a set ahi.

Khil – 25: Missions Department

A.MELC Pawlpi sung ah hagau mangthaite lainatna leh itna nei in Mission Department khat a um ding hi.

1. Mission Department in kumchin in Missionary Khawmpi a nei thei ding uhi. A kum thumna ah vaipaw ding telna anei jel ding uhi.

2. Mission Department kivaihawmna leh bangkim ah akisaipi Director of Mission khu bangkim bawjuitu leh semsuotu (Chief functionary) ahi ding a, Missions Committee ah Secretary ahi ngal ding hi. Tualeh, a kithuopi ding in Asst. Secretary khat tel ahi jel ding hi.

3. Director of Missions nuoi ah Mission Department office bearer ding in Chairman, Vice Chairman, Assistant Secretary, Finance Secretary cum Treasurer ahi ding hi.

4. Missions Standing Committee member ding in Office Bearer teng leh Division Superintendent teng, ELWA HQ Chairperson, LYF HQ Chairman leh Missions khawmpi in a guot mi 5 te ahi ding hi.

5. Missions Department khawmpi palai dingte – Missions Department office bearer teng, Missions Standing Committee member teng, Local Missions Committee member teng, semtu teng, MELC pensioner teng, Upa teng leh ELWA leh LYF HQ office bearer teng ahi ding hi.

6. Missionary toh kisai nasepna leh hagau mangthai sui leh matna nasepna ding in khochin apat Missionary tuohkhawm sum suina dangdang leh zahna tuomtuom neithei in hagau mangthaite lainatna leh itna toh nna a sem ding hi. Hinanleh tami sum te’n Pasian sumpi a sukha theisih ding hi. Tualeh MELC in a kul leh poimaw dungzui in sum kengding ding a bawlpieh jel ding hi. Tuaban ah sum zahna zousie MELC DDO theipina toh zah ahi ding hi.

7. Missionary nasepna toh kisai in hattuomte hantawh in a suthathou ding a, hattuom sung ah vaiguon bawl in kikhopna zong a bawl ding uhi.

8. Mission Department Khawmpi thupuasahte MELC Annual Session/ Khawmpi ah a tut ding hi.

9. MELC apat Missionary nasep ding toh kisai a a guon pieh vaiguonte a supiching ding uhi.

B. Mission Department vaipaw dingte chitna
1. Chairman/Vice Chairman 
a) Upa Ordain ahina Kum 6 apat a tunglam mi ahi ding.
b) MELC Assembly in a guot committee khat poupou a member a term khat ana pangsa ahi ding.
c) Missionary nasepna lam lunglut leh tawmngai mi ahi ding.
2. A nasep dingte:
a) Mission Khawmpi leh Committee ah Chair ala ding hi.
b) Director of Missions toh kithumu in nna asem ding hi.
c) Missionaryte nasep dante zousia, Director of Missions toh kithumu in a enkai ding ua, nna asem khawm ding hi.

3. OB Member dingte:- 
a) Chairman
b) Vice Chairman
c) Director of Missions
d) Director of Ministries
e) Assistant Secretary
f) Treasurer

4. Standing Committee Member dingte:-
a)Office Bearer member teng
b)Divisional Superintendent teng
c)Khawmpi in a guot mi 5
d)ELWA  HQ Chairperson leh Secretary leh 
e)LYF HQ Chairman leh Secretary

BUNG –VI: MELC ASSEMBLY TOH KISAI

Khil – 26: Annual Session/Khawmpi

Manipur Evangelical Lutheran Church kivaihawmna sangpen khu Annual Session/Khawmpi ahi. Moderator lamkaina nuai ah kum chin in Annual Session/Khawmpi a um ding hi. Tualeh tam Annual Session/khawmpi ah Moderator leh Dyputy Moderator vaisaina nuai ah kum teng in vaihawmna a um ding a, a kum 3 (thum) china/kum thum dan ah kitelna (election) leh semtute kisuonkuolna (general transfer) a um jel ding hi.

Khil – 27: Annual Session/Khawmpi Palai:

Annual Session/Khawmpi Palai ding in tam a nuoi ate ahi ding hi.
1.Member hisate:
Pastor teng, Office staff teng, pensioner teng, Evangelist teng, Upa namdetsate leh Sangseate ahi ding uhi.
2.Palai dingte:
3.Core Committee member teng, Executive Committee Member teng, ELWA Headquarter Standing Committee Member leh LYF Headquarter Standing Committee Member teng, Mission Department Standing Committee Member teng, hattuom chin a Local Church Committee member teng leh Moderator/Bishop in a chiel mi 5.
4.Local Church Committee member umlounate leh hattuom neu leh kiphut tha ahi zieh a member nei thei nailou a um khate leh tuabang hattuom te’n tuolsung palai (lay delegate) mi 3 (thum) tan a sawl thei ding uhi.
5.Annual Session/ Khawmpi in a guot Board/Committee tuomtuom a member teng.

Khil – 28: Annual Session/Khawmpi nasep dingte:

1.Office Bearer (OB), Center Core Committee, Executive Committee, Division leh Sub-Division, Department Committee tuomtuom leh Board tuomtuom apat thulutte a ngaituo ding hi.
2.Division leh Pawlpi hoina ding ahi pou leh khenzah in a gawm thei hi. Tualeh Division umsa zong a subei thei a, zong a bawl belap thei ding hi.
3.Pawlpi nasem koi zong a chitlouna a um leh a phawh thei a, a suon thei (transfer) hi. Tuathamlou in a hoizawhna ding ahi pou leh a topsah thei (terminate) ding hi. Tualeh a poimaw leh a kul dungzui in Pawlpi nasem ding a guong thei ding hi.
4.Sum-le-pai muna ding a ngaituo thei a, tualeh sum-le-pai zong a poimawna mun a zah ding in sanction a bawl thei ding hi.
5.Hattuom a ding a sil poimaw zousie – Kipuihuoina Dan kal ahisih pou leh ngaituo in a supiching ding a, hoi asahloute a pai thei ding hi.
6.Committee tuomtuom, Department tuomtuom leh Division thupuasahte a enkai ding a, hoi asahte kipah tah a pom in, pichinna ding a ngaituo ngal ding a, hoi a sahloute/a pomloute a pai khe thei ding hi.
7.Pawlpi sung hoizahna ding ahipou leh Kipuihuoina pen Annual Session/Khawmpi Member Vaihawmte se-thum-suo-se-ni (2/3) thukimna in a hoiloute leh a chingloute a phiet in a belap thei ding hi.
8.Pawlpi sung a buoina a um leh a kin lam in a suveng ding hi. Tualeh pawlpi vanzah ding a poimaw dungzui in a leithei in zong a suo thei ding hi.
9.Pawlpi sung hoina leh khanthouna ding in Project leh Programme tuomtuom sai ding mi a guong thei ding hi. Tualeh hagau mangthaite hundam ahi theina ding in Missionary tamsem sawlkhiet dingdan a ngaituo ding hi. Tuaban ah siltup hoi leh kilawmte guong in hattuomte tahsa lam leh hagau lam a a khan sem theina ding a ngaituo ding hi.
10.Khawmpi in kul leh poimaw asah dungzui in Bishop leh Directorte tanvou a sulamdang thei ding hi.
11.Hattuom dangdangte toh hagau lam nasepkhawmna ngaisang leh suh buchingna ding in pan ala ding hi.
12.A poimaw leh a kul dungzui in Hattuom Planning leh Policy umsate a subei thei a, a umloute zong a lalut thei ding hi.
13.Annual Session/Khawmpi in a kul leh poimaw asah dungzui in hattuom hoina ding in Committee/Board tuomtuom a guong thei ding a, zong a subei thei ding hi.
14.Annual Session/Khawmpi in a kul leh poimaw dungzui in Office a nasem ding Elective Postte a belap thei ding a, zong a gawmkhawm thei ding hi. Tualeh a kiemsah thei ding a, zong a subei thei ding hi.
15.Upa/Pastor namdetna abawl thei ding hi.
16.Kitel kum hisih nanleh Workerte Transfer & Posting a term ching naisih nanleh, a kul a poimaw dungzui in a bawl thei ding hi.
17.Annual Session/Khawmpi kivaihawmna ah Kipuihuoina leh Dan Bu dungzui a kivaihawmna ahi ding hi.
18.MELC huang sung a nei leh lam zousie (moveable & immoveable assets) tung ah thuneina anei ding hi.

BUNG – VII
COMMITTEE TUOMTUOM

Khil – 29: Executive Committee

Hattuom Kumtawp Khawmpi umlou kal a Khawmpi sih-le-tang a hattuom kepna leh etkolna vaisai ding leh hattuom nei-le-lam tahsa lam hi in Hagau lam hitaleh, kem leh nasem ding in KHawmpi in Kum 3 sung a ding EXECUTIVE COMMITTEE a guat/tel ding hi. Tam Committee ah Moderator khu Chairman ahi ding a Deputy Moderator khu Vice-Chairman ahi ding hi. Tamteng ban ah member a nuoi a bang a guot/tel ahi ding hi.

A. Execuve Committee Member dingte:
a)Khawmpi (Annual Session) in kum 3 a ding in mi 10 (Upa 5 leh layleader 5) a guong/tel ding a, tamna memberte khu hattuom sung a mipiching, hattuom it leh ngaina mite ahi ding uhi. Tuate ban ah Moderator, Deputy Moderator, Bishop, Directors, Divisional Superintendent teng, Division Chairman leh Secretary teng, Department leh Committee tuomtuom a Chairman leh Secretary teng ahi ding hi.
b)Centre Core Committee member teng zong Executive Committee member ahi ding uhi.
c)Tam Executive Committee khum kum khat sung in 4 vei sang a tawmzawlou meeting anei thei ding hi. Tualeh a poimaw leh akul dan zil in a hatbe thei ahi ding hi.
d)Tam Executive Committee in Recording Secretary ding khat a guot zel ding hi. Recording Secretary te’n meeting/committee na ah Chairman thutanna bangbang in thupuasahte khu ana giellut jel ding hi. Tualeh Committee zaw ahi chieng in akisaipi Secretary/Directorte kung ah record buteng a pelut jel ding hi.
e)Tam Executive Committee member ding a guot/tel a um teng bangma theisahna umlou a, committee 3 vei tan kizom a a absent leh committee ding a hanta (notice) pieh ahi nonsih ding hi. Tami thu in Ministerial, Finance, Music, Ob, Missions, LYF leh ELWA apat member teng zong a huom ding hi.

B.Executive Committee nasep dingte:
a)Planning leh Policy zousie
b)Finance
c)Doctrine leh Ordinance
d)Appointment, Dismissal & Pensions
e)Personal Administration
f)Church Disciplines
g)Properties & Rights
h)Khawmpi Agenda & Nomination
i)Training
j)Interpretation of Constitution, By-law, rules & regulations, Khawmpi thupuasahte leh thupuasah dangdang
k)General Administration
l)Hattuom dang leh Pawl dang toh kisai leh mun dang a sep ding kipekhelou tengteng a sai ding hi.
m)Executive Committee in Department leh Committee tuomtuom thupuasahte a enkai ding a, hoi asahloute paikhie in, a heng thei ding hi.
n)Annual Session khawmpi thupuasahte bawzui in apichin theina ding a ngaituo ding hi. Tualeh Annual Session khawmpi leh Khawmpi kikal a thupoimaw teng a ngaituo ding hi.
o)Annual Session/Khawmpi kikal a thupoimaw kin leh kinaw mama, alou-theilou a um leh, Member se-thum suo se-ni (2/3) thukimna toh Special Assembly a han thei ding hi. Tualeh tambang hun chieng in assembly a member teng ma member ahi ding hi.
p)Election um ding chieng in Nomination Committee a guong ding a, tua committee member ding in mi 5; Upa – 3 leh Laymen – 2, hattuom sung a member pichingte ahi ding ua Semtu (Paid worker)te a pang thei sih ding uhi.
q)Nna tuomtuom sem ding sub-committee dang poimawna a um leh a nasep ding leh thuneina kichientah pia in poimaw asah jatjat a bawl thei ding hi.

Khil – 30: Office Bearer
MELC toh kisai a Executive Committee meeting leh Executive Committee meeting khat kikal thu-le-la poimaw umte leh thutha aloutheilou umte enzing ding in Office Bearer a um ding hi.
Office Bearer Member ding in – Moderator, Deputy Moderator, Bishop, Director teng, Accountant leh Administrative Officer ahi ding uhi.

Office Bearer Committee nasep dingte-
1.Assembly leh Executive Committee Thupuasahte a pichin theina ding in pan ala ding hi. Tualeh MELC Office a nasemte sepdan leh Pawlpi nasemte jousie Progress Report lungtun louna anei leh Executive Committee toukhawmna um mateng in a law/Pay/honorarium a khasah/withheld thei ding hi. Tambang a abawlte pen Executive Committee atut tou jel ding hi.
2.Executive Committee meeting kikal a thupoimaw umte a ngaituo ding a, tualeh Executive Committee Agenda leh Core Committee ding a guong ding hi.
3.Assembly leh Executive Committee thupieh dungjui in Pawlpi neita ding lei in a zuo thei ding hi. Tambang a lei leh zuoh a umte Executive Committee masa penpen ah a report ngeingei ding hi.
4.OB in a thupuasahte khu Core Committee ah atut jel ding hi.

Centre Core Committee
Hattuom Kumkai Khawmpi ahilouleh Executive Committee umlou kal a hattuom kepna vai sai ding leh hattuom nei-le-lam, tahsa-hagau a kipuihuoina enkol ding in Khawmpi in kum 3 a ding a atel Centre Core Committee khat a um ding hi. MELC Pawlpi khantouna ding, hattuom, khotang leh tahsah chidamna ding, Pasian theikawm a pawlpi maban sawn theina ding ngaituo khu Centre Core Committee mawpuohna lienpen ahi.

MELC sung a LCC, Divisional Committee, Departmental Committeete leh Committee/Board tuomtuomte, Office thusuoh ngaisahlou a um leh a suveng/phiat thei ding hi. Tuaban ah suveng/phiat seselou in zong a member a heng thei ding hi.

Committee Member dingte:

Khawmpi in kum 3 a ding a atel doh mi 7 (khawmpi palai Upa ordainedsa mi 4, lay leader mi 3) ahi ding hi. Kumsim khawmpi in a tel doh Moderator, Deputy Moderator, Bishop, Directors teng zong member ahi ding uhi.
Centre Core Committee member teng Executive Member ahi ding uhi.
Dyputy Moderator khu tam committee ah Chairman ahi ding a, Bishop khu Secretary ahi ding hi.

Nasep dingte:
a)Planning leh Policy zousie
b)Doctrine leh Ordinance
c)Personal Administration
d)Church Disciplines
e)Properties & Rights
f)General Administration
g)Hattuom dang leh Pawl dang toh kisai leh mun dang a sep ding kipekhelou tengteng a sai ding hi.
h)A thupuasahte uh Executive Committee ah a tut jel ding a, Executive Committee in lem asahpi leh sepsuo ahi ding hi.

Khil – 31: Board/ Committee tuomtuomte
1.Ministrial Committee:
Hattuom a khalam kikepna leh nasepnate – thu nasep, Sunday School, khamangthang suina leh khalam silte toh kisai tengteng sai ding khu Ministerial Committee mawpuoh ahi.

Member dingte:
Tam Ministerial Committee member ding khu Upate lah apat mi 8 khawmpi in a guot jel ding hi.
A nasep dingte:
i)Semtu Pastor leh Sawltahte nasepte a enzui ding a, semtute nasep lungtun huailou a atheite uh tung ah thutanna a bawl thei ding ua, Executive Committee/Annual Session ah a polut in, report a bawl jel ding hi.
ii)Tam Ministerial Committee ah Director of Ministries khu Secretary ahi ding a, ama toh kithuo in na asemtou ding hi.
iii)Pawlpi sung, a dieh a tahsa lam leh hagau lam hinkhua a ihat sem na ding un Crusade, Camp, Revival, Seminar leh Training tuamtuamte a poimaw leh kul bang in a hun leh a mun zil in vaiguonte a bawl in, na a sem ding hi.
iv)Pastor leh Sawltah ding lahna ah post creation bawl ding in recommend a bawl ding ua, pawlpi phasahna bang in a lahna ah bangkim saitu leh enkaitu ahi ding a, Executive Committee ah tuttou in, Annual Session/Khawmpi  in thutop a bawl jel ding hi.
v)Semtu (Ministerial line) ate leh hattuam Upate tung a thubuai-labuai umte – Centre Core Committee/Executive Committee ah a tut jel ding hi.

2.Finance Committee: 
MELC hattuam/pawlpi in sum leh pai lam sai ding in Finance Committee ding mi 7 tan a guong thei ding hi. Director of Finance (um thei hun ah ama) toh sum leh pai lam toh kisai teng a enkai khawm ding hi. Director of Finance um masang teng Director of Ministries toh kithuo in na a semtou ding hi.

A nasep dingte:
i)Half Yearly leh Annual Audit a bawl ding hi.
ii)Annual Budget a siem ding hi.
iii)Sum lutdan leh paidante enzui in, a poimaw leh kul bang in a hoi theina ding ngaituo in na a sem ding hi.
iv)Local hattuomte sum dinmun poimaw leh kul asah hunhun un ava enkai ding ua, adihloute suhdih ahina ding in pan ala ding uhi.
v)Pawlpi sum kengding ding leh Pawlpi sum leh pai a kitoudel jouna ding in plan tuamtuam guong in, a lawchinna ding a ngaituo ding uhi.
vi)Asai-abawlte uh Centre Core Committee/Annual Session ah a tut jel ding uhi.
vii)A poimaw dungzui in Head khat apat head dang ah fund diversion a bawl thei ding uhi.

3.Music Committee:
Pawlpi in thu leh la sai ding, a dieh a la lam a ma isawn thei sem na ding un Director of Mission nuoi ah Music Committee ding Annual Session Khawmpi ah mi 7 tan a guong thei ding hi.
A nasep dingte:
i)Music (ginglawm) lam leh la lam toh kisai teng etkaina leh suhpichin semna ding ngaitua in na a sem ding hi.
ii)Labute ahun ahun a siemphatna, bawldihna leh belap ding umte belapna nasep a sem ding uhi.
iii)Poimaw leh kul dungzuiin Solfa Camp, Music Camp, Seminar leh Training vaiguonte a bawl in pan ala ding hi.
iv)La lam a kidemna tuamtuamte saitu leh endihtu in a pang ding hi.
v)Music Committee bangkim asep abawlte uh Executive Committee/Annual Session ah a tut zel ding hi.

4.Project Management Committee (PMC)

Pawlpi sung a project tuomtuom sai ding in Project Management Committee khat a um ding hi. Bishop khu Project Director ahi ding a, MELC a Development Secretary/ Project Officer/ Project Manager khu Secretary ahi ding hi.
A nasep ding:
i)Funding agency tuamtuam sui in, project (DPR) bawl in, mipi khantouna ding, dinmun dopkangna ding leh sum-le-pai suina, neh-le-tah muna ding a ngaituo ding uhi.
ii)Project amu bangbang uh semsuo in, Executive Committee theipina toh, a poimaw bang in semtu ding (staff) a la ding uhi. Project in permanent staff a nei theisih ding a, project kilah dan dungzui in semtu ding lah ahi ding a, contract basis ahi ding hi. Tualeh pay/allowance/honorarium etc. pen MELC Finance Rule zui ahi ding hi.
iii)Project sepsuona leh etkaina (implementation and monitoring) a mawpuoh uh ahi ding hi. 
iv)Project Management Committee member ding in Moderator, Deputy Moderator, Bishop, MELC a Development Secretary/ Project Officer/ Project Manager leh project toh kisai siemna/experience nei mi 3 ahi ding hi.

5.Tam atung a Ministerial, Finance, Music leh Project Management Committee chilou nna tuomtuom sem ding Committee hi’n Board hitaleh a poimawna a um leh a nasep ding leh thuneina kichientah pia in poimaw asah jatjat a Annual Session/ Khawmpi in ahun leh amun zil in a guong thei ding hi. 

6.Committee, Sub-Committee leh Board tuamtuam Puihuaitu (guidelines)
a.Committee, Sub-Committee leh Board kibawlte Annual Assembly pansa a kibawl hi in, Executive Committee in abawl ahitah lezong amau department chiet ah lamhilna (guidance) piehding pen Executive Committee mawpuohna ahi.
b.Committee, Sub-Committee leh Board tuamtuam thupuasahte a hun dungzui a zahtheipai ding hinanleh department policy toh kisaite, department plan, project toh kisaite Annual Assembly/Executive Committee theipina (approval) a um masang zahthei ahisih ding hi.
c.Committee, Sub-Committee leh Board ahi dungzui in thuneina tahtah anei sih a, recommending authority toh kibang ahi zieh in final authority anei sih ding hi.
d.Committee, Sub-Committee leh Board apat Executive Committee tungding pouma Bishop Office tungtawn in a lut ding hi.
e.Committee, Sub-Committee leh Board in amau nnasep ding plan leh goal setting a bawl ding ua, program leh project tuamtuam a guang tah uleh Committee khat (Core Committee/ Executive Committee) lemsahpina ala masa ding uhi.

BUNG – VIII: KITEL HUN

Khil – 32: Kiteelna

Kitel hun leh Transfer & Posting hun/kum chieng in 3rd Executive Committee in Nomination Committee member ding Upa muanhuai leh piching 3 leh laymente apat pawlpi it leh ngaina mama mipiching 2 toh (agawm a mi 5) guat/telkhieh ahi ding hi. Tualeh amaute lamkai ding teng leh semtute sepna/upna ding munte tan in ahing guong ding ua, Last Executive Committee in hoitah a en kai in hoi asahloute a heng thei ding a, Annual Session/Khawmpi a palaite’n a pom thei leh pom in, namdetna a bawl ding ua, a pom theilou leh kitel thaw in a pei ding hi. Tuanah Nomination member a kiguot ten kiteelna asai pai ding uhi.
1.Tel dingte
1)Moderator
2)Deputy Moderator
3)Bishop
4)Director(s) – assembly in a poimaw dan in a bawl ding hi.
5)Divisional Superintendent(s)
2.Tam a tung a post-te kiguonthaw alemsih leh akitel ding hi. Tualeh kitelna khu Simple Majority ahi ding hi. (Vote tam mu penpen china ahi).
3.Tam Nomination Committee in telthaw a lemlouna a um ding leh nominate zong a bawl thei ding hi.
4.Executive Committee member 10 guot/ or tel thei ahi (Bung ------ Khil ---- na dungzui in)
5.Elective post tengteng term khu a kitelni apat kum 3 sung ahi ding hi.
6.Elective Post khat mi khat in term 2 (ni) akizom in a tu(serve) theisih ding hi. Term khat teitei a khawl phot ding hi. (i.e. Khil---, Sl. No. -----) Hinanlehzong Elective Post dangte ah candidate ahithei ding hi. Tami in Department a Chairman leh Secretary teng a huam ding hi.

Khil – 33: Kitelna ding dan
1.MELC sung a kitelna pouma tam a nuoi a bang a bawl ahi ding hi.
i)Kum thum (3) dan in kitelna a um jel ding hi.
ii)Secret Ballot a vote khiet ahi ding hi.
iii)Tambang hun chieng in Vote sui phal ahisih ding hi.

2.Candidate guondan: Proposal leh Seconded um seselou in, a post toh kituoh a Eligibility Criteria umte candidate khat in a suhbuching nah leh a candidate hina pen a peisuoh ding hi. Tualeh candidate dingte min list pen Alphabetical order a giel ahi ding hi.

3.Vote simdan: Election Commissionte’nNomination Committee te’n vote khieh leh sim chieng in panpitu ding mi a chielthei ding ua, tualeh election result zong Election Commissionte’nNomination Committee Chairman in a puong ngal ding hi. Tualeh tam mun a chiel khah hiloute result phuon tan ah koima’n table lam ava subuoi theisih ding uhi.

4.Telthaw nasemte paitheina:
i)Upa leh Pastorte koizong thununna (Bung – 16, Khil ---- page---) tuoh a um leh a nasepna apat khawlsah (suspend) ahi phot ding hi. (Tam pen Executive Committee thupuasah dungzui a suspend bawl ahi ding hi).
ii)Telthaw midangte pen a hoilouna leh chitlouna um hi chia mi 2 in hehna thu leh lai anei uleh Committee khat poupou (Core Committee or Executive) in vote sethumsuo-seni (2/3) a tamzaw in a paithei ding hi.

5.Vote neithei dingte:
i)MELC sung a Semtu teng, Upa ordained teng leh LCC teng
ii)Department chin a Office Bearer Committee member teng
iii)MELC sung a Committee tuomtuom a member teng

6.Mun-awng huhtheina: MELC Pawlpi sung a telthaw nasepna muna kal lah a a awn khah leh Ministrial/Executive Committee in a tang ding poimaw asah leh a guong ding a, Annual Session/Khawmpi in a namdet ding hi.

Khil – 34: Moderator
Moderator ding khu (Senior Pastor=Pastor Ordained ahi a pat kum 10 (sawm) an aching sate leh Upa Ordain Senior Kum 6 tan ahi ban ah Executive Committee term 2 tan ana pangte leh Pastor pensionsate candidate thei ahi ding uhi. Tualeh Moderator khu Pawlpi sung a Pawlpi khaitu (Nominal head) ahi.

Khil – 35: Moderator nasep dingte

1. Moderator nasep ding pipen ahileh vaihawmna kikhop zatat huoi, kilawm leh dihtah a pui ding leh hun kepsiem ding ahi.

2. Palai/member ni-le-thum thakhat a adin khah chieng un Moderator in a hat masah penpen in thu a gen masa ding hi.

3. Palai/member thugente’n Agenda hilou-thudang gen a athei leh tua thugenpa khu a tousah thei ding a, midangte a gensah thei ding hi.

4. Vaihawmna hunsung in ham-le-pau kilawmlou, thanghuoi leh mot-huoi a phal ding ahisih hi. Ama’n zong ham-le-pau kilawmlou leh mi demsietna azah ding ahisih hi. Tuabang kampau kilawmlou zang teitei leh thugen teitei a um leh a thugen lai a bawtansah thei ding a, kam nemtah in tou ding in thu a pe ding hi. Tua tan chieng a zong thu manglou a um leh Vaihawmna innpi apat a notkhe thei ding hi.

5. Vaihawmna mun ah member tamzawte deina bang a Thupuasah ahia, Vote lah ngai leh ngailou a enkhe ding a, Thupuasah penpen palaite thei ding in a puong khe zel ding hi.

6. Vaihawm lai in Moderator in a touna/Chair a nuosie ding ahisih hi. Nuasie lou theilou ahileh a thakhel ding in Deputy Moderator ina touna aluo ding a, ahing tun chieng in ama’n (Moderator in) a luo kia ding hi.

7. Moderator in Agenda a kihawm bangbang in a banban in a puongkhe ding a, suh danglamlamdang ding (a nukhiate gen msasah, a masate gen nukhia ding chibang hitaleh) a um leh memberte a dong ding a, memberte phasahpina toh a hei lamdang thei ding hi.

8. Officete toh Vaiguon bawl ahi dungzui in Moderator in Biel a tuonzel ding hi.

9. Moderator in shina/hithei nonlouna khat anei leh Dy. Moderator in amun a luo ding hi. ( Bawng ------ Khil---- Sl. No.---- na dungzui in)

10. Core Committee, Executive Committee, Annual Session/Khawmpite masang leh nua chieng in a poimaw dan zil in Moderator khu Office a kai ding hi.

11. Annual Session/Khawmpi, Executive Committee-te ah Chair ala ding hi.

12. Officete nasep dan adieh in sum-le-pai dinmunte akul leh apoimaw dungzui in ava enkai thei ding jel ding hi.

13. Bishop khuolzinna ding toh kisaite ah Tour Dairy Moderator khut ah alut jel ding a, atheipi jel ding hi. Tualeh ava zinna toh kisai a report leh expenditure teng zong theipina abawl jel ding hi.

14. Hattuom hoizawhsem na ding ahinahleh akul leh poimaw dungzui in Core Committee/ Executive Committee a han thei ding hi.

Khil – 36: Deputy Moderator

Committee leh Vaihawmnate ah Deputy Moderator ding in Pastor, Pastor pensionsate ahilouleh Upa namdetsa ahi ngeingei ding ahi. Tualeh Executive Committee a member term khat teitei pangsa ahi ding ahi.
1.Moderator in umlouna ahiei ahilouleh hitheilouna anei leh Moderator touna a luo ding a, Moderator thuneina teng zong a nei ding hi.
2.Office lamte program guondan dungzui in Deputy Moderator in zong Biel a tuon zel ding hi.
3.Deputy Moderator khu MELC Office Bearer Committee leh MELC Core Committee ah Chairman ahi ding hi.
MELC sung a Committee Member a panmun hina toh kisai tam anuoi a bang ahi ding hi – 
i)Local sung a LCC Chairman, Vice-Chairman, Secretary leh Asst. Secretary hina tukha te’n Division leh Headquarter a ding a telching a a um uleh Local sung a ahina post uh a nuasie ding uhi.
ii)Division a ding a Chairman, Vice-Chairman, Secretary, Asst. Secretary te Headquarter ding a telching a aum uleh Division apen hahkhie in, Headquarter apen atu ding uhi.

Khil – 37: Bishop
MELC Pawlpi sung a Official nasepnate semsuo ding in Bishop khat nei ahi ding hi. Tam Bishop ding a telching a um Pastor penpen khu Kum 3 sung (term khat) Bishop ding a Consecretion bawl ahi ding a, Bishop hina atuh nawnlou hun chieng in a Bishop hina leh Consecretion zong abei ahita ding hi. MELC Pastor khat ahi dungzui in Hattuam/Pawlpi in akoi na munmun ah Pastor dangte bang in a semta ding hi. Tualeh Bisop ichi pen apanmun/a touna mun (post) ahizaw hi.
1.Chitna dingte:
a)Pastor piching khat ahi ding ahi. (Pastor piching khat kichi khu “Senior Pastorte lah apat khat china ahia, tami Senior Pastor kichi khu Ordained ahi apat kum 10 6 semsa, Reverend Title kipete genna ahi”).
b)Bishop ding pen Director a term khat (kum 3) teitei semsa ahi ding ahi.
c)Secular leh Theology ah Graduate or equivalent degree nei ahi ding hi.
d)Secular ah Graduate ahi ding hi.
e)Theology ah BD leh Equivalent. (Tami a tunga a, b, c, d teng in 1st Jan. 2015 masanga te a huosih ding hi). Tamna Bishop chitna ding point 4te lah ah, point 3 tan a chitna neite Bishop candidate thei ahi ding hi. (Assembly Resolution No. 24 dt. 13/12/2014). Tualeh 2015 zou apat in a,b,c,d tan chitna neiloute ahi theisih ding hi.
2.Nasep dingte:
a)Bishop khu Head Office a lianpen (MELC Executive Head or Chief Executive Officer ahi ding a, MELC ah over all control leh supervisor na asem ding a, DDO zong ahi ding hi.
b)General Administrative Department (GAD) enkol in MELC Secretariat a staff tengteng ama direct controlna nuoi ah a om ding hi.
c)Literature, Planning, Doctrinal Matters, Christian Ethics, Social Justice, in-service training, Scholarship leh Publication ah maw apaw ding hi.
d)Office nasep dan a paihoi sem na ding in Bishop in Staff Meeting a neipi zel ding hi.
e)MELC a ding in Financial Controlling Officer zong ahi ding hi.
f)Assembly or Committee theipina toh Development, Relief, Resource, Project leh Programme tuomtuomte zong Bishop in a paw ding hi.
g)MELC in Project a bawlte, funding agency tuamtuam apat ahilouleh MELC partnerte tungtawn a project umte ah Project Director ahi ding hi.
h)Pawlpi tuamtuam toh kizopna (external affairs) ah palai ahi ding a, Memorandum of Understanding ahilouleh kinoptuona suoikaina ah ama suoikai in a pang ding hi.
i)Bishop in umlouna anei chieng in Moderator theipina toh Director of Ministries khut ah Bishop mawpuohna a pejel ding hi.
j)Director-te nasep a telkhalou teng toh zong a mawpuoh ahi ding hi.

Khil – 38:  Directors
Bishop panpi ding in Assembly in kul-leh-poimaw asah dungzui in Director(s) kum 3 sung sem ding Pastor Senior te lah apat tel ahiding hi. A poimaw leh kul dungzui in annual Session khawmpi in Assistant Director(s) a guongthei ding hi.
1.Chitna dingte:
a)Pastor piching khat ahi ding ahi. (Pastor piching khat kichi khu “Senior Pastorte lah apat khat china ahia, tami Senior Pastor kichi khu Ordained ahi apat kum 6 semsa, Reverend Title kipete genna ahi”).
b)Director ding pen Divisional Superintendent a term khat (kum 3) teitei semsa ahi ding ahi.

1.Director of Ministries:
a)Director in a nasepte uh Bishop kung ah hachin in report a pejel ding hi.
b)Biel a um Divisional Superintendenttte, Pastorte, Evangelistte nasep a enkai ding a, hoizaw sem leh hatzaw sem a hattuom hagau lam a a khantou theina ding in enkaitu hina na asem ding hi. Pastor leh Evangelistte report jousie ama khut ah a lut ding hi.
c)ELWA leh LYF a hat theina ding uh ngaituo in na asem ding hi.
d)A poimaw dungzui in semtute leh Theological Studentte vaiguon a bawlpieh zel ding hi.
e)Khristian Education toh kisai – Sunday School leh a dangdang a sai ding hi.
f)Pastor-te MELC in pension a pieh ding a, semtu dangdang alahte pension ding thu toh kisai in Committee na ah apawkhe zel ding hi.
g)Ama Depertment sung a semtu teng tung ah General Control anei ding hi.
h)Kumsim in Division teng ah DS, Biel Pastor leh Division lamkai ahisih leh Division Committee Memberte toh kimutuona kum khat in khatvei tei a nei ding hi.
i)Nasep ngainate hilou, ama portfolio sung a siltha/thutha hattuom policy toh kisaite a um khah leh Bishop leh Director of Missions toh thutanna bawl in kikum in Core Committee ahisih leh Annual Session/Khawmpi ah a tuttou ding hi.
j)Ama department core value pansan in Vision leh Missionte sepkhiet ding dan gelna (action plan) kichien tah bawl in, tuate sepkhietna a enzui ding hi.
k)Revival & Evangelism, Evangelical Lutheran Women Association (ELWA), Lutheran Youth Fellowship (LYF) leh Lutheran Children Fellowship (LCF) pawl nasepna a et kaipi ding hi.
l)Bishop in umlouna anei chieng in Moderator theipina toh Bishop mawpuohna ala zel ding hi.

2.Director of Missions: 
Director of Missions in tam anuoi a tanvoute a sem ding hi.
a)Missionary nasepna lam a hat theina ding leh hagau mangthai tamsem mat theina ding in Missionary tamsem sawl theina ding plan, policy leh programme tualeh suhpichinnna na a sem ding hi.
b)Indigenous Church planting & growth nasepna a enkai ding a, Mission field a umte (Indigenous leaders) training leh development zong a enkai ding hi.
c)Mission field tha survey bawl ding a um leh ama lamkaina ahi ding hi.
d)Nasep ngainate hilou, ama portfolio sung a siltha/thutha hattuom policy toh kisaite a um khah leh Bishop leh Director of Missions toh thutanna bawl in kikum in Core Committee ahisih leh Annual Session/Khawmpi ah a tuttou ding hi.
e)MELC sung a construction work nasepnate a enkai ding hi.
f)Ama department sung a semtu teng tung ah General Control anei ding hi.
g)Institution-te leh Schoolte a hoizawh semna ding a ngaituo ding a, Mission Field sung a semtute leh Sangsea te’n ama khut ah Monthly report a pe gige ding uhi. Tuaban ah Sangseate leave a pethei ding hi.
h)Statistic/Kisimpina a kum kum in a bawl/sai ding hi.
i)Ama department core value pansan in Vision leh Missionte sepkhiet ding dan gelna (action plan) kichien tah bawl in, tuate sepkhietna a enzui ding hi.
j)Revival & Evangelism, Vondei Sauliim (Orphanage Home), MELC Music Committee pawl nasepna a et kaipi ding hi.

Note:- Tam a tung a (b) (f) na pen Director of Institution khat a um thei leh chi ahia, hap be ding chi ahi.

3.Panmun toh kisai:
Tamna tel ching a um Moderator, Dy. Moderator, Bishop leh Directorte ban ah ELWA HQ, Mission Dept. leh LYF HQ a Chairman leh Secretary, tualeh Division sung a MELC Papawl, ELWA leh LYF Chairman & Secretary te’n panmun dang toh a kop thei sih ding ua, Protocol dan a asangzaw a telching a a um uleh a ngiamzaw pen a nuasie ding uhi.

Khil – 39: CLERICAL STAFFS

1.Cashier: MELC Pawlpi sung a sum muna, zahnate kem leh sai ding in Cashier khat a um ding hi.
Chitna dingte:
a)Mi piengtha, Pawlpi sung a member piching khat ahi ding hi.
b)Sum-le-pai muna leh etkolna lam a siemna neisa, gin um ahi ding hi.
c)Hattuom ngaina leh mi muonhuoi mama khat ahi ding hi.
d)Laisimna lam a graduate (secular) degree nei ban ah account lam toh kisai computer program leh bookkeeping theisa ahi ding hi.
Nasep dingte:
a).Hattuom sum – Local Church apat sum-le-pai hinglut tengteng leh muna tuomtuom umte a lakhawm ding a, zong a kem ding hi.
b).Receipt leh Disbursement, Bills, Monthly Finance Report zong ama khut ah apai ding hi. Bill(s) abawlte Accountant in check bawl in a pass ding hi.
c).Hattuom sum Bank a deposit leh withdrawal na zong a sai ding hi. Executive/Bishop leh akisaipi director toh Joint Accounts Operator ahi ding uhi.
d).Loan recovery, LIC, Investment fund, Project Fund, Monthly Account Check leh Closed a bawl ding hi.
e).Local chin leh mundang apat monthly receipt leh expenditure jousie statement a bawl ding a, Account khut ah suokhiet ding in a pelut jel ding hi.
f).Hattuam chin apat hi in a dangdang Bank tungtawn apat hitaleh MELC pawlpi a sum hing lut taphot Cash Book ah record abawl pai ding hi.
g).Bank tungtawn a lut toh kisai a theichetna ding in hachin in Bank statement ala jel ding hi.
h).Bank deposit leh withdrawal zong akisaipi signatory te’n suai abol jouchiang un aman a sai ding hi.
i).Sum kizang ding taphot bill abawl ding a, workers salaries chilou teng voucher leh sanction in a support ding hi.
j).Local chin apat monthly receipt leh pawlpi expenditure statement a bawl ding a, Accountant khut ah suokhiat ding in a pelut ding hi.
k).Kumtawp chiang in (Khawmpi kivaihawm masang in) Annual Statement (Receipt & Expenditure teng sutuoh in accountant ah apetou ding hi.
l).Cash Book maintenance hoitah in a bawltup ding a, receipt & expenditure daily closing bawl in accountant khut ah apelut ding hi.
2.Accountant: MELC Pawlpi sum leh pai hoi semna ding in Accountant khat a um ding hi.
Chitna dingte:
a)Mi piengtha, Pawlpi sung a member piching khat ahi ding hi.
b)Sum-le-pai muna leh etkolna lam a siemna neisa, gin um ahi ding hi.
c)Hattuom ngaina leh mi muonhuoi mama khat ahi ding hi.
d)Laisimna lam a graduate (secular) degree nei ban ah account lam toh kisai computer program/software leh bookkeeping theisa ahi ding hi.
Accountant nasep dingte:
1.Budget head tuamtuam a khen in fund allocation abawl ding hi.
2.Cashier nasep dan teng a enkai zing ding a, daily closing a bawl pen zong verify bawl in, Bishop kung ah suai bawl ding in a pelut ding hi.
3.Cashier toh monthly finance report/statement a bawl ding a, local chin ah a hawm khe ding hi.
4.Expenditure sanction draft abawl ding a Bishop khut ah suai bawlding in a pelut jel ding hi. Tualeh Bishop in sanction a bawljou chiang in Cashier in bill a bawl ding a, tuami bill khu voucher teng leh sanction order toh akituoh nah leh pass bawl in Bishop khut ah suai bawl ding in a pelut ding hi.
5.Kumtawp chiang in (Khawmpi kivaihawm masang ngei in) Budget estimate (headwise) a bawl in approval ding in Finance Committee khut ah a pelut ding hi.
6.Sum muna, paina leh bank transaction tengteng a enkai ding a, computer software (Tally ahilouleh software tuamtuam) mang in kichup tah in a enkol ding hi.

KHIL – 40: DIVISIONAL SUPERINTENDENT

1.Divisional Superintendent: Annual Session/Khawmpi in kul leh poimaw asah dungjui in Division a siemtha teleh a umsate ah Divisional Superintendent kum 3 sung a ding in a tel/guot ahi ding hi. Tam Divisional Superintendent chitna dingte pen Pastor Ordained Biel a term 2 (kum 6) tei ana semsate ahi ding a, tami khu Probationary Pastor ahi apat sim ahi ding hi.
A nasep dingte:
i)Division sung kivaihawmna leh Division Khawmpite ah Division Chairman toh kithuo in vai asai ding hi. Tualeh a division sung ah Executive Officer (E.O) ahi ding a, bangkim bawjuitu leh semsuotu ahi ding hi.
ii)A nuai a sem pastor leh Sangsyete nasep a enkai ding a, hateng a report ama kung ah ape jel ding ua, akisaipi Directorte kung ah ama D/S report toh apesawn jel ding hi.
iii)Leave leh Tour programme phalna apethei ding hi.
iv)Transfer & Posting recommend a bawl thei ding 
v)A nuai a semtute tung ah (a) Taihilna (b) Hasum hensah ding in recommend a bawl thei ding (c) Ha sum kah pieh ding in recommend a bawl thei ding (d) Nasem mi khawlsah (suspension) ding in recommend a bawl thei ding (e) EB khahsah ding in recommend a bawl thei ding.
vi)A division sung a Hattuamte leh semtute tahsa leh Hagau lam a akhantou sem theina ding uleh a pichin thei na ding uh ngaituo in a lamkai tawntung ding hi.
vii)Pawlpi kivaihawmnate leh Kipuihuaina (Danbu) dungzui a sepsuo na ding in thaneina anei ding hi.
viii)A Division sung a semtute a hoizawhna ding ahi pouleh akisaipi Divisional Chairman, Secretary tetoh kikum in akisaipi Director leh Bishop lemsahpina toh Internal Arrangement a bawl thei ding hi.
ix)Ama Division sung ah ELWA, LYF, LCF leh Department tuomtuomte a enkai ding a, adviser zong ahi ding hi. Tualeh a nasepnate uah akithuopi ding hi.

2.Field Superintendent(s): Mission Department nuai ah Pawlpi in a kul-le-poimaw asah dungjui in Mission Field sung a sem ding in Field Superintendent a guong thei ding hi. Tualeh a nasep ding leh a thanei nate pen Khil 40, Sl.No. i) to xi) na dungzui in Divisional Superintendent nasep leh thaneinate a zang thei ding hi.

3.Biel Pastorte:
a.Pastor te’n zong a Biel sung ua School umte leh Sangseate nasep dan a entup ding uhi. Tualeh a nasep dan uh a Divisional Superintendent in a kisaipi Director kung ah a report zel ding hi.
b.Pastorte umna ding uh – station dia kiguot piehna mun ah a kisuon ding a, thu kipiehjou ha khat (one month) sung ngei a apemlut ding uh ahi.
c.Pastor koizong ha khat sung a a umna ding mun tungloute khu a law (pay) uh henpieh a thununna pieh ahi ding hi. A mun uh tug in a va um ngeina uh chi theina ding in a joining report ah a umna Local Chairman in suoi a bawl ngeingei ding ahi. Tualeh D/S inzong theipina lai ape ding hi.
d.Pastor/Semtu koizong a umna biel leh hattuom toh kilemlouna lientah, hahsatna tuomtuom leh buoina nei a um leh Ministerial Committee leh Executive Committee in a hengkuol thei ding hi.
e.Biel totna ha khat in khat vei tei a tuonsuo ding a, tualeh a tam thei pen in sacrament a hawm ding hi.
f.MELC huangsung a local hattuom buaina nei a um leh a concerned Division leh Headquarter theipina toh Biel Pastor in khumi hattuom ah Local Chairman hina ala ding hi.

4.Local Pastor
Annual Session/Khawmpi in kul leh poimaw asah nate ah Local Pastor a koithei ding hi.
a.Local Pastor khu hattuom khat enkol dia koi leh ngansie ahi.
b.Local Pastor in a umna Local Hattuam sung ah tahsa leh hagaulam khantouna leh pichin semna ding in nna asem ding a, a enkol ding hi. Tualeh innvena kumkhat sung in a tawmpen in 2 vei anei suoh jel ding a, akul leh poimaw dan jil in upate’n a kithuopi jel ding uhi.
c.Local Pastor khu ama umna local hattuam LCC ah member hisa ahi ding a, tualeh ELWA, LYF leh Mission Board ah Advisor ahi ding a, Division leh Pawlpi toh kisai a thu-leh-la um zousie ah Local Chairman toh correspondent ahi ding uhi.
d.Local hattuam sung a thubuai-labuai leh kilemlouna a um chieng in Chairman hina la in, ahoi theina ding a ngaituo ding a, sil bangkim a sufel ding hi. Ama thuneina toh a saifel joulou sill eh buainate khu a kisaipi Divisional Superintendent (D.S/ Division) tungtawn in akisaipi Director/Committee kung ah atuttou ding hi.
e.MELC kipuihuaina danbu toh kituon in a hattuom pawlpi kivaihawmna bang a sepsuo na ding in thaneina anei ding hi.
f.Local Pastor leh Local Chairman khu Pawlpi toh kisai in thu leh la tutna (Correspondent) ahi ding hi.
g.Local Pastor in a umna hattuom ah Supervisor hina ala ding hi.(Tam khu kivaihawmna leh kivaipuohna lam genna ahi.)

BUNG - IX
PAWLPI SUNGA NASEM MITE

Manipur Evangelical Lutheran Church sunga nasem mite lah a, ahina suh danglam theilou - Pastorte leh Upate ahi uhi. Pastor leh Upa khiehna/hilchetna khu Mangpa Belampu/Mangpa Belam ching leh vah ahi. Pastor in Biel nei in Mangpa Belamte kem in a enkol ding hi. Upa in hattuom khat sung a Mangpa Belamte kem in a enkol ding hi. Hattuom khat sunga Pastor leh Upa ten -tahsah leh Hagau lam thu toh kisai in hattuom ah hatsem leh khantou sem na dingin pan ala jel ding uhi.

Khil - 41 : Pastor-te nasep ding

1. Mangpa belamte hagau ann a vah leh thu-le-la toh kisai nasep khu a thupipen ahi. (Jn.21:15-17; Nas. 6:2-4; 20:28)

2. Mangpa belam taimangte suikhie a, Khrist huongsung a puilut kia ding (Dan. 12:13; Mt. 18:11-14; Jac.5:20).

3. Hagau mangthaite it a, amaute itna toh suikhie a, gim leh genthei khohsalou a Pasian thu a hil ding (Late 125:5,6; Sai 53:6).

4. Pasian thu kukal tah a gen a, a hun leh a hunlou a zong pilvangtah leh lungduoitah a kiveng siem a thugen, taihil leh phawh a; gimthuohna khawsalou a sawltah hina nasep leh mawpuohnate buchingtah a sep ding ahi. (II Tim. 4:2-5).

5. Jesu Khrist thu : Thugousie - Baptistma, Mangpa nitah ann, Kiteenna, Shivuina, Biehinn honna leh latna, naulatna leh a dangdang bawl ding leh sai ding teng asai ding hi. (Mt. 28:19,20: I Kor.11:23-26)

6. Hattuom sunga vaihawmna leh thununna thu ah Upate toh kituoh a nasep bangkim guonkhawm leh sepkhawm ding (I Kor. 5:11-13).

7. Pasian sum kem a pangkhate’n muonhuoi tah leh siengthou tah a kep leh kisuhsiengthou ding ahi (ITim. 6:20).

8. Hattuom sung leh biel sunga sep ding a na kiguong zousie kituptah a sep leh a sem ding a kiguot mite sep dingte zong kituptah a endih a, biel sunga nate kituptah a sep leh bawl piching ahitheina ding a enkol leh kem ding (Mk.6:7-13; Heb.10:25; I Thes.5:17).

9. Hattuom thuginpi hoitah a kem a, hattuom mite’n zong hoitah a kem a zang ding a sinsah diig. (Heb. 10:23)

10. Hattuom sung tahsa lam vaihawmna leh hagau lam ann a vah a, buchingtah a keptheina ding a Local Hattuom toh kithutuoh tah a semkhawm leh hattuom mite nasep ding guondan siem ding (Nas. 6:2-4). Hagau silpieh dungzui a midangte nasem thei ding a sinsah atup ding ahi.

11. Pasian kunga silpieh leh sillatte, lungdam tah a pieh dan leh a piehte uh Pasian biehna a kilawm tah leh bawl ding mawng ahi chi sinsahna pie a alamkai ding ahi (Late 24:24; Mal.3:10; I Kor.16:2; II Kor. 9:7).

12. Tuohkhawm mawngmawng ama khut in a zangsih ding a, Upate ahilouleh Local Church Committee khut ah a pe ding hi, Hinanleh, mi hoi kitahsapna munte ah sum-le-pai zong a saithei ding hi.

13. Thuneina a nei bangbang in mawpuohna zong a nei hi chi kithei kawm in Khristian zousie Khrist theipitu leh nuazui muon huoitah ding in a sinsah ding hi. (Mt. 20:26-28; 21:19,20; I Kor.9:8)

14. Thu hilna lamsang poimaw ngai ding ahi. Hundamna thu maimai hilou in tahsa lam thu zong a ngaisah ding hi. Nupa kituohloute bang lemna thu genpi ding, kiteng dingte bang houlimpi ding, kitenzaw chienga kilawmlou tah a umlou ding thute bang ahithei tan a houlimpi ding ahi. 

15. Pastor koi inzong Baptisma atansahna local ah a nitah chiengin Mangpa Nitah ann (Sacrament) ahawm ding hi.

Khil - 42 : Pastorte mihina ding a chitna

1.Pastor ding khu mi muonhuoi/muon-ngam ahi ding ahi. Khristian hiloute nangawn in a phat leh apahtat mi ahi ding ahi (Nas.20:26-28; I Tim.2:2-5).
2.Gen baanglou, zi khat nei, kidehthei leh mi dihtat, mi pahtat dan siem, zindou siem, thuhil siem, zu dawnlou kihau hatlou, sum deigawlou, mi thuohhat, nunnem, mi sol hatlou, ama innsung leh a zi-le-tate kem siem mi ahi ding ahi. (I Tim.2:2-5)
3.Tahsa upat lam a, pichingsa ahi ding ahi. Tualeh, hagau lam leh leitung khosahdan leh hindan ah zong vantang mitmu a pahtat kham ching leh zuitah ahi ding ahi (I Tim.3:6,7)
4.Tahsa leh lungsim sienthouna ding; tualeh, leitung nate a navah ahi theina ding in laisiengthou maimai hilou in laibu leh lekha dangdang sim mi zong ahi ding ahi (I Tim 4:14; II Tim.2:15; Phil.4:10; I Jn.1:3)
5.Mawpuohna thei a hangsan; hinanleh, mi kidehthei leh kamsiem ahi ding ahi. (Eph. 5:15)
6.Sum deigawna a buoilou, a nei sang a sangzaw a hinglou leh sum chil teptup mi ahilou ding ahi. Pasian leh hattuomte itna nei mi leh hagau siengthou a dim ahi akul hi. (Deut.6:5; Lev.19:18; Pro. 11:24; Jn.4:7-18; I Tim. 3:6-10; Eph. 5:18; Gal 5:22; I Kor. 13:1-13; Kihil 3:19.
7.Pastor ding khat khu tahsa a mi chidam leh muonhuoi zong ahi ding ahi.
8.Pastor khat ding khu mi piangtha, hattuom Dan Siengthou a zi nei mi ahi ding ahi. Tualeh tami in Dt. 19/2/2004 Special Council Thupuasah dungjui in tambang a gel ahi. “ Emergency Working Committee 19 Feb. 2004 Section B Kitenna toh kisai. Kum 2004, Feb 20 tan a Hattuom Dan in anet, hen-le-kan a ana umte Kitenna zieh ahi mabang in phelkhiet dinga phasah ahi.
9.Hina dinga necessary critiria teng khu MELC Recruitment Rule ah a um hi.

Khil - 43 : Probationary Pastor(s)
A.Probationary Pastor kichite pen Pastor piching hina ding a kisinsahna hun ahia, Pastor pichingsa khat nuoi ah a sem ding hi.

1.Probationary Pastor siemdan ding: Pawlpi nasem koizong Pastor dinga Ministrial/Executive Committee in a etchet nua a, Annual Session/Khawmpi a namdet dinga kiguot mi khu namdet ahi masang teng Probationary Pastor ahi ding hi.
(a).Annual Session/Khawmpi in hattuom sungah Pastor khat poimaw ahi chi’n a puong ding uhi. (Post Creation a bawl ding hi).
(b).Tua Pastor mun awng pen khu Ministerial Committee tungtawn in leh Executive Committee in a bawzui ding a, Pastor lahna ding in Screening Board bawl in Interview a chingte Annual Session/ Khawmpi ah Ministerial/Executive Committee tungtawn in apetou ding hi.
(c).Tam Pro-Pastor la na dingah Ministerial/Screening Board te’n Pro Pastor la dinga Post creation a bawl dungjui a Khawmpi in pha asah leh Ministerial/ Screening Board ten Executive Committee ah ang polut ding ua, Executive Committee in ordained piehthei dinga recommend abawlte bou khu pieh ahi ding hi. Tam Probation period khu Khawmpi in pha asah a Pro-Pastor dinga ala ni apat Kum 3 achin chiengin Ministerial Commiittee tungtawn a Executive Commiittee in recommend abawlte pieh ahi ding hi. Tualeh Probation period Kum 3 sungin biel tuomtuom ah suonthei ahi ding hi.
2.Probationary Pastor ding khu MELC Recruitment Rule dungjui a Theological training zousa ahi teitei ding ahi.
3.Pastor ding khat khu tahsa a mi chidam leh muonhuoi zong ahi ding ahi.
4.Pro-Pastor nasep ding dan : Pro-Pastor khu Pastor panpitu ahi ding hi. Bial Pastor leh awptu Pastor nuai ah na asem ding hi. A nasep ding tekhu -

B.i). Toh leh tham sepna ah / Sep leh bawl ah :
a)Kitenna thu ah : Pastor in kitenna nasep anei hun chiengin apanpi ding ahi. Rehearsal hun te ah, Pre-merital/merital counselling hunte ah arrangement kulnate leh Pastor in panpih kul a china munte ah a panpi jel dinga Biahinn leh pindan a kitennate ah a uap jel ding ahi.
b)Mishi vuina ah : Mishi vuina ah Pastor panpihna mun ding tam sih nanleh Pastor training ahi jiehin a bawl a sep dan ding bangkim a theichet na dingin Pastor bul ah a up jel ding ahi.
ii) Sepna tuomtuom ah :
a)Crusade, Camp, Training, Seminar etc neina hunte ah : Pastor in a bial sungah Crusade, Camp, training Seminar etc a sai hun chiengin, a sai pihtu a hi ding ahi. Arrangement thu ah councelling thu ah mi hankhawm na leh Pastor in mawpuohna a pieh bang jelin a panpih ding ahi.
b)Hattuom ni tan na leh hun sehtuom zatnate ah :- Hattuom in nitan leh hun sehtuom anei na hunte Day/week zahna hunte ah, Pastor tanvou deuh in koita lei, Pastor amanlou chieng bang, a ki daihlou hun chieng bang ahilouleh Pastor in a tanvou a piasawn chieng in hun atang ding hi. Hun tangsih nanleh meeting Chairman/Conductor in a tanvou a pieh sawn chiengin hun a tang ding hi. Hun tangsih nanleh meeting chairman/ conductor te a pang in Pastor a uap ding ahi.
c)Counselling bawlna ah : Sepgual hun/na mun te hilou a personal counselling neina mun te ah apanna mun ding kilawmna mun ah Pastor jui in a panpih jel ding ahi.
iii) Sacrament (Mangpa nitah ann) leh Baptisma bawlna mun ah :-
Sacrament leh Baptisma bawlna leh tan na munte ah Pastor nasepna theipih dingin a uap ding ahi.
iv) Hattuom vehna mun ah :
a)Baptisma tang nailou akan dinga, baptisma tang dinga a lemtang hun ah Pastor leh Upate kungah genin Baptisma tan hun ding abawl ding uh ahi.
b)Hattuom thununna nuai a um/Dan pua a umte a dinga, hattuom theipih a/pindan a kiten ding dan a ngaihtuah pih ding a, bawlthei ding ahi chiengin Upate leh Pastor kunga gen in, kiten tha dan lampi a bawl ding uhi.
c)Pastor in hattuomte lam tuomtuom ah kan ding veh ding a chi bang bangin a kan in aveh ding ahi. Hattuomte a vehna a ama ngentang a hasatna um a athei leh Pastor kungah agen ding a, Pastor lamkaihna in ani un a veh jel ding uhi.
v) Pastor probation period a umte member a apanthei nate :-
a)Local Church Committee member a upna mun ah
b)Division Khawmpi ah
c)Division LYF, ELWA leh Missions Department
d)Abial sunga Khawmpi tuamtuam ah
e)Kumtawp Khawmpi ah.
vi) Bawllou dingte : Baptisma, Annsiang hawmna  (Sacrament Service)
vi) Bawlthei dingte : Kiteenna, Naulat, Inn lat, Sivui, Guolzawlna

Khil - 44 : Sawltah

Sawltah khu hundamna thugen mi ahi ua, Pasian awiloute Khrist itna toh thuhil a, Ama kunga puilut sawm a thugente ahi uhi. A nasep ukhu Apostle-te nasep ahi hi.
1.Sawltah hi ding in Pasian hatna leh mimal Pasian thuhil ahiei, mipi chielpina, panpi ngaite panpi thei mite a dei huoi ahi ding hi.
2.Sawltah chi khu nasepna min ahia, Upa leh Pastorte chitna bangbang nei mi a dei huoi hi ding hi.
3.Sawltahte khu Jesu Khrist khantanhoi gen a Khrist a ding a theipitu leh hagau mangthai sui a man ahi ding ahi. Hinanleh, Local hattuom kivetuona nasep hilou a, tawmngaina jieh a vah mi a umthei tah jiehin, hattuomte’n Sawltahte mi hina tam anuoi a bang a pilvang tah a etchet a kul hi.
a).Ama umna Local Hattuom ngaisahlou.
b).Hattuom leh Head Office in a sawl hilou; tualeh, phalna pieh zong hilou.
c).Laisiengthou thu a valval a gen a deikai, khelna thu leh mihing piendan thute, guolzou hinkhuo thute hil leh sinsah a, a umsa hattuom lamkaite leh Upate demsiet nuomsate.
d).Hattuom biehna leh kipawlkhawmna ngaisahlou a, kipawlpi thei tuom bawl a, hattuomte nuoisie leh dembawl a, a sangzaw leh a thuhzaw mu a kigen.
e).A umna hattuom kikepna leh vaihawmna subuoi. Tambang mite zahlou a hoizaw hi. Amaute’n hattuom a tungding sih ua, a khenzah zaw uhi. (Mt.7:15-20; Nas.20:29-31; Eph.4:1-32; I Jn. 4:1)
4.Chielpi ut a tawmngaina toh kuonkhe ut zousie lai mawhpieh ding ahisih hi. Pawlpi mi hiloute zong, theichienlou a lai mawhpieh paipai ding hilou hi.

BUNG - X: ORDINATION

Khil - 45 : Ordination pieh thei dingte
MELC Hattuom in Ordination a piehthei ding khu tam anuoi a bang ahi.
Probationary Pastor pieh hun ding leh a bawl ding dan :
1.Annual Session/Khawmpi in a phatsah Probationary Pastor a kum 3 tei nasem sate.
2.Tualeh Ordination pieh hitananleh uh Pastorte pen Ordination atan ni ua pat Kum 10 6 tan asep zou chieng un Reverend title pieh thei pan ahi ding uhi. Khumi masang teng Pastor chia hat leh gel ahi ding uhi. Kum 10 6 achin chieng un Khawmpi in akisaipi Committee te recommend na dungjui in Reverend title pieh ahithu aphuong khe ding hi.
3.Hattuom sunga mi, Hattuom pulam a sem ut MELC Recruitment Rule dungjui a Theological training neisa Ordination tang ut ten Bishop address in ama umna local church leh Division tungtawn in ngetna lai abawl dinga, local church committee in Division committee ah apetou ding a, Division ten Head Office ah Bishop kungah ape ding uhi. Tuachiin Ordination Certificate hawmkhieh/issue ahi ding a, a interview na alawchin/a sepna a join ding chiengin Ministerial leh OB theipina in Ordination pieh ahi giap ding hi. Tambang miten MELC huong sunga sepna a claim ut uleh a experience na uh set thei ahi sih dinga, fresh te bang banga treatment pieh ahi ding uhi.
4.Executive Committee/Annual Session Thupuasahna umlou in Pastor koi inzong ei Hattuom mi leh sa hina neiloute khu Ordination apethei sih ding hi.
1.Pro Pastor, Pastor ordination piah hun ding a recomend ding dan :-
MELC Service Rule (……) dungjui a lasa probation hun a zawh chiang leh tam banga bawl ahi ding.
a).Pro Pastor khu Division committee in ama kemtu Department Committee a hiai in recommend a bawl dungjui in Ministerial Committee in a ngaitua dinga, Pastor piching a ordination pia ding pha asah leh Executive Committee in angaitua dinga pha asah leh MELC kipuihuaina dungjui a pia ding ahi.
b).Recommend thei dingte :-
i)MELC Kipuihuaina dan dungjui a, a Kum a chin chieng leh
ii)Pro Pastor period Kum 3 sem sate a sep dan jil in
iii)MELC sunga ana semsa ~ by promotion a Pro Pastor period Kum 2 sem sate
iv)Pro Pastor in ordination ahi masang Pastor form a silthei sih ding hi.
v)Pro Pastor kum 3 semsa hinanleh zi aneilou leh ordination ala theisih ding hi.
2.Upa Ordination piehthei ding te :
a.Khawmpi in a phalpie dungjui a Local Hattuom in 2/3 a atelchingte
b.MELC Kipuihuaina Dan dungjui a, telching a aum nua a, Upa training a pangte 
c.Ministerial Committee leh Executive Committee in Ordination pieh thei dinga recommend a bawlte.

BUNG - XI: HATTUOM UPA

Hattuom Upate zong Pastorte mabang a Local hattuom sung a Mangpa belamte enkol, kem leh vahte ahi uhi. Local hattuom a Pastor toh umkhawmna munte ah Upa in hattuom sung vaihawmna thu-lela lam ah pan a la ding a, Pastor umlouna munte ah Upa in hagau lam nasepna ah mangpa belamte ching leh enkol in Pastor, hagau lam toh kisai in Pastor nasep bang bang a sem ding hi.

Khil - 46 : Upa ding a chitna
Upa ding a chitna pen Pastor a toh akibang hi.
1.Hattuom Upa ding pen Hattuam khat sunga Local Church Committee te lah apat tel ahi ding, hinanleh LCC ahi vang in
a.LCC hina term thum / kum thum teitei ana tusate ahi ding uhi. ??
b.Bung XVII Khil-19 Sl/No.1 (a) & (b) na in asuhkhate LCC hinanleh Upa candidate hitheilou ding; guon zong guon lou ding ahi.
2.Zatathuoi, kamtam lou, mi suhtuo chinglou.
3. Zu leh khamthei sil bawllou leh lepna dihlou dei a huoiham mi hilou, sawm-a-khat dihtah a pe zing, sie-le-pha theina siengthou a ginna thuguh kem mi leh gen baanglou ginna lam a mi piching ahi ding hi.
4.Zi khat nei, tate leh innsung a vaihawm siem leh navah a zi-le-tate zong zatat huoi, mi gensiet chinglou, kidehthei leh bangkim a muonhuoi ahi ding ahi. (I Tim. 3:1-12)
5.Innchin tuon velvel a, damlou, chimaw leh lungkhamte leh panpi ngaite panpi leh henem siem (Nas. 12:20) Hagau a dangtah leh gentheite kaithou a Jesu melhoina kilawm sem a, a mutheina ding ua lampi kawhmutu ahi ding ahi.
6.Hattuom Upa dingin koi hizong leh Hattuam dan kal a ji ni neite LCC member hinanleh Upa candidate ahi theisih ding hi. A ji masa toh kikhen a ji dang neite zong Upa dinga candidate thei ahisih ding hi.

Khil - 47 : Hattuom Upa tel dan ding
1.Hattuom khat sung a dan zoukim (Vote neithei) mi 15 apat a tunglam a umleh hattuom Upa khat a neithei ding uhi.
2.Hattuom khat in hattuom Upa a dei leh a Division Kumkai Khawmpi ah ngetna a nei ding uhi. Division Khawmpi in pha asah leh Annual Session/Khawmpi ah a petou ding a, Annual Session/Assembly in pha asah leh a tel ding in Pastor khat leh Upa khat a sawl ding hi.
3.Upa telna ah Vote sethumsuo-seni (2/3) mu penpen a ching a puon ahi ding.
4.Hattuom khat a Upa a kitel ding chieng in a hattuom sung a dan zoukim (Vote neithei) a kimkhat sang a tamzaw a um leh a telthei ding ua, a kimkhat sang a tawmzaw a umleh a telthei sih ding uhi.
5.Upa telte’n a telching uleh a telchinglou dan uh a kisaipi Director kung ah Report a kinthei lam in a pe ding uhi. Tualeh, telching aum te khu Ministerial Committee Theipina toh Training pieh ahi ding hi. Tualeh tualeh Exeucutive Committe theipina toh Annual Session/Khawmpi ah namdet ahi ding uhi. Hattuom nasem sa, thununna thuohsate Upa ding atelthei ahisih ding hi.
6.Hattuom Upa namdetsa khat khodang a apem leh, a pemlutna hattuom ah Upa ahina a kenglut theisih ding a; hinanleh, Upa ahina pen a bei theisih ding hi (Pawlpi vaihawm leh nasepnate ah).
7.Hattuom Upa khat hattuom dang a a pemlut a, a pemlutna hattuomte a Upa hina nasep alung gul leh kingetna lai ape dinga, akingetna hattuomten angaitua pieh ding ua, Division tungtawn in Annual Session/ Khawmpi ah ngetna a pe ding a, Division Khawmpi in pha asah leh phuankhietna anei ding uhi.
8.Tualeh, pawldang apat Upa hingpem a um a, Upa hina nasep a lunggul leh Local ah kingetna ape ding a, Local in Division Khawmpi ah a tuttou ding a, MELC Annual Session/Khawmpi in pha asah leh phasahpina/phuonkhiehna a nei ding hi. 
9.Upa tel dinga guot aum Pastorte leh Upate’n ava telna mun uah vote anei thei sih ding uhi.
10.Upa tel dinga guat a umte’n Ballot Paper Office ah ava la ding uhi. 
11.Upa tel na ding toh kisai in Khosung Hattuom in Primary Election abawl thei sih ding ua, tualeh LCC lah apat koima aki zut/withdraw aum thei sih ding uhi. (Bung XI / Khil-46 / Sl.No. 6 na in akaankha loute genna ahi.)
12.Upa tel dinga Assembly in aguat te lah a a lemchang penpen in Chair ala jel ding hi.
13.Candidate te min khu Alphabetical Order a gel ahi ding hi.
14.Hattuom sung a Upa pensionte dinmun ding-
a.A umna hattuom ah LCC member hisa ahi ding uhi, (i.e. teel se ngailou in)
b.A umna hattuom ah LCC Chairman hina a tu theisih ding a, hinanleh a tu thei ding Upa dang umlouna leh hattuom buainate ah Division-te theipina toh Kum khat sung a ding in a pang thei ding hi.
c.Hattuom sung a sillat tuomtuomte guot a a um bang in a lan thei ding hi.

BUNG - XII: FINANCIAL RULES(S)

Khil - 48 : Finance Policy
1.Executive Committee, Kumtawp Khawmpi/Annual Session ahisihleh, thuneina kipie Committee ahiei, Lamkaite ahiei in Manipur Evangelical Lutheran Church sum muna diing a Thupuasah dungzui in sum-le-pai leh mimal silpieh dang dang leh sum pung leh muna zousie apat a mute khu Manipur Evangelical Lutheran Church sum ahi.
2.Manipur Evangelical Lutheran Church, Headquarter ah piehkhawm/lahkhawm ahi diing hi. Annual Session/Khawmpi in thunei diing leh a sai diing a, a guotte’n Financial Rule(s) toh kituoh in a sai diing uhi.
3.Division leh Localte’n amau Division leh Local sunga zahna diing a nei dungzui un Division leh Local in sum a tuom in a kineithei diing ua; hinanleh, tambang sum in Pasian sumpi/Manipur Evangelical Lutheran Church sum a sukha theisih diing hi. Tambang Division leh Local a sumte zong Pawlpi a ahi veve hi. Divison leh Local in a sai diing a a guotte’n a sai diing ua, Audit zong kumkhat in nivei teitei a bawl diing uhi.
4.Manipur Evangelical Lutheran Church sum toh kisai pouma Head Office a kipan Receipt Bu zang a pieh teitei diing ahi.
5.ELWA, LYF leh Missionte’n zong Receipt Bu a tuom a sunlou in MELC a akitang diing uhi. Hinanleh, head tuomtuom a khen ahi diing hi.
6.ELWA, LYF leh Missionary sumte khu amau Department toh kisai lou ngal a dang a zah thei ahisih ding a, hinanleh aloutheilou zahna ding (Hattuom toh kisai a) aum chiengin a Dept. te theipina toh zah ahi ding hi.
7.Manipur Evangelical Lutheran Church phalna um masalou in Manipur Evangelical Lutheran Church sung a mite lah ah Pawlpi pulam leh sunglam; tualeh, sildang mawngmawng a zah diing sum-le-pai don phal ahisih hi.

Khil - 49 : Sum sai dan diing
1.Hattuom member koi inzong tuohkhawm leh silpieh mawngmawng sumtang hihen, van hitaleh Biehinn kikhop ni a tawikhawm a Pasian masang a latkhawm chiet hileh a hoi diing hi. Bu-le-bal ahisihleh ganta, Biehinn sung a tawi lemloute zong hattuom Upa leh Treasurer hatkhawm a akoina diing mun a koi ahi diing chieng in Pasian kunga lat hileh a hoi diing hi. Biehinn sunga tunglou, tualeh hattuom leh sum saite theiphahlou a mimal khut a pieh mawh a, hattuom khut tungloute tuohkhawm pie a kisim theilou diing hi.
2.Sum, silpieh leh tuohkhawm zousie sum saipa in a lakhawm diing a, Head Office apat Receipt Bu a lahte toh Receipt a pe paipai diing hi. Tualeh Head Office a lut dingte khu hentang denlou in apelut paipai ding hi.
3.Sumtang hilou a, a van a tuohkhawm hinglutte khu a van bangbang a Receipt pieh phot ding ahi. A sum a tuot leh sum suoh masang a Receipt piehlou mawh a koi diing ahisih hi. Sumtang a kipete leh a van a kipete Laibu (Register) tuomtuom in a chiemte diing hi. Vante sum suohsahna diing in Local Church Committee in a sai diing hi. Tua laibute ah sum pete min, Receipt Number leh a piehza hoitah a gellut diing ahi. Sum muna Laibute gelthang niainuai diing ahisih hi.
4.Tuohkhawm van a kipie, sum suotheiloute khu Head Office a theisah ahilouleh hah mai diing ahi.
5.Ha thum dan in LCC in hattuom sunga sum um tuomtuomte; sawm-a-khat, nipi tuohkhawm, anntang ham leh a dangdangte etkhawmna a neizel diing ua, sum saite’n tuabang a etthei zel diing a akoi diing uh ahi. Bawlkhel aum khah leh a sawtseng masang a suhdih ahi theina diing in.
6.Hattuom sung enkol LCC te’n kum teng in Kumkim leh kumtawp lam chieng in Half Yearly leh Annual Audit) sum endih diing (Auditor) mi a guot diing ua, tuate’n hattuom sung a sum um teng a endih diing ua, tuachi’n hattuomte thei diing in a puongkhe diing uhi. Sum Muna leh Zahna zousie (i.e Cash book, Vouchers etc) zousie etdih ahi nua inzong kum 3 sung tan beh koi nahlai diing ahi.
7.Local Hattuom sunga sum lam toh kisai a buoina a umleh Division Office ah a report ding ua tualeh Division ten asaifel dan ding angaituo ding uhi.
8.Division : Division ah zong sum-le-pai thu ah tam a tunga Local sum saidan diingte khu zui ahi diing hi. Tualeh, Head Office a sum saite toh kithuzah leh bawl diing dan kihiltuo, kilamkaituo diing ahi.
9.Local chin in Annual Audit Note leh khumi kum sunga Receipt Bu a zah teng uh, Head Office ah a submit zel diing uh ahi. Audit Note Copy pen Division Committee ah zong ape diing uhi.

Khil - 50 : Hattuom sum muna

1.Sum lut zousie Cashier in Hattuom min in a lakhawm diing a, Receipt a pe paipai diing hi. Tuazou chieng in Ledger/Cash Book kitup tah in a giellut diing hi. Tualeh nichin in DF/Accountant toh sum lutna leh paihna a entup gige diing uhi.
2.Accountant in Ledger/Cash Book ah kituptah mai in a entuoh diing a, sum mute chiemtena laidal ah suai a kai diing a tuazou chieng in Ledger Bu toh Cashier kung ah a nuapieh kia diing hi.
3.Kal teng in Account Closed ahi diing a, Bishop in endih in suai a kai diing hi.
4.Finance Controling Officer/Bishop in Hachin in Hattuom sum khut a umza etna (Physical CashVerification) Bank Balance toh etdihna a nei diing hi.
5.Sum mute zousie a kinthei pen in Bank ah MELC Hattuom min in a koi pai pai diing hi. Ni thum sang a tamzaw/sawtzaw a khut ah a kem sih diing hi.
6.Thukin lakin a dingin Cashier in Rs. 1,00, 000/- (Rupees One lakh) only bang hunlai pou in akemzing ding hi.

Khil - 51 : Pawlpi sum zahna
1.MELC sum zahna pouma Pawlpi Budget sung apat zah ahi diing hi.
2.Sum zahna diing pouma Sanction Order (zah phalna) a um diing ahi.
3.Sum zahtheina diing Order (phalna) a umzou cheingin Bill Clerk in Bill a bawl diing a, Accountant/DF in endih in suai a kai diing hi. Tuazou chiengin Cashier in apethei dinga zah (pieh) ahi thei diing hi.
4.Sum zahna pouma Cash Memo/Voucher in a zui diing a, tua Cash Memo/Voucherte kum 3 sung kep diing ahi. Tualeh, sum zahna chiemtena Cash Book leh Ledger hoitah a kep diing ahi.
5.Sum Balance um leh umlou zil in Finance Controling Officer ten Non-recurring Expenditure pieh leh hentang theina thuneina a nei diing hi.
6.Budget sung a sumte Head khat apat Head danga suontheina thuneina (Diverting Power) Finance Committee/Executive Committee maimai in a nei diing hi.
7.Bill Form chi tuomtuom a poimaw dungzui in a um diing hi - Salary Bill Form, Contingency Bill Form, Stationery Bill Form leh a dangdang.
Khil - 52 : Head Office ah
1.MELC sum pouma kumteng in a tawmpen in 2vei (Half Yearly i.e. 1st Dec - May 31 leh Annual Audit i.e. 1st Dec - 30th Nov) tan etdih ahi diing hi.
2.Finance Controlling Officer in poimaw a sah leh sum etdihna (Surprise check) abawl thei ding hi.
3.Finance Committee/Executive Committee in Audit diing mi 3 tan a guot zel diing hi. Tualeh, Audit kibawlte Executive Committee leh Annual Session/Khawmpi ah puohlut ahi diing hi.
4.Division : Division sung ah zong tam a tung a bang in Audit bawl ahi diing.
5.a) Local : Local hattuom ah LCC te’n a poimaw dungzui a sum etdihna (Audit) a bawl ban uah, kum khat a 2 vei Audit diing mi guot in a endih diing ua, Head Office ah sum umte a pelut paipai diing uhi. Pawlpi sung ah Local hattuom khu a poimaw pen ahi jiehin, Financial Year beima (March ha beima) ngei a Local chin in Audit a zawsieng chiet diing uh ahi. March 31 tan a Head Office ah sum umte a pelut ngei diing uh ahi.
b) Local chin sum muna leh paina zousie audit abawl teng un Head Office ah copy khat apelut zel ding uhi. Tuaban ah Head Office in D/S te tungtawn in apoimaw leh kul dungjui in local sum dinmun a enkhe thei ding uhi.
6.Audit dan diing tangpi:
a.Auditor diing mi a kiguot chiengin etdih diing a deidan, Report pieh diing dan chientah a theisahna toh guot diing ahi.
b.Receipt Bu kizang beiloute a kizahkia diing chieng in Auditorte’n hoitah in Authorise leh Certified a bawl ngeingei diing uhi.
c.Local leh Division a Receipt Bu kizangsa zousie a saite khut a mawh thamdenlou in, Head Office a Finance Department/Concerned Director a piehlut kia (hahkia) ngeingei diing ahi. Receipt Bu zahbeilou kizangkia diingte Head Office in a tha issue bang a, a chiemte diing ahi.

Khil - 53 : Financial Year (1st Dec - 30 Nov)
1.MELC Head Office, Division leh Local hattuomte’n Financial Year a kibang in a nei chiet diing uhi. Tuapen 1st Dec - 30 Nov ahi diing hi. Tam hun sunga tuohkhawm lut zousie kumkhat sung a lut a sim ahi diing hi.
2.Local hattuom chin in a sum muteng uh November ha beima ngeingei a Head Office a a piehlut diing uh ahi.
Khil - 54 : Travelling Allowance
1.Pawlpi in a poimaw leh kul jieh a mi a sawl khah chieng in a peina mun leh hun dungzui in TA/TE a pe diing hi. Tami thu toh kisai Cashier in Sanction Book khat hoitah a a kep diing ahi.
2.Auditorte nitha Rs. ..................... tuot a pieh ahi diing a, Committee tuomtuomte leh Executive Committee memberte Sitting Allowance zong Rs. ....................... pieh ahi diing hi. Tam nitha bangza diing a hiei chipen Annual Session/Khawmpi Thupuasah dan zil ahi diing hi. Tua mabangin Auditorte nitha zong pieh ahi diing hi.
3.Hattuom venate ah Pawlpi nasemte’n TA/TE a muthei sih diing ua, Special Program a, a tuom a siem ahileh Special Case a sawl a umte a hun leh a mun toh kituoh in TA/TE piehthei ahi diing hi.
Khil - 55 : Sanctioning Power
1.Office ngaina dungzui in sum-le-pai zahna tengteng DDO in Sanction Order (zah phalna) a suo diing a Cash Clerk/Bill Clerk in Bill a bawl diing hi. Tuachi’n Accountant in endih in suai a kai diing a, tuazou chiengin zahthei ahita diing hi.
2.Office ngaina dungzui hilou (Incidental Expenses) a sum zahna diing a um khah chieng in Budget huomsung hinanleh, anuoi a bang in thakhat thu in zahtheina thuneina a nei diing uhi.
a.Executive Committee - Budget sung apat in sanction abawl thei ding hi.
b.Bishop - 50, 000/- ahi dinga atunglam Rs. 1,00, 000/- tan Office Bearer tungtawn a zah thei ahi ding.
c.Directors - Khatvei thu in 50,000/- tan
d.Mission Department (Chairman) - 20, 000/- Kum khat a dingin MELC DDO theipina toh ala ding hi.
Emergency a diing ahi jiehin a zahdan Finance/Executive Committee ah Report a bawl diing uhi.
3.A tunga sum, a mutu diing a kingaituote pieh ahi chieng in Bishop leh a latu/mutu in suai a kai ngeingei diing uhi. (Register Bu leh Kinoptuona Lai)
Khil - 56 : Discretionary
Discretionary pen Moderator, Bishop leh Director ten koitobang mimal panpi ngaite kungah khatvei thu a diing in Rs. 500/- apat Rs. 1,000/- tan chieng tuoh pieh theina tha a nei diing uhi. Hinanleh, Pawlpi, Club leh Hattuom ban ah kipawlkhawmna min nei khat poupou kung ah a pethei sih diing hi. Tualeh tami sum pen ahun jilin Khawmpi in sukiem in zong abelap thei ding hi.
BUNG XIII
SERVICE RULES
Khil 57: Na guonna leh a sem ding mi lahna
1.NNA SEPNA THA GUONNA (POST CREATION):
Telthaw leh lahthaw a sepna kip/det (Permanent appointment) jousia Khawmpi in a guang thei hi. MELC Executive Committee in a poimaw na a um dungzui in sepna kip hilou (contract) a guang thei hi. Post tha a kiguang (post-creation)  chieng in tam a nuoi ate chiengtah in a um ding hi.
i)Sepna min
ii)Sepna poimaw zat
iii)Sepna kip leh kiplou (Permanent or contract)
iv)Halaw ding 
v)Sepna in a poimaw chitna-siemnate
2.MELC NASEMMI CHI NI 
i)Permanent Worker: Permanent Worker khu sepna kip/det, pension thei nasem a kiguoite ahi. Permanent workerte khu khen ni a siem ahi ding hi:
a.Ministerial: Tam Ministerial staff-te khu Pastorte leh Evangelist-te ahi uhi. Annual Session/ Khawmpi in Post Creation abawl ding a, tuate luo ding in Board/Committee guot a um te’n DPC han in nasem ding mi a sui ding uhi. Tualeh tambang a sem ding mi a kilah chieng in kum 3 teitei Probation Period pieh ahi ding ua, tuazaw chieng in a sepna ua a muonhuoi nah uleh ordained/regularize ahi ding ua, pension sum sangthei/pensionable ahi ding uhi. Tualeh tam Ministerial Staff-te khu a dieh a Pastorte leh Evangelist-te genna ahi ngal hi.
b.Non-Ministerial Staff: Tam toh kisai a mun awng ahing um chieng in ahisihleh Annual Session/Khawmpi in Post Creation abawl chieng in Board/Committee ding a kiguot te’n DPC han in a sem ding mi lahna anei ding uhi. Tamna kilate pen asepna ua Kum 3 sung ginumtah a asepna uleh regularize bawl thei ahi ding uhi. Ahivangin a sepna uh akhawl hun chieng un a nasep uh pension sah ahi ding ua, hinanleh a pension nua ua hachin pension sum san pen akipe nonsih ding hi. Tualeh tambang nasem ding kilate pen lungtunlouna a um leh topsah ahithei ding ua, amabou tambang semtute pension hunlou a topsah ahi uleh Investment Fund akoi teng uh akhinna umlou in amu ding ua, tuachi’n topsah ahita ding uhi.
ii)Contract Worker: Sepna kip/det hilou a poimaw dungzui a kihoulemna (Contract) toh hattuam a nna sem mi ahi. Tambang nnasemmite a lah dingdan bangkim a tuom in a kigiel hi. (DRAFT BAWLTHA DING)
3.Nnasepna awng huhdimna: Hattuam a sepna umsa, a zieh tuamtuam um zieh a awng (vacant), hundim poimawna a um leh akisaipi department in Executive Committee ah a tut ding a, pha asah dungzui in a kisaipi Director in a bawzui ding hi.
4.MELC NNASEMMI DING A CHITNA: Na kiguon dungzui a nasem ding mi lah ahi chieng in ala ding penpen – mimal, board, committee in Recruitment Rule(s) a bawl masah/bawlsa a nei ding uh ahi.
i)Chitna ngiempen: MELC hattuam a semtu dingte Hagau lam a pianthana hoitah ban ah tahsa leh hagau subua thei silte apat kikem siangthou mi leh Khristian hinkhuo hoitah zang mi ahi ding ahi. Permanent worker dingte hunbit (fulltime) a Pasian nasem ding a hatna/sapna tang mi ahi ding ahi.
ii)Tahsa kum: Mitha lah ding ahileh upat lam kum 35 sang a upalou ahi ding ahi. A semsa ahileh kum bihieh a um sih ding hi. Tualeh siemna leh chitna tuom nei mi ahileh kum 5 belap thei ahi ding hi.
iii)MELC member hina leh gupna: Permanent a sem ding a kila tapou Dan sung a mi, MELC kipuihuoina leh Dan Bu a kigiel Thuginpi pom leh sinsahna pom mi ahi ding hi.
iv)Nna dungui a chitna poimawte: A nna dungzui in chitna leh siemna kiguong galsa pen khum nna a ding a chitna ahia, Recruitment Rules a kigielsa ahilouleh Executive Committee in a guon bangbang ahi ding hi.

5.NA GUONNA: MELC sung a telthaw leh guotthawte zousie Annual Session/Khawmpi in a bawl ding a, tualeh nasepna ding munte zong  a guong (post creation)/ a bawl masa ding hi.
6.NASEM DING LAH DAN:
MELC sung a semtu ding lah dan chi nih:
i)By Promotion: Sepna awng a um chieng in MELC sung a semsate  chitna nei a um leh umlou ahilouleh kaisang sah thei semtu a um leh umlou et masah ahi ding hi. Tambang mi a um a, interview poimaw sahna a um leh candidate-te sap/hat ahi ding uhi. Tambang a chitna nei a umlou leh mi tha lah ahi ding hi.
ii)Direct Recruitment: Sepna ding post awng a um a, direct recruitment ding ahileh Notice (theisahna) ni 15 sang a tomzawlou bawl teitei ding ahi. Tualeh application piahlut hun, interview bawl ding ni leh munte zong kichientah in a tuong ding hi.
7.Departmental Promotion Committee (DPC): Manipur Evangelical Lutheran Church sung a sepna (post) khat lahtha ding a um leh Departmental Promotion Committee (DPC) bawlkhieh ahi ding a, ama uh pansan in mi lah ahi ding hi. DPC in result khu Ministerial Committee/ Executive Committee ah report a pe ding hi. Tuajou chieng in akisaipi Committee thupieh bangzel in malam a sawnsah ahizel ding hi. Departmental Promotion Committee (DPC) pen Annual Assembly a guon ahi ding a, akisaipi department a director pen Secretary ahi ding hi. 
8.NA GOTDAN:
i)Appointment leh Contract: Nna sem ding a ki latha te’n appointment order kichiangtah leh contract a sem dingte a ding in contract sign-na lai kichiantah a om ding ahi.
ii)Orientation: Semtu hiding a lah a um koimapou a sepding toh kisai kawhmuna (orientation) leh a poimaw bang a commissioning zong pieh ding ahi.
iii)Joining report: Semtu ding a kilatha koimapou in appointment order amu dawnna in joining report a pe ding a, a join ni leh hun kichiantah in a giel ding hi.
iv)Charge kipiehna: Nasemtu khat-le-khat charge a kipiah chieng un memorandum hoitah a giel in charge a kipekhe ding uhi. Memorandum ah nna sepsa, sepding a lemguotte, akisaipite, plan leh policy tha kiguongte, dateline tuomtuom etc. a tel teitei ding ahi.
v)Probation: Permanent nnasem lahtha a umte kum 3 sung etkhietna hun (Probation) ahi ding hi. Tam hunsung a semtu in chinlouna anei leh topsah kia thei ahi. Kum 3 jou chieng in evaluation bawl ahi ding a, lungtun huoilou a thei ahileh lah teiteilou ding ahi.
vi)Confirmation: Etkhietna hun (Probation period) a bei chieng in Director in akisaipi Committee ah atut ding a, khum hun a pat Executive Committee ahilouleh MELC Core Committee ah report a bawl ding a, committee in pha asah dungzui in namdetna (confirmation) bawl thei ahi ding hi.
9.MELC SERVICE BOOK LEH SERVICE RECORD:
MELC nasemte service record bu khat a om ding a, tua ban ah mi malmal a service book a om chiet ding a, khum laibu ah nasepna toh kisai chiemte thamte a ki chiemte ding hi. Nasemmi sep hoi leh hoilou zong, nasemmi tung a thuneipen in a phatna, a demna leh poimaw asahte a record thei ding hi. Tam Service Book ah semtute kum dihtah (personal age) giellut ahi ding hi. Tualeh semtu te’n kumchin in Service Book ah suoi akai ding uhi.
10.WORKERS’ ETHICAL CODE (SEMTUTE GAMGI):
i)Mimal leh Innkuan toh kisai: MELC semtu jousie ama mimal kikem a, ama adia poimaw zing devotion nei, tahsa leh hagau hoina dia poimawte ( Eg. Tahsa etkolna, laisim) bawl a, a hoiloute (Eg. Kuva, tep-le-muom, zu-le-khamthei, zahthei leh muthei lim hoilou) apat kihepmang ding ahi. Ama ban ah a innkuante zong tambang sil hoiloute apat a veng ding hi. MELC a semtu koimapou in sum a bawl (business) ding ahisih hi. Semtu muonhuoi khat ahina ah mimal leh innkuan vai a buoitheinate, leiba-thangba apat a pilvan mama ding ahi.
ii)Hattuam toh kisai: Semtu jousie a umna tualsung hattuam ah hun, sum-le-pai, tha-le-zung seng in aki zang ding hi. Tualsung hattuam leh MELC a panna nei ahitahleh zong Hattuam a zatat ding a, ama mimal phattuamna ding in hattuam mite, vante leh Hattuam min a zat ding ahisih hi. Hattuam minsiet theina ding leh Hattuam sungthu a hoilou lam a houlimna anei ding ahisih hi.
iii)Seppite toh kisai: Semtu khat ahina ah a seppite toh kituohtah a semkhawm in, kituohlouna piengsah theiding, nasep-silbawl, gen-le-sah a nei ding ahisih hi. A tung a semte ahilouleh ama nuoi a semte nnasepna a kikumlou in, ama mimal sepna ah theitawp a suo ding hi. A seppite guptuom-paituom, sih-le-lang anei ding ahisih a, a tung leh a nuoi ate jadan leh patawidan siem in a sem ding hi. 
iv)Khotang toh kisai: Semtu koimapou khotangmi etdan a zong ‘Pasian thei, mi chitah leh khotang a ding a mi phatuom’ hi sawm chiet ding ahi. Khotang a zahtah leh mite zatatna muna ding in hattuam a gin-um tah a sep a poimaw masa pen hi. Hinanleh hattuam a sepna paulam a khotang ngaisahlou chi zong sil kilawm ahisih hi. Semtute Political Party khat poupou a member ahithei sih ding uhi. Tualeh MELC semtu khat in a sep sung in Pradhan/Municipal Council Member/M.D.C., M.L.A. leh M.P chite a tet thei sih ding ua, kitelna khatpou a zong guptuom nei in vote a sui thei sih ding uhi.
Khil -58:NASEPNA MUN KIPIEHNA LEH KISUONNA
1.Nasep pouma hagau silpieh dungzui a sep-le-bawl ahitheina ding in nasem mite sepna ding mun guot ahi ding hi. Ama uh kingen ahiei ahisihleh Pawlpi hoizawhna ding ngaituona zieh in Annual Session/Khawmpi guot leh bawl hinanleh nasem mite sepna Ministerial Committee ahilouleh Executive Committee in heng in a sulamdang thei ding hi.
2.Nasem mi khat mun khat ah atangpi in kum 3 (thum) a sep masang suonlou ahoi ding ahi. Hinanlehzong hattuom hoizawhna ding ahi a, tualeh, a poimawna tuom tinten a um leh kum 3 (thum) chinglou in zong suonthei ahi ding hi.
3.Nsem mi koizong a sepna apat nasep tuom khat a akisawl chieng in anasep pen lien in neu taleh ama law ngai puo in sawl ahi ding hi.
4.Mi koizong hattuom nasem ding leh sum sang a/ lawnei (full time worker) ding a kipete hattuom sawlna mun a apei ding ahi. Ahi’n, azi ahilouleh a pasal government nasem ahileh Pasian nasem zawpen a suhbuoi khahlou ding ahi.
5.Nupa hattuom a sum sanna neite hattuom poimawna jieh a khat zawhzawh suon (transfer) ahileh a kizui theina ding uh Pawlpi thuneitute’n a ngaituo pieh a kilawm ding hi. Hinanleh ahithei vawtlou leh phut teitei thei ahisih ding hi.
Khil – 59: SERVICE EXTENSION RULE
Maniur Evangelical Lutheran Church sung a gin-um tah a Pension tan nasem mi koizong sem nalai ding a hattuom in deihuoi asah nalai leh Pension piehpai sang in a sep nahlai theina ding in a sep hun tam a nuoi a bang in a suhsau thei ding hi.
i)Annual Session/Khawmpi in a susau thei ding hi.
ii)Nasepna tambang a suhsau a umte mongmong kum 3 (thum) sang a sauzaw bawlthei ahisih ding hi.
iii)Nasep hun kisusau a bei/top hun chieng a zong sem malai ding a deihuoi ahi nahlai leh Nasepthei kisana dan (Re-employment Rule) dungzui in sepsah kia thei ahi ding hi.
Khil – 60: MELC DEPUTATION RULES
1.THUMASA: Manipur Evangelical Lutheran Church Pawlpi/Hattuom in thugin kibahpi pawl dang, para churches, organization leh hattuom dangte toh na sepkhawm a lunglut gige a, tuabang a pawl dangte toh nna isepkhawm chieng ua zui ding in Dan tam a nuoi a bang a bawl ahi.
2.TUP LEH NGIM: Tam Deputation Rules in a ngim tam a nuoi a bang ahi.
i)Tuabang a sepkhawmpi organizations, prara churches leh hattuomte toh sepkhawmna a mavanzawhna ding leh kitheisiemtuona umsahna ngimna ahi.
ii)Semtu: Deputed a umte ding in sep dingdan leh tup kitel leh dinmun kitel a a kuan theina ding uh ahi.
iii)Deputation a pei semtute a hing kinuale chieng ua sep ding leh dinmun kichien pieh thei chet ahithei na ding 
iv)Tambang a sawl a umte in Bond Sign a bawl ngeingei ding uhi.
3.A MIN: Tam dan min, “MELC Deputation Rules 2013” akichi ding hi.
4.A KIZATNA: Tam Deputation Rules MELC nasemtu mission dang, hattuom dang, para churches leh organizations a sawl a umte tung a zat ahi ding hi.
5.KIZAHPATNA: MELC Executive Committee Resolution No……. of……. Dung zuiin …… apat zat ahi
6.DEPUTATION A PEITHEI DINGTE: MELC regular/full-time workerte ahi ding.
7.AKI PHIATTE: Tam Deputation Rules toh kikalh thupuana leh dan umsate tam Deputation rules zah ahi apat phiet ahi.
8.AKI SENDENTE: Tami Deputation Rules zah pat ahi apat MELC Hattuam in Deputation a asawl lellelte tam rules toh kituoh a sawl bang a ngai ahi uh.
9.PERIOD OF DEPUTATION: Khat vei thu in Kum 5 (nga) ahi ding a, hinanleh a kul leh poimaw bang a et in Executive Committee ngetna a um leh kul asah bang in a hun a belap thei ding.
10.SEPDEN DING DAN: Deputation a semtu in tua a sepna mun a sep den a utleh MELC Bishop apat No Objection Certificate la masa in sepden a utna ah a kingen thei ding. Tuabanga deputed ahihna ua sem dentute MELC a pay, seniority leh service protection a nei nawnsih ding uhi.
11.Tuabang a semdenloute pouma a service uleh a seniority uh kepbitsah ahi ding uhi.
12.SAWM-A-KHAT PIEHNA:  Deputation a peite pen MELC taisan hilou ahi man un MELC phungvuohna ding in MELC ah sawm-a-khat ape ding uhi. Hinanleh ava sepna a kiziltilna dan a etton ding a asepna a pieh akul leh a sawm-a-khat pen MELC a lut ding a phut teitei ahisih ding hi.
13.SHINA: Deputation a semtu in tuabang a asep lai in shina tuoh taleh, a senate leh MELC hattuam pawlpi kithuzah kawm in a poimaw bangbang sep ahi ding hi.
14.DISCIPLINE: Deputation a semtu in tuabanga a sep lai in a sepna te’n lungtunhuoi a sahlou uleh ahing nua sawl kia ding ua, termination a bawl theisih ding hi. A service MELC a ahi zieh in a thu ngaituah vengveng in a kul bang bang in Executive Committee MELC in thupuahna a bawl ding hi.
15.Deputation a peite’n ava sepna ding para church hi in, church organization hitaleh thugin a Evangelical ahi ding hi.
16.MELC Service Rules bang a pension hun (40 years service or 65 years personal age) beima a deputation a sem mi ahing kia leh MELC Service rules nuoi a assignment pieh a halaw yearly increment toh pieh ahi ding a, ava sepna te’n a piehlou uleh.
17.Deputation a sem koipou in MELC Service rules a retire hun bei nua a deputation a asepna a asep nuom leh a sep nuom tantan ava sem dinga, hinanleh ahing kia hun chiengin MELC service rules a banga pension sum hisap a pieh ding ahi, avasep nate’n pieh anei sih uleh.
18.Deputation a sem koipou furlough (suti) a ahing pei leh a sepna pawl in ha law a pieh naleh halaw thu ah MELC buaipi a kul sih ding. Tuabanga suti sunga MELC in sep ding aguat leh travelling expenses leh hospitality MELC mawpuah ahi ding hi.
19.Deputation sem lellel koipou MELC in kul leh poimaw a achiel leh travelling expnenses leh hospitality MELC mawpuoh ahi ding.
20.Deputation a semmi in hattuom phuh (church planting) asawm a ahileh MELC ahi ding ahi. Tuabang ahitheilou lezong Lutheran min puah ahi ding hi. Tualeh tamgel ahithei vot sihleh Lutheran theipina nuai a bawl ahi ding hi.
21.Tami Rule zui theilou mi pen deputation a pei theilou ahi phot dinga, MELC Service apat a akitawp(resign) ding ahi.
Khil - 61 : Re-employment Rule
Pension Rule dungzui a Pawlpi nasem Pension sate semtah leh deihuoi ahi nahlai uleh tam anuoi a bang in a kisemsah kia thei diing hi.
1.Pension zou a semtah leh deihuoi ahi nahlai leh Annual Session/Khawmpi in Appointment tha (New Appointment) in a bawlzel thei diing hi.
2.Pension sa, semkia diing a Appointment kibawlthate’n, Appointment a muthakiana uh law leh a Pension uh gawmkhawm khu a Pension kuon ua a law uh sang in a tamzaw theisih diing hi.
3.Tambang a semsate kumkhat sang a tamzaw/sauzaw sepsah diing ahi uleh Yearly Increment a sep sungteng uh a muthei sih diing uhi.
4.Khatvei thu in kumthum sang a sauzaw sem diing in Appointment piehthei ahisih diing hi. Kumthumzou chieng a zong semthei diing a deihuoi ahi nahlai leh kumthum dang ma a semkia thei diing a, tambang a ngaituo touzel ahi diing hi.
5.Pension zou chieng in tambang a semte pen Office a sem diing in (Elective Post) candidate ahithei sih ding hi.
Khil - 62 : Appeals and Petition
1.Pawlpi mi koi inzong hattuom sung a na awng khat poupou a umleh ngetna a bawlthei diing hi.
2.Transfer leh Posting thu ah nasem mi in a hahsatna thute a ma tung a vaihawmte kungah a tun thei diing hi. Hinanleh a thupen a kingaituo nua a Thupuasahna um bang bang in thumangtah in a zui diing hi.
3.Thununna thu ah, nasem mi in Executive ah Appeals a bawlthei diing hi. Ahivang in Executive Committee thutanna khu thutawp ahi diing hi.
4.MELC sunga nasem koi inzong hattuom sung ahiei, hattuom pulam ahiei a nasep dang a lunggul leh Executive Committee ah phalna a ngen diing hi. Tuabang ahilou a, a guh-a gal a bawl akithei leh gentam ngailou a, a nasepna apat tawpsah thei ahi diing hi.
BUNG - XIV
NASEMTE PENSION LEH GALNA
Khil - 63 : Pension Rule
Manipur Evangelical Lutheran Church sung a hasum sanga nasemte (Full-time leh permanent Worker) a diing in anuoi a bangin Pension pieh ahi diing hi. Hinanleh, thukin ahileh a hun dungzui in Ministerial tungtawn in Executive in a ngaituo thei diing hi. Pension pen tam anuoi a bangin Pensioner damsung pieh ahi diing hi. Tualeh tam anuai a Pension Rule kitahlang teng khu Bung XIII Khil - 57 No. 1 (a&b) dungjui a bawl ahi ding hi.
1.Pension piching : 
a.Nasem mi, Ministerial line a sem (i.e. Pastor leh Evangelistte) upat lam a kum 65 a chin chiengin Pension pieh ahi diing hi. Ahivang in a kal lah a khawlna (break) a nei leh neilou etchet ahi diing hi. (Tami Break khu a sep sunga leave with pay a ana kikoi kha nate genna ahi.) Hinanleh Kum 65 chingsih nanleh pension rule dungjui in ahun leh amun jil a pieh thei ahi ding hi. Tualeh tamna Kum 65 a pension pieh dingte pen amauh mimal chiet apienni dihtah (Certificate a bawl uh dingjui a tuate pieh ahi bep ding uhi.)
b.Non Ministerial a semte tahsa upat lam Kum 65 apha chiengin pension pieh ahi ding hi.
2.Hattuom Pawlpi in Pension sum pieh dan tam anuai abang ahi ding hi
a.Kum 65 ching a nasepna (Service) a Kum 35 - 40 tan ten pension hun a aha sum saan Basic Payapat 50% + DA pieh ahi ding hi.
b.Kum 65 ching a nasepna lam a Kum 30-35 tan a Pension te pension hun a ahasum saan Basic Pay apat 40%+DA pieh ahi ding.
c.Kum 65 ching a nasepna lam a Kum 20 - 30 tan a pension ten pension hun a ahasum saan Basic pay apat 30%+DA pieh ahi ding.
d.Kum 65 chingta a nasepna lam a Kum 5-10 tan a pension ten pension hun a ahasum san Basic Pay apat 25%+DA pieh ahi ding hi.
e.Kum 65 chingta a nasepna lam a kum 10 ching loute pen pension pieh ahisih ding hi. (Tam pen Pawl danga pat a hing lut semtute genna ahi)
Khil - 64 : “Pension Kumutation” :
Tami Pension Kumutation khu a Pension Basic kimkhat Kum 10 tan a tuot in ala thei ding uhi. Tualeh tampen Pension Basic akipat 50% toh hateng in adit ding a Kum 10 sungin apung umlou a adit zou ding ahi.
Hinanleh tami Kum 10 achin masanga shina atuohtah leh tami Kumutation pen abei ding hi. Tam Pension Kumutation khu Full Pensionte maimai pieh ahi ding hi.
Khil - 65 : Semtu deitelna a pension :
Semtu khat in kum 20 sung asep nua a gelthaw a Pension diing ngetna a bawl leh ama deitelna in a Pension thei diing hi (Voluntary/Premature).
Note : Tami deitelna (Voluntary) pension khu Revised Pension Rule 1998 na banga tam anuai abang a bawl ahi - Tam Deiteelna pension pieh dingte khu chini a khen ahi :-
a).Semtu koizong Kipuihuaina leh Danbu Bung XIII; Khil - 57 na dungjui a Hattuam/Pawlpi in Pension thei dinga ahuom khahte Kum 15 tunglam semsa, voluntary pension ding ut aumleh, a Basic Pay uapat 30% leh DA aseplai a bangin amu ding hi. Tualeh Investment Fund akoisa teng toh adaan bangin amu ding hi.
b).Semtu koizong Pawlpi khuolna leh deisahna zieha, a sepna apat tawp/khawl a ut leh, tambanga Pawlpi in hamphatna pieh ahi ding hi.
i)Kum 15-20 tan semsate khu Ha-sagi Law (tu leh tu a basic leh DA) pieh ahi ding.
ii)Kum 21-25 tan semsate khu Ha-sawm Law (tu leh tu a basic leh DA) pieh ahi ding.
iii)Kum 26-30 tan semsate khu Ha-Sawm-le-hathum Law (tu leh tu a basic leh DA pieh ahi ding hi.
Note :- No. b (i), (ii) leh (iii) nate a kigen, sepna apat akhawlte khun Hachin pension sum saan anei sih ding uhi. Tualeh Investment Fund akholkhieh teng uh daan bang in ala/mu ding uhi.

Khil - 66 : Medical Pension
Semtu koizong Medically unfit a Doctor in lai apiehte or recommend abawlte leh, akisaipi Committee/ Board inzong ahina achipite in tam anuai a bangin Pension pieh ahi ding hi. Tuaban ah tambang a Medical pension ngen ahing um chieng in Medical Doctor khat telna in Board member mi 5 tan Office Bearer dingin aguong jel ding hi. (i.e Doctor - 1, Office te apat - 1, Upa - 1 leh Laymen - 2)
a).Kum 20 apat atung lam sem sate in a Basic Pay ua pat in 40% leh DA aseplai ua bangin hachin pension sum asaang ding uhi.
b).Kum 11-19 tan semsate in a Basic Pay ua pat in 30% leh DA aseplai ua bangin hachin in pension sum a saang ding uhi.
c).Kum 6 - 10 tan semsate in a Basic Pay ua pat in 20% leh DA aseplai a bangin hachin in pension sum a saang ding hi.
d).Kum 1 - 5 tan semsate in Basic Pay apat in 15% leh DA aseplai a bangin pension sum a saang ding hi.
Khil - 67 : Compulsory Pension :
Nasem mi koizong Kipuihuaina leh Danbu Bung XIII Khil-57 dungjui a hattuom in pension thei dinga ahuom khahte kum 20 a sepna sunga, a nasep dan leh a nasepnate lungtun huoilouna a umleh Pension hun chingsih nanleh a tung a thuneite’n Pension diing a a recommend uleh Pension pieh teitei diing ahi.
Tambang a pension sah a umte khu anuai a banga bawl ding ahi –
a).Kum 20 tan leh atunglam semsate’n Basic Pay apatin 20% leh DA aseplai a bangin pension sum a saang ding hi.
b).Kum 20 chinglou leh anuai lamte ahileh Khil-65, b (i-iii) a banga hamphatna umte banga pieh ding, tualeh hachin pension sum saan neilou ding ahi.
Khil - 68 : Family Pension
MELC sunga semtute Family Pension ding dan tam anuai a banga bawl ahi :-
a).Semtu koizong Kipuihuaina leh Danbu Bung XIV; Khil - 63 na dungjui a Hattuam/Pawlpi in Pension thei dinga ahuom khahte Kum 10 tunglam semsa a shina tuah aumleh, Family Pension a Document a NOK/Nominee in amu ding hi. Pastor ahileh Rs. 2,500/- + DA hachin in amu ding hi. Tualeh Pastor ahilouleh Rs. 2, 000/- + DA hachin in amu ding hi.
b).Semtu koizong Kipuihuaina leh Danbu Bung XIV; Khil - 63 na dungjui a Hattuam/Pawlpi in Pension thei dinga ahuom khahte Kum 10 nuailam semsa a, shina tuah aumleh, Family Pension a Document a NOK/Nominee amu ding hi. Tambang in –
i)Pastor zi ahileh Rs. 1,500/- + DA hachin in amu ding hi.
ii)Pastor zi ahilouleh Rs. 1,000/- + DA hachin in amu ding hi.
c).Semtu koizong Kipuihuaina leh Danbu Bung XIV; Khil - 63 na dungjui a Hattuam/Pawlpi in Pension thei dinga ahuom khahte Pension nua a shite khu a innkuonpite kungah Rs. 1,000/-+DA pieh ahi ding hi. Tami khu Document a NOK/ Nominee - aji/anu/;apa leh a ta upapen kum 20 achin masangsie’n amu ding hi.
d).Family Pension sum sang koi inzong Pasal tha a nei leh a nei ni apat Family pension a lah pen tawpsah ahi pai diing hi. Tualeh, MELC member hina nuasia a pawl dang a, a lut leh alut ni apat Family Pension a lah pen tawpsah ahi pai diing hi.
e).Nasem mi koizong Fixed Pay law a Pension a umleh, Pension sum pen a Fixed Pay apat tuot ahisih diing a, a kibahpi Pay Scale apat tuot ahizaw diing hi.
Khil - 69 : Pension-te dinmun
a).Pension sate’n kumpi nuoi ahiei ahisihleh Para-Church organisation ahisihleh mun dang a sum sanna a nei a sieng hi. Hinanleh, hattuom danga sum sanna ahilouleh member hina a nei khah leh, tuabang a a umni apat a Pension sum san tawpsah ahi pai diing hi. Pension sate Committee khat poupou ah member ahithei diing ua, hattuom sung kiteelna ah zong Vote a neithei diing uhi. Hattuom dan kal ahilou pouleh Hagau lam nasepna zong a bawlthei ding uhi.
b).Pension sate kizahthei kia na : Kipuihuaina leh Dan Bu dungjui a, full pension kipesate anasepna ua pat pension kipeta nan uleh tam anuai a bangin amauh hithei/septhei tan chienga Amau deidelna toh zahthei ahi ding uhi.
i)Office a sem Bishop leh Director te din mun/pan mun chilou adangte a candidate thei/zahthei ahi ding uhi.
ii)D/S leh Bial Pastor hilou in akul leh apoimaw dungjui in Local Pastor, Division leh local sunga panmun tuomtuomte ah teelthei/zahthei ahi ding hi.
iii)Director of Ministries leh District Superintendent tungtawn in apoimaw leh kul dungjui in kikhutzahna tuomtuom ah azang thei/asawl thei ding uhi.
Khil - 70 : Pension sum bat hilou
Hattuom in sum tahsapna a nei leh Pension sumte a kiemsah thei a, zong a tawpsah thei diing hi. Tuabang a tawpsahna thu a um khah leh Pension sumte khu bat bang a phulthei ahi nawnsih diing hi.
Khil - 71 : Galna
Nasem mi koizong a nasep sung ahiei ahilouleh a Pension nua a shina a tuoh leh, galna in a Law/Pension sum khu hathum tan pieh ahi diing hi. Tami’n galna dangte galnate a sukha theisih diing hi.
BUNG = XV
Khil - 72 : Leave of Absence leh Holiday(s)
1.Leave ngatheite : MELC sung a nasem mi hasum sangte’n Casual Leave leh Sick Leave chilou ngal a sepchil kum in a lathei sih diing hi. Kum khat a sepzaw chieng in Leave dang dangte a ngathei bep diing hi.
2.Casual Leave : Nasem mi in adieh in Office leh Institution ten Casual Leave kumkhat in ni 12 a nei diing a, khatvei thu in ni 5 3 sang a tamzaw a lathei sih diing hi. Casual Leave pen nget leh zah thuothei pai ahi diing hi.
3.Earned Leave : Nasem mi in kumkhat sung in Earned Leave ni 30 sung, Kiginni leh Pasianni sim in a neithei diing hi. Hinanleh, Earned Leave ala sung Full Pay pieh ahi diing hi. Earned Leave pen a kulna bang a piethei ahi giap diing a, lahlou-theilou a ngai ahisih ding hi. Vacation nei School a semte’n Earned Leave a neithei sih diing a; hinanleh kumkhat in Half-pay in ni 30 tan chieng Leave a neithei diing uhi. Earned Leave khu kholthei ahisih diing hi. Earned leave la ding te’n ni 10 masang in akisaipi Director/Bishop/Moderator kung ah gielthaw in ngetna a bawl ding hi.
4.Leave Without Pay : Semtu khat in pumpel theilou buoina ahilouleh damlou na anei leh tam a nuoi a bang in leave with/without pay ala thei ding hi.
a.Nasem mi khat in kumkhat sung in hasum bei in leave ha thum sung a ngathei ding hi. Hinanleh a zieh kilawm ahisih leh pieh teitei ahisih ding hi.
b.Semtu khat in ha 3 (three months) val leave a lah ding leh Core Committee/Executive Committee ah a zieh dihtah giel in, Bishop tungtawn in ngetna a bawl ding hi.
5.Study leave : MELC in a sawl hilou, siemna sangzaw leh Training kuon diing mi a umleh Committee phalna toh Bawng XV Khil 72 (Sl/No.8 (a)-(e) na bangin sawlthei ahi ding.
6.Maternity Leave : MELC sung a numei nasem koi zong nau nei diing chieng in Maternity Leave hathum a ngathei diing a, tua hun beitan a a dam naisih leh Sick Leave a ngenthei diing hi.
7.Sick Leave : Natna jieh a Leave ngen a um a, Doctor lai a umleh ha 6 tan leave piehthei ahi diing a, ha 6 bei chieng a asepngap naisih leh a ngetna dungzui in piehbe thei ahi diing hi.
8.Study Leave (Laisiengthou zil sutzom theina) :
a).Semtu koitobang Laisiengthou zilbe nalam a lunglutna nei tinten ten Pawlpi a akingetna dungjui ua Pawlpi in pha asahpi leh sawlthei ahi ding hi. Tuate khatvei kisawl sung a Law (pay) toh akuon thei dinga, maban zil be nuam nalaite pen leave without pay a sawl ahita ding uhi.
b).Pawlpi in semtute lah a poimaw leh kuul asah dungjui a Laisiengthou zil be dinga asawlte amauh deitelna toh sawlthei ahi ding. Tamte zong khatvei a law (pay) toh sawl ahi dinga maban zilbe aut leh leave without pay a sawl ahita ding uhi.
c).Tam atung a (a) & (b) a leave without pay a Laisiengthou zil nuamte khu Pawlpi in pha asah leh stipend dan in panpina akilawm hun tawh abawlsah thei ding hi. 
d).Ministerial line hilou, semtu dangte zong amauh nasep toh kituoh a maban a zilbe ding poimaw sahna nei tintente leh Pawlpi in poimaw sahna nei a zilbe ding a asawlten zong tam atung a (a) (b) & (c) na dungjui in sawlthei ahi ding uhi.
e).Tambang a sawl a umte khu bond signed khat bawlsah a sawl thei pan ahi ding uhi.
Khil - 73 : Leave Pieh ding dan
1.Nasem mi khat in Leave a dei chieng in ama tung a Controlling Officer kung ah gelthaw in a ngen diing hi.
2.Nasem mi in Leave a nget chieng in phalsah ahi chi a thei masang in a nasepna taisan a, a nuasialou diing ahi. Casual Leave late’n zong a kinaipipen Controling Officer kung a theisahna a pieh diing ahi.
3.Leave photphot piehlou - theilou leh mulou-theilou ahisih a, a kul leh poimaw dungzui a pieh diing chithu ahi giap hi. A pe diing Officer in kul a sah leh sahlou thu a kinga ahi.
Khil - 74 : Holiday (s)
1.Bishop in kumbul a kipat Office, School leh hattuomte zahthei diing in Holiday List/Year Planner hoitah in a bawl diing a, Last Executive Committee ah approve bawl diing in a luikhe diing hi.
2.MELC sung ah Office hi in School te hitaleh, Kiginni leh Pasianni, tualeh Holiday List a umteng khu Holiday in a mang diing uhi.
BUNG - XVI
THUNUNNA
Khil - 75 : Thununna in a tup
1.Pasian hattuomte hagau leh tahsa lam a kibawl hoina diing, hatna diing, dem a umlouna diing leh Pasian hattuom sienthouna diing (Nas. 5:1-11; Rom 12:17; I Kor. 5:5; 14:3-25)
2.Hattuom thunnunna pen Laisiengthou sinsahna dungzui a kibawl- itna jieh, hoina diing leh kideisahna zieh a bawl ahi (Deut. 8:5; Pro. 19:18; Heb. 12;6; Kihil. 3:19). Tualeh, thununna pieh diing mite zong Laisiengthou thu toh kituohlou a gamtate ahi hi.
3.Hattuom kithununna chini a pha hi - Kivaihawmna lam leh Thusie-lasie; tualeh, Laisiengthou toh kituohlou a gamtatnate ahi hi. (I John 4-11)
Khil - 76 : Thunun thei khelnate
I.Aangkawmna
1.Zi-le-ta neisa hi in hisihleh midang toh a lupkhawm uleh Aangkawmna khelna a pua ahita hi.
2.Tam aangkawmna khelna a puate hattuom member piching ahileh a tawmpen in haguh sung thunnunna nuoi a koi ahi ding hi. A kisiakia leh haguh zou chiengin lahlut dan diing ngaituo ahi diing hi. 
3.Hattuom sunga Daan zoukim hinanleh member piching hinailou (Junior Communicant) ahileh Kum 15 apha chiengin member piching a lahlut thei ahi dinga, Baptisma tangsa ahi nah leh Mangpa Annsieng a iimthei ding hi. Hinanleh Kum 18 ching nailou a kiteng um thei ahi man in, khumbang mite pen alang alang a nu leh pate phasahna banga kitenna piehthei ahi ding hi.
4.Hattuom member hina nei hinanleh Daan zoukim nailou (Primary Member) in tambang aang kawmna khelna a, apua khah leh, a tunga banga thununna pieh ahi diing hi. Hinanleh, Mangpa Jesu, Mang leh hundampa a pom a, a pientha leh Baptistma tansah ahi diing a Mangpa Nitah Ann ne in a dawnthei diing a; tualeh, lahlut diing dan ngaituo ahi diing hi. Hinanleh a tunga 2, 3 leh 4 na sunga thununna pieh a umte Daan sunga lahlut ahi masang teng Mangpa Nitah Ann ne in a dawnthei sih diing uhi.
II.Kikhul leh Kikhen
Hattuom Daan a kiteenna neisate aangkawmna khelna jieh loungal bangma in a khenlou diing ahi.
1.Shina in nupa a khen a, a dam nalai pen in zi/pasal dang a nei ut leh a nget hunhun in phalsah ahi diing hi. Hinanleh, zi/pasal dang a nei teitei diing china ahisih hi.
2.Nupa kal a aangkawm jieh a kikhenna a umleh, a khiellou zawpen midang nei phalsah ahi diing hi. 
3.Aangkawmtuoh - nupa kal ah kingaidamna umta nanleh, a khielpen leh a khelpi pen haguh sung thununna nuoi a koi ahi thouthou diing hi. Tuazou chieng a, akisia uleh a kingetna dungjui un local in Daan sunga lahlut dan diing ngaituo ahi diing hi.
4.Hattuom Daan Siengthou a kiteenna nei nupa, shina ahilouleh angkawmna jieh hilou a kikhenna a umleh, zi/pasal koppi nei masa penpen a mawzaw a pom ahi diing hi. Tuaban ah a nei nailou penpen in Dan Siengthou a zi/pasal nei theikiana a nei diing hi. Tuaban ah khul a um pen thunun ahisih dinga, a khul pen thununna pieh ahi ding hi.
5.MELC sunga mi - Pastor leh Upa Ordination tang sate, nupakal a kikhenna leh kikhulna, shina leh angkawmna jieh hilou a nei aum leh, a tungthu fel masang sie in khut zahlou phot ahi ding hi. Tualeh, a tung thu afel chiengin ahina case dungjui in Action la ahi ding hi.
III.Hattuom sung a neh-le-dawn toh kisai thununna
Mi koi zong, hattuom sungah neh-le-dawn thu ahiei, gamtatna sienglou tuomtuom zieh a hattuom mit tunlouna leh gitlounate a tawpsan theina diing in hattuom lamkaite’n a guh in thumvei tan ahil diing ua, tuatan a zong a tawpsan tuomlou leh a kisiemtha theina diing in Local Church Committee in ngaituo in Thununna(Under discipline) ape thei ding uhi.
IV.Numei leh Pasal kal a khelnate leh thununnate
1.Kingaina : Nungah leh Tangval kiteenna um masalou a alupkhawm a sieng sih hi. Tuabang a lupkhawmna khelna pen Kingaina khelna ahi.
2.Kingaina khelna a puate a kiteen ngeingei diing uh ahi. (Deut. 22:28,29). Kiteeng nanle-uh, a kiteen masang ua Kingaina khelna a pua ahitah jiehun hattuom dan a thunnun a dan pulam a ha thum koi ahi diing hi. Tuazou chieng in, akisia ua, kingetna apieh uleh akingetna dungjui un Pindan a kitenna pieh ahi diing a, dan sunga lahlut zong ahingal diing uhi.
3.Kingaina khelna a puate a ni ua kiteen utlou tuoh ahi uleh, a ni un hattuom dan a kumkhat sang a tawmzawlou dan pulam a koikhiet a thununna pieh diing ahi. Tuazou chieng a, a kisia uleh dan sunga lahlut diing ngaituo diing ahi. (A ni ua thakhat thu a ngaituo diing china ahisih hi).
4.Kingaina khelna a puate lah ah khat in kiten diing ut henlen, khat khu utsihtaleh, a utlouzaw pen kumkhat dan pulam a koi a thunun ahi diing a, a utzaw pen khu a tawmpen in haguh dan pulam a koi a thununna pieh diing ahi. Tuazou chieng in, a kisia dan dungzui un lahlut dan diing ngaituo ahi diing hi.
5.a) Dan zoukimsa, hattuom dan siengthou a kiteen diing dalna leh daltu umlounapi a, dan siengthou a kiteen diing ngaisahlou a kiguhteente zong dan pulam a koi in thununna Ha 3 sung atawm pen a pieh ahi diing hi. Tuazou chiengin akisia ua sung leh pu kal a bangkim suhfel nua a akingetna dungjui un dan siengthou (Pindan) in a kiteeng thei diing ua, lahlut ahingal diing uhi.
b) Tam kithununna pieh a umpen akitai/akiten uh kithei apat hun lemtang masa pen ah local Chairman/ Upa Ordain khat in thununna pieh ahi thu aphuong ding hi.
c) Tam atung a bang a Numei leh pasal kiguh a, kizawltai a um khah leh, a numei umna hattuom te’n nawsuo/thununna ape ding a, a tunna hattuom ah theisahna abawl ding uhi. Tualeh a tunna hattuom in lah lutna anei ua, hattuom dan a akitensahjou chieng un, a numei kipatna hattuom ah theisahna a bawl ding uhi.
6.Dan Siengthou a hoitah a kiteengsa, a kiteen nua uh haguh sunga nau anei uleh, atungtang thu local in suizui ahi dinga, a thu mu dungjui un atung thu uh khen ahi ding hi. Tualeh semtu khat ahileh asepna apat tawpsah / kholsah ahi ding hi.
7.MELC Hattuom sungmi pasal khat in thugin kibahpilou (sakhuo dang) numei khat akitenpi leh, kingaina khelna a pua ahi. Tuaziehin ha 6 (gu) sung dan pulam a koi ding ahi. Tuazou chieng a, ahing kisia ua, ang kinget uleh, gingloumi Or sahkho dang mipen in MELC Thugin a pom leh LCC phalsahna bangin Baptisma tansah ahi ding a, tuachiin Pindan ah akitengsah ding a, tuachi’n Dan sunga lahlut ahi ding uhi. Tualeh Pastor in hattuom tetoh kihoutuo in anitah chiengin Mangpa Annsieng (Sacrament) ahawm ngal ding hi.
8.a) MELC sunga mi numei khat in Ginglou mi (non christian) pasal khat nei nuom taleh, I Kor.7:12-16 na dungjui in akikhaam thei sih ding hi. Hinanleh Mou hahna Vaiguon pen LCC te’n a sai theisih ding ua, Pastorte’n zong khut zahna anei thei sih ding hi.
b) - Tat dan thanghuoi - numei leh numei kingai, pasal leh pasal kingai ahiei ganta pou toh kipawl, tam-bang khelna a puate khu zi neisa hi in hisihleh kumkhat sung dan pulam a koi ahi diing MELC mi-le-sa (member) a pom ahisih ding hi. Tambang a khiel mite khu kumkhat masang in a kingen theisih diing uhi. Kum khat zou a akhelna A khelna kisia a atawpsan dungjui ua akinget uleh LCC phasah na bangin lahlut thei ahi pan ding uhi.
9.Mi pawngsuol leh luppi mawngmawng a tung a No. 8 (b) na bangin thununna pieh ahi diing hi.
V.Nasem mi thununna
Manipur Evangelical Lutheran Church nuoi a nasem mite tam anuoi a bangin thununna piehthei ahidiing hi.
1.Semtute thunun theinate:
a).MELC kivaihawmna kal a gamtate
b).Nasep diing kipie bang a semloute (Jeremiah 48:10)
c).Khristian gamtatna ngaina toh kituohlo )u leh kilawmlou a umte (Phil. 1:27)
d).MELC Thuginpi kal leh demte (I John. 9-10)
e).Criminal Case a mawpaih a umte  
f).Politics/Active Politics a kidiete leh hina khat poupou a panna neite
g).Tam atung a banga gamtate taihilna/vauhilna vanei ding ahi. Tambang a taihilna leh vauhilna ngaisahlou tekhu anuai a banga Thununna pieh ahi ding hi.
2.Thununna diingte :
a).Law/Ha sum hen sah
b).Nasep khawlsah (Suspension)
c).Hasum khansahlou ding
d).Kaisangna (Promotion) khahsah
e).Nasepna apat tawpsah.
f).MELC apat nawkhiet
VI.Thubuoi Ngaituona
1.Thubuoi pouma gelthaw a hehna aum masah ding ahi. Tualeh tambang hehna aum chiengin theipitu mi ni teitei aum ding ahi. 
2.Thunun theina thusie khu nasem mi Head of Department ah thu tut masahpen ahi diing hi. Tualeh, a Biel Divisional Superintendent inzong a theipi masah diing ahi (Office a nasemte ahisihleh)
3.Thusie pouma suichetna um masalou in thununna piehthei ahisih diing hi.
4.Nasemte tung a thusie pouma ngaituo ahi diing cheing in ama kihut theina (Defence) diing hun lemtang pieh masahlou in thununna piehthei ahisih diing hi.
5.Thununna thu toh kisai thute a kigen sung in/chieng in Pension thu genthei ahisih diing hi. Nasepna apat tawpsah leh Pawlpi apat nawkhiette Pension piehthei ahisih diing hi.
6.Nasem mi khat thununna pen a Case let leh neu dungzui in Local District, akisaipi Committee in apuohlut dungjui un Executive Committee leh Annual Session Khawmpi in thukhenna abawl ding hi.
VII.Thununthei khelna dangte :
1.Laisiengthou sinsahna leh hattuom in a gelthaw ahiei, ahilouleh a thu a zuithaw diing a dan a neite kal a hattuom sunga gindan tuom thugin leh kithuhilna khelna (II Kor.11:4; Gal 1:6-8; i Tim. 1:9; Tita 3:10; ii Pet.2:1-3, 14-22)
2.Sum thu a khelna, lepguhna, kumpi vankhaamte a summet bawl, sum kitha, laithai kaap, sum kitha a kilieukhaam, zuoutatna leh muonhuoiloun zousie leh huoihamnate (Rom 13:10; I Tim. 6:10: II Tim. 3:2; Eph. 4:28; I Kor 5:11; Kol. 3:5)
3.Ang kawmna/Numei Pasal kal a thangtatna : Hina kibang kingai leh kitenna te.
4.Tuolthana : Mihing tung a khut hahna (Mt. 19:18; Rom 1:29)
5.Zu khambuai, damdawi leh khamthei dangdang dawn leh neh zongsang leh chiingte leh tuabang khamthei zuohte (Pro.20:1; Lk.21:34; Rom 13:13; Gal. 5:21; Eph. 5:18)
6.Guhtatna zousie (Rom 2:21-23)
7. a) Pasian ngaisahlou a, dawi-le-kau silbawltheina kilah hun chienga Jesu Khrist min lawna toh sai leh ngaituolou a, nidanglai/Khangluilai a pu-le-pate bawldan leh gindan zui a sai leh bawlnate khu Pasian ngaisahlouna khelna ahia; tualeh, shi-le-man hun leh van leh gantate a man chieng a aisaan siemte doh leh dawithu a bumna nasep zousie zong Pasian ngaisahlouna khelna ahi. (Lev. 19:26-41; Isai 8:19,20)
b) Thusie-lasie deina, leiba ngaisahlouna, innsah-innhang heh hatna, zuau genn hatna, theipitu dihlou a panna, thuchiem a zuautatna, midang toh kihau leh aw-sie lawna, Pasian leh mihing gensietna, zummaw thu-le-la chinna, nu-le-pa leh tunga mite zatatlouna, khosung leh gamsung dan toh kituohlou a gamtatna zousie zong Pasian ngaisahlouna khelna ahi. (Rom 13:13; 2 Tim 3:1-7; Kol 3:8,9; II Pet. 2:1-7; Jude 1:8)
c) Semtu leh Upate koitobang Sumpi pelou leh ahi ding banga peloute zong Pasian ngaisahlouna leh gutatna khelna chikhat ahia, apoimaw leh kul banga thu nunthei khelna ahi.
Khil - 77 : Thununna pieh ding dan
Hattuom kithununna pen itna, hoina diing kideisahna, hattuom siengthoutah a kepna diing leh a khiel mi hundam ahitheina diing bawl leh sep ahia, a poimaw dan dungzui a akisiakia masang hattuom sunga tanvoute uh lahsahna - taihil, phawh leh gawt a, a kisiakia chieng ua lungkimtah leh thanuomtah a kipahpi a, pomkia zel a tup ahi dungzui in khat-le-khat kal a kisietna thute ah zong bangteng hileh kilemna leh kingaidamtuona a deipen ahia, khelna phuba lah a gawtna hilou in bawlhoina a tup ahizaw hi.
1.Taihilna : Hattuom Upa leh Local Memberte hi in, mipite hitaleh Hattuom lamkai vaihawmtuten mipi thei masangin a guh in kamdam tah in a khelnate a maitang a gen in a langsah diing ua; tualeh, a dinmun zauhuoi dan zong theisah in khelna kisia a Pasian lam nga a kihei kia diing in nguntah in a hil diing uhi.
2.Phawhthop : Tam phawhthopna pen taihilna sanga nazaw leh khauzaw ahia, taihilna banga, a khiel mi khelna leh dinmun zauhuoi dan theisah a, kisia leh kibawlpha a Mangpa lam a hing kiheikia diing a hilna ahia, taihilna khawhsalou leh kisia utna neiloute deisahna leh itna toh phawhthopna ahi.
3.Tam atung a Taihilna leh phawthopna tan a zong akisia lou ua akisiem phat ut sih leh semtu hi’n Hattuam Upate hitaleh akisia a akisiemphat masang sia uh khut zahlou phot a koi ahi ding uhi. Tualeh LCC member ahileh apan mun apat tawpsah/tuhsah nawnlou thei ahi ding uhi.
4.Dan pulam a koina : Tam Dan pulam a koipen in taihilna leh phawhthopna sang a nazaw leh khauzaw a thununna ahia, tambang thununna pen hun bangtan ahiei sung lut diing a ngiim ahi. A kisiakia sihleh a khielmi pen khawzaw sem a thunun nahlai diing ahi. (Tam thununna in hattuom Upate leh LCC tezong ahuam hi).
5.Thununna pen ama (a khielpa/nu) dinmun toh kituoh a pieh diing ahi. Hinanleh, khelna zousie a tung a banga bawl diing china ahi tuomsih hi. Taihil leh phawh ngailou a dan pulam a koitheipai zong aum hi. Tuaban ah, dan zoukim leh zoukimlou dinmun leh thununna a kibang sih diing hi. Dan zoukim a thununna nuoi a umte khu Mangpa Nitah Ann immsahlou, Pulpit nasepna, hattuom dan siengthou a kiteenna phallou leh hattuom phalna lai piehlou leh hattuom sunga panna himhim piehlou chite ahi.
6.Nawkhiet : Tam nawkhietna ahileh gindan dihlou leh kisinsahna/kithuhilna dihlou a pei mite tunga taihilna leh phawhna nuoi a thunun zouloute’n ginna dihlou a mi tampi a puimang masang ua, Pasian hattuom siengthou leh Mangpa belamte bitna diing a nasep ahi hi. Tambang a nawkhiette khu hattuom mi ahi nawnsih diing a, hattuom inzong ama tung ah mawpuohna anei nawnsih diing hi.
7.Mi koizong a sil bawlkhelna apat a kisia a, a taihiltute kunga ngaidam ngen mite khu thununna nuoi a koi teitei diing ahisih hi. Tualeh, ngaidam ngen sih lezong a khelnate a tawpsan phot leh thununna pieh teitei diing ahisih hi. 
8.Khelna pouma a khielmi leh a khelnate toh kituoh thununna pieh diing ahi. A tangpi in Taihilna leh Phawhna diingte khu Khil -75/Sl.No. 1-2 na sunga kigen khelnate ahideu a, tambang a khielte a kisia sihleh a khauzaw a thununna piehthei ahi diing hi. Bung XVI, Khil - 76, Sl/No. 1-5 te pen thununna dan a gah ahi diing hi. A kisia sih leh hattuom apat nawkhiet thei zong ahi diing hi.
1.Namdetsate thununna pieh ding dan
1.Manipur Evangelical Lutheran Church sunga nasepna diing a namdet ahijieh in, Hattuom Upa khat ahiei, Pastor khat ahiei hattuom a kipat a kinawkhiet leh namdet ahina lahkia ahi diing hi. Annual Session/ Khawmpi in namdetna toh kisai thuneina anei jieh in, tambang thununna pen Annual Session/Khawmpi in a bawlthei giap diing hi. Tambang mite khu kum khat sung hattuom dan pawlam a koi ahi ding hi.
2.Namdetsa Upa ahiei, Pastor ahiei in Pasian hatna theikhiel a kigen a, sepnalou diing a asemkha leh kinamdet kha ahi kichita leh thununna dan a lah ahi diing a, tuabang mi tung a namdetna lahkia ahi diing hi. Hinanleh, nawkhiet ahisih leh namdet ahina khu lahkia ahisih diing a, a sepna pen khawlsah (suspend) ahi diing hi. Lahlut ahikia chieng inzong a nasepna piehkia pai hilou in kum khat sung etkhietna hun pieh ahi nalai diing hi.
3.Hattuom mi koizong thununna pieh ahi diing chieng in thunun a um diing mi pen Vaihawmte masang a ding in, thununna pieh ahi diing jiehte hilchien in, thumna zong a nei pieh diing uhi. Tualeh, hattuom mipi masang ah zong a puong diing uhi. Tuaban ah, hattuom mipi inzong theipina leh phasahpina in khut tunna anei ngei ngei ding uhi.
4.Hattuom in koizong thununna a pieh diing chieng in a kisiakiana diing leh kibawlphatna diing deisahna toh thununna a pe diing hi. Tuaban ah koizong thununna apat a ngaidamna mun a lahlut a um chieng in Pasian kung a kipahthu genna leh hantawh thu genna toh thuumna a lat diing ahi. Tualeh tambang a akibawl chiengin mipi in atheipina’n khut dopna anei ding hi.
2.Namdetloute/Thaunuloute Thununna
1.Koi hileh thaununa tang hilou a, hattuom sunga mawpuohna/pan mun/ hina khat poupou nei mite in Bung XVI Khil 75, 76, 77 na a kigente toh kisai a thunun thei dinga umte khu Hattuom/akisaipi Commtt. in ahina/mawpuohna/panna ua pat lahkhiet ahi ding uhi. * Akisia kia masangsie un.
2.Kingaina khelna a puate a kiteen ngeingei diing uh ahi. (Deut. 22:28,29). Kiteeng nanle-uh, a kiteen masang ua Kingaina khelna a pua ahitah jiehun hattuom dan a thunnun a dan pulam a ha thum koi ahi ding hi. Tuazou chieng in, akisia ua, kingetna apieh uleh akingetna dungjui un Pindan a kitenna pieh ahi diing a, dan sunga lahlut zong ahingal diing uhi.
BAWNG - XVII
KITENNA TOH KISAI
Khil - 78 : Khristian Kitenna
1.Hattuom Dan Siengthou a Kitenna :
a).Pasian in pasal ama tang a aum hoi a sa sih a, tuachin a umpi ding leh panpitu ding in numei asiem a, nupa a um dingin asep a, hah leh suan nei a, leitung luo ding leh silsiemte tunga thuneina toh apia hi. Kitenna ichi nupa hina loungal numei leh pasal kithua khawm (upkhawm) a siang sih hi. Numei leh pasal nupa hi nua in pumkhat (sakhat) hita in Pasian in angaita hi. (Gen. 2:18; 23,24; I Kor. 7:10; Matt 19:4b)
b).Khristian Kitenna ah tam anuai a teng poimaw masa hi –
i)A kiteng ding gel lemsahna 
ii)Akiteng ding gel nu leh pate tuoh lemsahna
iii)Hattuam (LCC) lemsahna.
c).i) Khristian kitenna ah sum-le-pai, man-le-mual, ken-le-tawi, khovel ngeina banga zulup sagawteh jiah a um leh det ahisih hi, tuate umlou jieh a kikhen leh kimah ding zong ahi tuansih hi. Akiteng ding nu-lepa ten tam athei uh poimaw mama hi. Bangkim a zawng ahau kal a kidai danna umlou a, kingamtah lehzouthawtah a bangkim sai khu Pasian ngai a zong hoi pen hi dinga gintat ahi.
ii) Khristian kitenna ah Kitenna Moupuon apoimaw pen ahi tuam sih hi.
iii) Khristian kitenna ah theipitu (witness) ding zong apoimaw pen ahisih hi.
d).Khristian kitenna khu damsung dai ding ahia, shina leh angkawmna loungal a jieh dang mawngmawng kikhen theina leh kimah theina aumsih chi thei chiet poimaw mama hi.
e).i) Kiteng dia bangkim lemsaten Hattuam (LCC) ah agen ding ua, a hun leh amun leh vaiguon ding zousie kikum khawm in Biehinn laidal tahna mun ah ni 10 tei tei anei ding uhi. (Nupa ana hisa te kitenna pen biehinn sung teitei chi ahi tuansih ding)
ii) Tam anuai abang a laitah ahi ding (Local Letter Head zang in) :
Manipur Evangelical Lutheran Church
Khua/Hattuam ________________________________
Nimit _______________________________________
Nimit ______________ ni Nai _____________ am/pm chiengin Tv _________________ S/o
_______________________ of ___________________ leh Nh. ________________________  d/o _____________________ of _________________ te’n Hattuam dan a kitenna nei ding ahi uhi. Tuajiehin
Hattuam Dan Siengthou a akiten ding uh lemlouna/chitlouna theiten tam anuai a suai kaite kungah ni 5 sung ngei in gelthaw in apethei ding uhi.
________________                     ___________________
Local Secretary             Seal         Local Chairman
f).Kitenna umma in Siempi (Pastor) in akiteng dingte houlimpina (Counselling) aneipi ngeingei ding ahi. Nupakal kopna, kivenna ding leh sil dang dang poimaw leh kulte athuhil masat ngeingei ding ahi.
g).Khristian kitenna ah Pastor/Siempi khu hun keemtu ahi ngal ding hi.
h).A loutheilou buaina khawhtah um hun ah LCC in hun kiguot khu asu gamla thei ahisih leh asukai thei ding hi.
i).Ahun (Ani) tun hun chiengin LCC ten lemlouna umlou a athei uleh Siempi mai ah phuong khie in lai ape ding uhi. Mundang/hattuam dang tuoh in lemlouna amah ? ahisih leh lemlouna umlouna lai apetuoh ding uhi.
j).Kitenna vaiguon pen akitengsah ding pa, LCC teleh innsung mite phasahna bangbang in abawl ding uhi. Tuaban ah Vaiguon pen a zangkhai theipen a bawl thei ahi ding, zingkal, suun ahisihleh nitah khat penpen a bawl thei ahi.
k).Tuachiin kiten hun/ni ang tun chieng in Siampi in Khuttawi bu/Hattuam lamkaite puitu laibu kibawl khu enton in kitenna aneisah ta ding hi.
l).Shina in Nupa a khen a, a dam nalai pen in Zi/Pasal dang nei a ut leh anget hun hun in phalsah ahi ding hi.
2.Kikhul leh Kikhente Kiten kia theina :
Hattuom Daan a kiteenna neisate aangkawmna khelna jieh loungal bangma in a khenlou diing ahi.
1.Shina in nupa a khen a, a dam nalai pen in zi/pasal dang a nei ut leh a nget hunhun in phalsah ahi diing hi. Hinanleh, zi/pasal dang a nei teitei diing china ahisih hi.
2.Nupa kal a aangkawm jieh a kikhenna a umleh, a khiellou zawpen midang nei phalsah ahi diing hi (Tuabang a anget nah leh).
3.Aangkawmtuoh - nupa kal ah kingaidamna umta nanleh, a khielpen leh a khelpi pen haguh sung Daan pulam a koi ahi thouthou diing hi. Tuazou chieng a, akisia uleh Daan sunga lahlut dan diing ngaituo ahi diing hi.
4.Hattuom Daan Siengthou a kiteenna nei nupa, shina ahilouleh angkawmna jieh hilou a kikhenna aumleh, zi/pasal koppi nei masa penpen a mawzaw a pom ahi diing hi. Tuaban ah a nei nailou penpen in Dan Siengthou a zi/pasal nei theikiana a nei diing hi. Tuaban ah khul a um pen thunun ahisih dinga, a khul pen thununna pieh ahi ding hi.
5.MELC sunga mi - Pastor leh Upa Ordination tangsate, nupakal a kikhenna leh kikhulna, shina leh angkawmna jieh hilou a nei a umleh, a tungthu fel masang sie in khut zahlou phot ahi ding hi.
3.Hattuom sunga zawltai te kiten kia theina dante
a).Koitobang numei kiten nua a kikhul/kikhenna jieh a hing phungkia aum tah leh a innsung miten Hattuomte kung a theisahna abawl ding uh ahi. Tuachin hattuom ten hattuom member hi dingin lahlutna anei ding uhi. Amabou lahlut hinanleh pasal nei kia thei na dingin atawmpen in Kum 1 ga ahi ding a, Kum 1 jou chiengin pasal anei kia thei pan ding hi.
b).Tualeh tambang numei phungkiate khu hattuom in ana nawsuo sa ahi dungjui in atha a nawsuo ahi nawnsih dinga amabou kisia a ngaidam ngen a ahing kinget chiengin dan sung a lahlut ahi ta ding hi. Dan sunga lahlut hinanleh pasal nei kia theina dingin a tawmpen in kum khat sung gah ahi ding a, hinanleh amawzaw ahileh kum ni sung gah ahi ding hi.
c).Tambang a kikhen mite gah ahinua a zi/pasal nei aumtah leh anei lou penpen khu asieng ahita ding hi. Tami in gahna te zousie zong aphel ahita ding hi.
d).Nupa koijong amau deina bang leh Innsung mite deina banga kikhen a (ki phakhen) Anu leh apa upna hattuom ahing bel kia leh, hattuom ah theisahna abawl ding ua, LCC te phasahna bangin, hattuom mite sa hi dinga lahlut ahi ding uhi. Hinanleh tuabang mite khu Hattuom dan a zi leh pasal a neithei kia na ding ua, kum khat tei tei gah ahi ding uhi. Tambanga gah ahi sung un, hattuom ah panmun leh hina bangma anei theisih ding uhi.
e).Hattuom Dan a zi leh pasal a kinei nua a, numei/pasal hina (sex) thu a chitlouna jieh a kikhen te’n kumkhat zaw chiengin midang toh kiten theina ding phalna hattuom ah angen thei dinga, tuachiin hattuomten zi/pasal nei kia theina phalna ape ding uhi. (Tualeh tam dan in hattuom a ordination, tangte leh sepna neite ahuom sih ding hi. Tualeh tambang a chitlana ahing um chiengin achit leh chitlouna Medical Doctor apat test (chetna) hoitah a bawlsah a, khumi Doctor lai khu LCC te’n enjui a recommend abawl dungjui un Ji/Pasal neitheina piethei ahi ding hi. Hinanleh Hattuom a Ordination tangte leh sepna neite ahuom thei sih ding hi.
Khil - 79 : Kol-awh te leh a kizah/kiten kia theina
1.Numei leh pasal hattuom Daan bang a kiteengsa a tungtang thu bangma suhfel sienglou a, zi leh ta dang a nei leh, zi-le-ta dang nei nu/pa pen kol-awh a kichi diing hi. Hinanleh, hattuom sung ah tambang in a kizang thei diing hi.
a).Hattuom Daan bang a kiteen nua a zi dang-pasal dang anei tahleh kum khat zou chiengin kiteenkia theina (zi/pasal dang toh) a ngen diing a, hattuom in tuabang kingetna khu Division ah a petou diing hi. Tualeh, Division in Annual Session/Khawmpi ah a pekia diing a, Annual Session/Khawmpi in pha a sah leh kiteen kia theina phalna pieh ahi diing hi. Tambang a khatvei kiteen nua a kiteen kia theina mute khu’n namdetna toh kisai mawngmawng a tang theisih diing ua; hinanleh, hattuom sung ah ama kipiehna dungjui a zahthei ahi diing hi.
b).Manipur Evangelical Lutheran Church sunga Hattuom Upa, Pastor, Probationary Pastor leh Evangelist teleh Ojapute’n aangkawmna khelna ahiei, ahilouleh sepna apat a nawkhiet theina ching khelna a nei uleh a damsung un Upa, Pastor, Probationary Pastor leh Evangelist na a semthei nonsih diing uhi. Hinanleh, talent nei mi ahileh Ministerial chilou Department dang ah a semthei diing hi. Annual Session/ Khawmpi in pha asah leh tambang kol-awhna in Office a nasemte leh Sangseate zong ahuop hi.
BUNG - XVIII
PAWLPI TOH KISAI
Khil - 80 : Pawlpi van neite
1.Hattuom Vanneite: Tualsung hattuom hi’n, Divission hi’n, Pawlpi hi’n, Department tuomtuomte hi’n, Committee tuomtuomte hi’n, Mission Field leh Institution tuomtuomte hitaleh tami Manipur Evangelical Lutheran Church Hattuom nuoi a um zousie vannei tuonthei leh tuon theilou (moveable & unmoveable) a kaikhawmna tengteng neitu hina (title) Manipur Evangelical Lutheran Church ah a um hi.
2.Hattuom Vanneite zahna: Manipr Evangelical Lutheran Church vannei zousia, tuonthei hiin, tuon theilou hitaleh, tualsung hattuom ahiei, divission ahiei, field ahiei, Department tuomtuomte ahiei, Pawlpi headquarter ahiei, Committee/ board ahiei leh Institution ahiei in ana kaikhawmte a deina bangbang a zahtheina thuneina Manipur Evangelical Lutheran Church in anei hi, Manipur Evangelical Lutheran Church peidan toh kituohlou ahisih nahleh.
3.MELC sum neisa zang a sil kaikhawmte: MELC sum toh ki kaikhawm vanneite zousie a deibang a zahtheina thuneina MELC in a nei hi.
4.Hattuom vanneite zuohkhiehna/ khohkhiehna: Manipur Evangelical Lutheran Church vanneite zuohkhieh ahiei, paikhieh ahiei leh koikhieh ding kulna a umleh Executive Committee in Rs 5,00,000/- manchieng abawlthei ding a, a tunglam te zousie pen kumtawp Khawmpi maimai in a bawlthei ding hi.
5.Tualsung Hattuom vanneite/ silneite piehkhiehna: Hattuom khat a unsieng ua kithutuoh a a tawpsieng uleh, khumi tuolsung/khosung vanneite/silneite zousie Manipur Evangelical Lutheran Church a ahi zing dinga, hattuom mite’n MELC nei leh lam tung ah thuneina anei thei sih ding uhi.

Khil - 81 : Kiheh- Kipei :
Kiheh - Kipei: Kiheh - Kipeina a um leh Manipur Evangelical Lutheran Church sih leh taang in Bishop adiing ding hi.
Khil – 82 : Affiliation :
1.Manipur Evangelical Lutheran Church Thugin kizilsahnate sangthei Hattuom pawlpi koi zong nasepkhawm ut a MELC a Affiliation hing bawl ut a umleh kipahpi ahi gige hi.
2.Khumbang a affiliation hing bawlte ama uh Identity leh autonomy protect sah ahi ding hi.
3.Affiliation bawlna ding in MELC kumchin Khawmpi ah a tawmpen in simple majority in a lemsahpi a ngai ding hi.
4.Affiliation hing bawl ut Hattuomte toh sepkhawm ding dan (terms & conditions) Khawmpi a puohlut ding in Executive in ana geel ding hi.
Khil - 83 : Hattuom pawlpi suhbeina/ phiat theina dante
Manipur Evangelical Lutheran Church kigawmna suhbei/phiat ding in Hattuom MELC Kumtawp Khawmpi palai zousie selisuo sethum (4/3) phasahna leh khumi ding mawng mawng a kikhopna thupitah a um a ngai ding hi. Khumbang a ki suhbeina/phiatna a umleh Pawlpi vanneite Pawlpi dang khut ah a manbei a piehsawn thei ahi ding a, khumi ding in Khawmpi ma in koi khut a pieh ding ahiei chi a gen fel pai a ngai ding hi. Tambang ki suhbeina/ ki phiatna in Divission leh tualsung Hattuom Vanneite bangchi tan in a subuai theisih ding hi.
Khil – 84 : Tualsung Hattuom Ki suhbeina/Phiatna:
Manipur Evangelical Lutheran Church sung a um tualsung Hattuom khat delkhieh/hawlkhieh ahiei, ahisihleh azieh dang khat poupou zieh a khumi tualsung Hattuom kem ding a um nonlouna khat a um leh nei leh lam (properties & assets) MELC pawlpi (denomination) in alasieng ding hi.
Khil - 85 : Kipuihuoina Bu Amendment Bawltha Theina Dan
Tam Kipuihuoina bu khu, paikhiet ding, siemphat ding leh belap ding um a thei ahi chiengin MELC Assembly/ Khawmpi palai se-thum suo seni (2/3) in pha asah leh, siemphatna dinga poimaw/deina munte, Assembly/ Khawmpi masanga Executive Committee a pieh lut masah ding ahi. Tuachiengin Assembly/Khawmpi palaite’n pha asah chiet uleh siemphat thei ahi ding hi.

MELC RECRUITMENT RULE
MELC sung a post tuamtuam lahna ding a kibawl rule-te ban ah post tuamtuam dungzui a kigielte tam bang ahi ding hi.
1.Name of Post: PRO-PASTOR
a.DPC Siam dan ding: Working Committee/OB MELC Annual khawmpi in DPC conduct dingin anuoi a bangin DPC members a siem ding hi:
i.Chairman
ii.Secretary
iii.Third member
b.Pay Scale (Ha-Law): 
c.Lah ding dan: Direct recruitment ahilou leh by promotion ahi ding hi.
d.Minimum Qualification (Direct Recruitment): 
i.Theology: B.D apat a tunglam zousa ahi ding hi.
ii.Secular: BA (Graduate) zousa
iii.Zi neisa ahileh Dan Siengthou a zi nei ahi dinga, MELC Kipuihuoina bu Bung-IX, Khil-42. Sl.No. 8 na in akan khahloute ahi ding hi.
iv.Mi piengtha ahi ding ahi.
v.Kum 25-40 kikal a mi ahi ding hi.
vi.Evangelist/MELC thugin jui leh pom mi ahi ding
vii.A tawmpen a kum 10 sung MELC mi leh sa ana hisa ahi ding hi.
e.By promotion ahileh
i.Evangelist nna atompen a Kum 20 semsa ahi ding hi.
ii.B. Th. zousa ahi ding  a, MELC Pawlpi sunga mi deisahna (preference) pieh ahi ding hi.
iii.Hattuom pawlpi angainatna leh ginumtah a asepna pawlpi in atheipi ahi ding ahi. Tuabanah thu natohna lam ah Laisiengthou Thuginpite leh MELC Pawlpi peidan leh Kipuihuoina danbu theisiem a jui mi ahi ding ahi.
2.Name of Post: EVANGELIST
a.DPC siam dan ding: Working Committee/OB MELC Annual khawmpi in DPC conduct dingin anuoi a bangin DPC members a siem ding hi:
i.Chairman
ii.Secretary
iii.Third member
b.Pay Scale (Ha-Law): 
c.Lah ding dan: Direct recruitment ahilou leh by promotion ahi ding hi.
d.Minimum Qualification (Direct Recruitment): 
i.Theology: B.Th. apat a tunglam zousa ahi ding hi.
ii.Secular: Matriculate apat a tunglam.
iii.Zi neisa ahileh Dan Siengthou a zinei leh MELC Kipuihuoina Bu bung-IX, Khil-42, Sl/No. 8 na in akan khahloute ahi ding hi.
iv.Mi piengtha leh Hagau mangthai lainatna nei mi ahi ding hi.
v.A tawmpen a Kum 10 sung MELC Hattuom pawlpi mi-le-sa ana hisa ahi ding hi.
vi.Amah tahsa kum 25-35 kikal mi ahi ding hi.
e.By promotion ahileh
i.Theology: MTC/DTC/Dip.Th. a tunglam Certificate neisa ahi ding hi.
ii.Kum 10 sanga tawmjawlou Evangelist Teacher nna semsa ahi ding hi.
iii.A umna Hattuom a phat huai leh Pawlpi ngaina mi ahi ding hi.
3.Name of Post: EVANGELIST
a.DPC siam dan ding: Working Committee/OB MELC Annual khawmpi in DPC conduct dingin anuoi a bangin DPC members a siem ding hi:
i.Chairman
ii.Secretary
iii.Third member
b.Pay Scale (Ha-Law): 
c.Lah ding dan: Direct recruitment
d.Minimum Qualification (Direct Recruitment): 
i.Matriculate apat a tunglam zousate ahi ding.
ii.Lai hilna lam a siemna (experience) neisa ahi ding.
iii.Mi piangtha leh MELC pawlpi sunga atawm pen a kum 10 tan Pawlpi mi-le-sa hisa leh ngaina mi ahi ding hi.
iv.Kum 25-40 kikal mi ahi ding hi.
v.A umna Division sunga D.S Recommend na lai ala ding hi.
e.By promotion
i.Theology: MTC/DTC/Dip.Th. a tunglam Certificate neisa ahi ding hi.
ii.Kum 10 sanga tawmjawlou Evangelist Teacher nna semsa ahi ding hi.
iii.A umna Hattuom a phat huai leh Pawlpi ngaina mi ahi ding hi.
4.Name of Post: SENIOR ACCOUNTANT
a.DPC siam dan ding: MELC Annual khawmpi in DPC conduct dingin anuoi a bangin DPC members a siem ding hi:
i.Chairman
ii.Secretary
iii.Third member
b.Pay Scale (Ha-Law): 
c.Lah ding dan: By promotion or by assignment
d.Minimum Qualification :
i.Jr. Accountant a atawmpen a Kum 10 semsa ahi ding hi.

5.Name of Post: JUNIOR ACCOUNTANT/UDC
a.DPC siam dan ding: MELC Annual khawmpi in DPC conduct dingin anuoi a bangin DPC members a siem ding hi:
i.Chairman
ii.Secretary
iii.Third member
b.Pay Scale (Ha-Law): 
c.Lah ding dan: By promotion or by assignment
d.Minimum Qualification :
i.LDC Grade a atawmpen a Kum 10 semsa ahi ding hi.
ii.Pawlpi in aginumna athei mi ahi ding hi.
iii.Service Book hoitah a et a asepna lam a genbanglou ahi ding ahi.
6.Name of Post: CASHIER
a.DPC siam dan ding: MELC Annual khawmpi in DPC conduct dingin anuoi a bangin DPC members a siem ding hi:
i.Chairman
ii.Secretary
iii.Third member
b.Pay Scale (Ha-Law): 
c.Lah ding dan: By promotion/assignment or by direct recruitment
d.Minimum Qualification (Direct recruitment) :
i.Mi piengtha, Pawlpi sung a member piching khat ahi ding hi.
ii.Sum-le-pai muna leh etkolna lam a siemna neisa, gin um ahi ding hi.
iii.Hattuom ngaina leh mi muonhuoi mama khat ahi ding hi.
iv.Laisimna lam a graduate (secular) degree nei ban ah account lam toh kisai computer program leh bookkeeping theisa ahi ding hi.
e.By promotion/assignment 
i.LDC Grade a atawmpen a Kum 5 semsa ahi ding hi.
ii.Pawlpi in aginumna athei mi ahi ding hi.
iii.Service Book hoitah a et a asepna lam a genbanglou ahi ding ahi.
7.Name of Post: LOWER DIVISION CLERK (LDC)
a.DPC siam dan ding: MELC Annual khawmpi in DPC conduct dingin anuoi a bangin DPC members a siem ding hi:
i.Chairman
ii.Secretary
iii.Third member
b.Pay Scale (Ha-Law): 
c.Lah ding dan: By direct recruitment
d.Minimum Qualification:
i.Class 10+2 apat atunglam zousate ahi ding hi.
ii.Computer siamna lam a aniempen a DTP Certificate nei ahi dinga, Tualeh Typing Speed atawmpen a thuteng 30 min. khat sunga sun zou ahi ding hi.
iii.Mi piengtha, pawlpi mi-le-sa Kum 10 hisate leh Pawlpi ngaina mi ahi ding hi.
iv.A kum Kum 20-30 tan a mi ahi ding hi.
v.A umna Hattuom leh DS recommend ala ding hi.
8.Name of Post: PEON-cum-CHOWKIDAR
a.DPC siam dan ding: MELC Annual khawmpi in DPC conduct dingin anuoi a bangin DPC members a siem ding hi:
i.Chairman
ii.Secretary
iii.Third member
b.Pay Scale (Ha-Law): 
c.Lah ding dan: By direct recruitment
d.Minimum Qualification:
i.Class VIII apat atunglam
ii.MELC Hattuom ngaina mi leh atawmpen a Kum 10 tan Pawlpi mi-le-sa hisa ahi ding hi.
iii.Mi piengtha, taima leh thumang ahi ding ahi.
iv.A umna Hattuom leh DS Recommend na ala ding hi.
 

 

 

Published by:-

 

Manipur Evangelical Lutheran Church

Head Office: Zomi Colony, Post Box - 10, Churachandpur - 795128, Manipur, India.

---