ABOUT US
MISSIONARY MANGLIANLAM TANCHIN TOMKIM
Tv. Manglianlam ahileh (L) Kapkhanthang leh Nu Chiinniang goutan hi ding in Mualluom khuo ah 10th November 1995 in apieng hi. Aman pienpi Pasal-2 leh numei-1 anei hi. Vangsiet huoi tahin apienna pan 2009 ana muolliem san hi. Innsung hamsatna zieh in “Immanuel Orphanage Ministry, Rajathan” ah laisim din aum a, tuana hing khanglien in 2010 kum in anuasie hi. Tuana kipat in Pasian in “Sava-Bharat, India nuoi ah Kum 2 leh akim sung Mang nna sem din alampi ahon sah hi.” Tuana kipat in Pasian in alampi hoizaw sem ding gelna toh “MELC Mission Field tha, Kangrai, Tripura ah 5th June, 2018 in Missionary sem ding in alut hi.” Ama ahileh MELC Mission Field, Kangrai, Tripura adia Missionary masa pen ahi hi.
TU ADIN MUN LEH ANASEP DAN: Tripura state ichipen 70% ginglou mite tenna ahi a, tulaitah a ama umna mun ahileh “Kangrai” ahi. Tam area ah theitawp suo in Mang nna asem a, hagau mangthaite Jesu Khrist Kengbul a bangchi leh puilut thei ahi diei, chi’n sun-le-zan in angaitua a, tua a dia alampi hoipen a athei ahileh “Inn vehna” (House Visit) khu athupi bawlpen hi. Naupangte biehinn kaikhawmpi in, amauti toh atamzaw hun azang khawm uhi. Pasian gam keletna dia theitawp suo a apan lai in, “Khantanhoi zal a ling leh khau banga hamsatna, douna melmapa Setan akipat tam veipi atuo a, akhen chieng bang in ama adia alawmhoipen te zong ahing zang zel hi. Tuabang dinmun hamsa atua chieng in Pasian ah akisuh hatzing hi.”Silkhat poupou ahing khangtou ding chieng in adoutu tam akichi ma bang in, “Pasian jal a anasepna in pichinlam ahing noh toh kitua in, ama doutu ding in melmapa Setan in, khat vei vei chieng in aseppite leh alawmte zang in nan chitah in anang hi.” Tabang dinmun atua chieng in mihing ahina zalin hagaulam a abasap hun zong tampi anei hi.
Missionary Apat:
Maban a Pasian gam nasep dingdan chilei, agen ding tampi um va, bangpen a jou ding chi zong gen ahamsa mama hi. Tripura Mission Field ahileh Inn 1000 val umna ahia, tuana in 70% khu gingloumi ahi uhi. Tam khopi sung a teng “Gingloute khu, a hagau hinkhuo ding uh ka gel chieng in, sun-le-zan imutheilou khawp in a hagau uh veina (burden) zieh in mittui luong a Pasian kung a ka thum hun atam mama hi. Amauten bang chileh Jesu Khrist a Hundampa un ahing sang the ding uai china toh Khantanhoi tangkou, amaute Gingtu hinkhuo ahing zang thei ding uai, chi ka tup thupipen ahi hi.” Pasian hepina zalin amauti lah a Hattuom Upa ding bang ahing pieh hi, ama khu koidang hilou lou in, “Upa Doharam Reang” ahi hi. Pasian zal in tam area ah Hattuom Inn-30 val aum ta a, tuana kipat mising (population) phazat ahileh, Piching ngen 94 leh naupang Sunday Skul leh School kaithei zat mi-56, agawm in Mi-150 apha hi.Upa Doharam ahileh MELC in 2021/22 a Upa namdetna (Ordination), Headquarter Church mun ah anei ahi hi. Pasian zal in tam mun a “Lutheran Public School” zong akipat khie a, tulaitah in to Cl- Nurzary Cl-3 tan aum a, Sangnaupang agawm in Mi-139 leh, Sangsye nasem mi-7 ten Pasian gam nasepna toh asem chiat uhi.
